#telanganaschools - Crime Mirror

తెలంగాణలోని పదో తరగతి విద్యార్థుల మార్కుల విషయంలో రేవంత్ రెడ్డి సర్కార్ 24 గంటల్లోనే యూటర్న్ తీసుకుంది. టెన్త్ పరీక్షల్లో ఇంటర్నల్ పరీక్షల రద్దు నిర్ణయాన్ని వాయిదా వేసింది. ఇంటర్నల్ మార్కులు రద్దు చేస్తూ తీసుకున్న నిర్ణయాన్ని 2024-25 విద్యా సంవత్సరానికి నిలిపివేస్తూ.. వచ్చే ఏడాది నుంచి అమలు చేయాలని రేవంత్ రెడ్డి ప్రభుత్వం నిర్ణయించింది.ఈ నెల అంటే నవంబర్ 28న తీసుకున్న నిర్ణయాన్ని 29న వెనక్కి తీసుకుంది. తెలంగాణలో పదో తరగతి పరీక్షలకు ఇప్పటి వరకు ఉన్న గ్రేడింగ్ విధానానికి స్వస్తి పలకాలని ప్రభుత్వం నిర్ణయించుకుంది. ఇప్పటివరకు.. ఒక్కో సబ్జెక్టుకు మొత్తం 100 మార్కులకు గానూ.. ఆన్యుల్ ఎగ్జామ్స్ లో 80 మార్కులు కేటాయించగా.. ఇంటర్నల్ మార్క్స్ కింద 20 మార్కులుగా కేటాయించారు. కాగా.. ఈ విద్యా సంవత్సరం నుంచే ఇంటర్నల్ పరీక్షలకు మార్కుల విధానాన్ని ఎత్తివేస్తున్నట్టు ప్రభుత్వం ప్రకటించింది. ఇక నుంచి 6 సబ్జెక్టుల పరీక్షలకు 600 మార్కులు ఉంటాయంటూ సర్కార్ ఉత్తర్వులు జారీ చేసింది. ఆ వెంటనే పాఠశాల విద్యాశాఖకు కూడా ఆదేశాలు జారీ చేసింది. వచ్చే మార్చిలో జరిగే వార్షిక పరీక్షల నుంచే ఈ మార్పులు అమలులోకి వస్తాయని ప్రభుత్వం ఉత్తర్వుల్లో స్పష్టం చేసింది. ప్రభుత్వం తీసుకున్న నిర్ణయంపై విద్యార్థులతో పాటు వారి తల్లిదండ్రుల నుంచి తీవ్ర అభ్యంతరం వ్యక్తం చేశారు. ఇలాంటి కీలక నిర్ణయాలను విద్యా సంవత్సరం మొదట్లోనే ప్రకటిస్తే.. అందుకు అనుగుణంగా విద్యార్థులు అన్ని రకాలుగా సిద్ధమవుతారని.. కానీ పరీక్షలకు కేవలం 4 నెలల ఉందనగా వెల్లడించటం వల్ల గందరగోళ పరిస్థితులు నెలకొంటాయని అన్ని వర్గాల నుంచి అభ్యంతరం వ్యక్తమైంది.ఈ కొత్త విధానంపై పాఠశాల విద్యాశాఖ నుంచి ఆగస్టు 19వ తేదీన ప్రభుత్వానికి ప్రతిపాదనలు పంపగా.. ఏకంగా 3 నెలల 10 రోజులకు దీనిపై నిర్ణయం తీసుకుంది. ఇప్పటికే 80 మార్కులకు సమ్మెటివ్ అసెస్మెంట్- ఎస్ఏ-1 పరీక్షలు పూర్తికావటంతో.. ఇప్పుడు ఈ విధానాన్ని ప్రకటించటం ఎంత మాత్రం సరైన నిర్ణయం కాదని విద్యారంగ నిపుణులు అభిప్రాయపడ్డారు. వారి నుంచి వచ్చిన విజ్ఞప్తుల మేరకు రేవంత్ రెడ్డి ప్రభుత్వం వెనక్కి తగ్గింది. గురువారం రోజున ప్రకటించిన తన నిర్ణయాన్ని ప్రభుత్వం ఉపసంహరించుకుంది. అయితే ఈ కొత్త విధానాన్ని 2025-26 విద్యా సంవత్సరం నుంచి అమల్లోకి తీసుకురానుంది.

Tag: #telanganaschools

Most Read

త‌వ్వే కొద్దీ బ‌య‌ట‌ప‌డుతున్న గ్యాస్ ఏజెన్సీ భాగోతం….!హోట‌ళ్ల‌తో కుమ్మ‌క్కై అడ్డ‌దారుల్లో సంపాద‌న‌…

భాగ్యనగరం ప్రజలకు గుడ్ న్యూస్… ఎంఎంటీఎస్ రైళ్లలో ఉచిత ప్రయాణం…!

చంద్రబాబుకు రేవంత్ గ‌ట్టి హెచ్చరిక…! బీజేపీతో ఉంటే బీహార్ లాగే…

బీఆర్ ఎస్‌…ఇక‌ టీఆర్ ఎస్ గా మార‌నుంది…. పున‌రుద్ద‌ర‌ణ‌కు ముహూర్తం ఫిక్స్‌…!

EDITOR PICKS

24 గంటల్లోనే యూటర్న్.. పాత పద్దతిలోనే టెన్త్ పరీక్షలు

టీచర్లకు షాక్.. స్కూల్ సమయం గంట పెంపు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending