telangana assembly - Crime Mirror

Politics: ఖైరతాబాద్ ఎమ్మెల్యే దానం నాగేందర్పై అనర్హత పిటిషన్ పరిశీలన కొనసాగుతున్న సమయంలో, ఆయన ఎమ్మెల్యే పదవికి రాజీనామా చేసే అవకాశాలపై రాజకీయ వర్గాల్లో తీవ్రమైన చర్చ నడుస్తోంది. బీఆర్ఎస్ నేతలు తమ పార్టీకి చెందిన 10 మంది ఎమ్మెల్యేలు కాంగ్రెస్లో చేరారని, వారిని అనర్హులుగా ప్రకటించాలంటూ స్పీకర్కు ఫిర్యాదులు చేయడంతో ఈ వ్యవహారం పెద్దదైంది. స్పీకర్ పంపిన నోటీసులకు 8 మంది ఎమ్మెల్యేలు వివరణలు సమర్పించగా, కడియం శ్రీహరి, దానం నాగేందర్ మాత్రమే సమాధానం ఇవ్వకపోవడం దానం కేసుపై కొత్త సందేహాలు రేకెత్తించింది. ఈ నేపథ్యంలో స్పీకర్ రెండోసారి నోటీసులు పంపి వెంటనే అఫిడవిట్ సమర్పించాలని ఆదేశించారని సమాచారం. సుప్రీంకోర్టు నాలుగు వారాల్లో అనర్హత పిటిషన్లను తేల్చాలని చెప్పిన నేపథ్యంలో స్పీకర్ ఇప్పటికే 8 మంది ఎమ్మెల్యేల విచారణను పూర్తిచేశారు. మిగతా నలుగురి మౌఖిక విచారణ కూడా ముగిసింది. అయితే దానం వివరణ ఇవ్వకపోవడం ఆయన రాజకీయ భవిష్యత్తుపై ఉన్న ఆందోళనలను బలపరుస్తోంది. గత లోక్సభ ఎన్నికల్లో సికింద్రాబాద్ నుంచి కాంగ్రెస్ అభ్యర్థిగా పోటీ చేసిన ఆయన.. ఇప్పుడు నోటీసులకు స్పందిస్తే విచారణలో ఇబ్బందికర పరిస్థితులు ఏర్పడే అవకాశం ఉన్నదన్న అభిప్రాయంతో ఆయన వెనుకంజ వేస్తున్నారని రాజకీయ వర్గాల్లో లెక్కలు వినిపిస్తున్నాయి. విచారణలో ప్రతికూల నిర్ణయం వస్తే రాజకీయంగా దానికి తీవ్రమైన ప్రభావం ఉంటుందని ఆయన అనుచరులు చెబుతున్నారు. ఇటీవల జూబ్లీహిల్స్ ఉప ఎన్నికల్లో కాంగ్రెస్ భారీ మెజార్టీతో గెలవడం, గ్రేటర్ హైదరాబాద్ పరిధిలో కాంగ్రెస్ గాలులు బలంగా వీయడం, ఈ పరిస్థితుల్లో దానం నాగేందర్ ఖైరతాబాద్కు వచ్చే ఉప ఎన్నికల్లో గెలవడం పెద్ద కష్టమేమీ కాదని పార్టీ నేతలు భావిస్తున్నట్లు తెలుస్తోంది. ఈ నేపథ్యంలో ఎమ్మెల్యే పదవికి రాజీనామా చేసి మళ్లీ ప్రజల్లోకి వెళ్లడం ఆయనకు లాభదాయకమని రాజకీయంగా చర్చ జరుగుతోంది. ఈ ఆసక్తికర పరిస్థితుల్లో దానం గురువారం ఢిల్లీకి వెళ్లి ఏఐసీసీ పెద్దలతో భేటీ కావడం మరింత సందేహాలను రేకెత్తించింది. తాను రాజీనామా చేస్తే తర్వాతి పరిణామాలపై చర్చించేందుకు, అలాగే మళ్లీ గెలిస్తే మంత్రివర్గంలో అవకాశంపై మాట్లాడేందుకు కూడా ఈ భేటీ జరిగినట్లు పార్టీ వర్గాలు వెల్లడిస్తున్నాయి. జూబ్లీహిల్స్లో కాంగ్రెస్ గెలుపు ఆయన ఆత్మవిశ్వాసాన్ని పెంచగా, తిరిగి ఎన్నికల్లో గెలిచి మంత్రివర్గంలో చోటు సంపాదించడమే లక్ష్యంగా దానం ముందుకు సాగుతున్నట్లు తెలుస్తోంది. దానం నాగేందర్ రాజకీయ జీవితం ఎంతో రంగులమయంగా ఉంది. ఆసిఫ్నగర్ నుంచి రెండు సార్లు కాంగ్రెస్ ఎమ్మెల్యేగా గెలిచిన ఆయన.. 2004లో టీడీపీ టికెట్పై విజయం సాధించారు. అయితే అప్పటి రాజకీయ పరిణామాల నేపథ్యంలో టీడీపీకి రాజీనామా చేసి కాంగ్రెస్లో చేరడంతో ఆసిఫ్నగర్లో ఉప ఎన్నికలు జరిగాయి. 2009 డిలిమిటేషన్ తర్వాత ఏర్పడిన ఖైరతాబాద్ నియోజకవర్గం నుంచి పోటీ చేస్తూ దానం అక్కడ బలమైన స్థానం సంపాదించారు. 2009లో కాంగ్రెస్ అభ్యర్థిగా గెలిచి మంత్రి పదవి పొందారు. 2014లో కాంగ్రెస్ తరఫున పోటీ చేసి బీజేపీ అభ్యర్థి చేతిలో ఓడిపోయారు. 2018లో కాంగ్రెస్ను వీడి టీఆర్ఎస్ (ప్రస్తుత బీఆర్ఎస్)లో చేరి ఎమ్మెల్యేగా గెలిచారు. ఇటీవల జరిగిన అసెంబ్లీ ఎన్నికల్లోనూ బీఆర్ఎస్ తరఫున విజయం సాధించడంతో ఆయన రాజకీయ ప్రయాణం నిరంతర మార్పులతో సాగుతోంది. అయితే, ప్రస్తుతం ఖైరతాబాద్ రాజకీయ సమీకరణాలను మారుస్తున్న ఈ పరిణామాల్లో దానం ఎప్పుడైనా తన రాజీనామాను ప్రకటించవచ్చని ఆయన అనుచరులు అంచనా వేస్తున్నారు. ALSO READ: Sports: వరల్డ్ బాక్సింగ్ కప్లో స్వర్ణం గెలిచిన నిఖత్ జరీన్

Tag: telangana assembly

Most Read

కుమార్తె జ్ఞాపకార్థం తండ్రి అపురూప కానుక.. రూ.2 లక్షలతో గుడి నిర్మాణం

జగిత్యాలలో ఏసీబీ వలలో సీడీపీవో.. 21 మంది సూపర్‌వైజర్ల నుంచి రూ.63 వేల లంచం!

సూరారంలో షాకింగ్ ఘటన.. టీచర్‌ను వేధించిన ప్రిన్సిపాల్‌.. నిలదీసినందుకు కత్తితో దాడి

చిట్టీల పేరుతో రూ.10 కోట్లకు పైగా వసూలు చేసిన ప్రభుత్వ ఉపాధ్యాయుడు.. ఆపై కుటుంబంతో కలిసి పరారీ

EDITOR PICKS

తెలంగాణలో ‘భూ’ రాజకీయం…22-A నుంచి ఎర్రవల్లి వరకు…!

కేటీఆర్, హరీశ్ రావుపై లైంగిక వేధింపుల కేసు.. సైఫాబాద్ పీఎస్‌లో కేసు నమోదు

బీఆర్‌ఎస్ ఎమ్మెల్సీలు తాతా మధు, నవీన్ కుమార్ రెడ్డి అరెస్ట్…

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags