Tamil Series - Crime Mirror

ఓటీటీలో ప్రతి వారం కొత్త సినిమాలు, వెబ్ సిరీస్లు ప్రేక్షకుల ముందుకు వస్తున్నాయి. భాషల సరిహద్దులు చెరిపేస్తూ తమిళం, మలయాళం, కన్నడ, హిందీతో పాటు ఇతర భాషల కంటెంట్ కూడా తెలుగులోకి అనువాదమై మంచి ఆదరణ పొందుతోంది. ఈ క్రమంలో తాజాగా ఒక తమిళ క్రైమ్ థ్రిల్లర్ వెబ్ సిరీస్ ఓటీటీ ప్రేక్షకులను బాగా ఆకట్టుకుంటోంది. విడుదలైన కొద్ది కాలంలోనే ఇది దక్షిణాది భాషల్లో మంచి స్పందన సాధిస్తూ చర్చనీయాంశంగా మారింది. ‘వారెంట్’ అనే ఈ క్రైమ్ థ్రిల్లర్ కథ ఒక చిన్న పట్టణంలో పనిచేసే కోట్టై కరుప్పుసామి అనే కానిస్టేబుల్ చుట్టూ తిరుగుతుంది. పోలీస్ వ్యవస్థలో దిగువ స్థాయి ఉద్యోగులు ఎదుర్కొనే ఒత్తిళ్లు, అవమానాలు, అధికారుల వైఖరి వంటి అంశాలను ఈ సిరీస్ బలంగా చూపించే ప్రయత్నం చేసింది. ప్రతిరోజూ అవమానాలు, నిర్లక్ష్యం ఎదుర్కొంటూ జీవించే కరుప్పుసామి ఒక దశలో తన సహనాన్ని కోల్పోతాడు. అప్పటి వరకు తనలోనే దాచుకున్న అసహనం బయటకు వస్తుంది. దీంతో శాఖలో పక్కన పెట్టిన పాత కేసు ఫైళ్లను తిరిగి తెరిచి ఒక్కో కేసును తనదైన శైలిలో విచారించడం ప్రారంభిస్తాడు. నేరస్థులపై అతని వ్యవహార శైలి మరింత కఠినంగా మారుతుంది. అతని చర్యలతో ప్రజలతో పాటు పోలీస్ వ్యవస్థలో కూడా చర్చ మొదలవుతుంది. అయితే కథ అసలు మలుపు పోలీస్ స్టేషన్లో చోటుచేసుకునే ఒక లాకప్ మరణం తర్వాత వస్తుంది. ఆ ఘటన కరుప్పుసామి జీవితాన్నే కాదు మొత్తం వ్యవస్థను కుదిపేస్తుంది. అక్కడి నుంచి కథ అనూహ్య మలుపులు తిరుగుతుంది. ఈ సిరీస్ గతంలో మంచి ఆదరణ పొందిన విలంగు కు కొనసాగింపుగా రూపొందినట్లు ప్రచారం పొందింది. ఈ ప్రాజెక్టుకు ప్రశాంత్ పాండియరాజ్ కథా రూపకల్పన అందించగా, విగ్నేష్ నటరాజన్ దర్శకత్వం వహించారు. నటీనటుల ప్రదర్శనతో పాటు నేపథ్య సంగీతం కూడా ప్రేక్షకులను ఆకట్టుకుంటోందని స్పందనలు వస్తున్నాయి. ఈ వెబ్ సిరీస్ ప్రస్తుతం జీ5 వేదికలో ప్రసారం అవుతోంది. తమిళంతో పాటు తెలుగులో కూడా అందుబాటులో ఉండటం ప్రేక్షకులకు మరింత సౌకర్యంగా మారింది. క్రైమ్ థ్రిల్లర్, సస్పెన్స్, దర్యాప్తు నేపథ్యంలో సాగే కథలు ఇష్టపడే వారికి ఇది మంచి ఎంపికగా చెప్పుకోవచ్చు. ALSO READ: ఫోన్ మెమొరీ వెంటనే ఫుల్ అవుతోందా.. యాప్స్ డౌన్లోడ్ కాకపోవడానికి కారణాలివే!

Tag: Tamil Series

Most Read

నిజాయితీ గల కానిస్టేబుల్‌కు కోపం వస్తే.. OTTని ఊపేస్తున్న క్రైమ్ థ్రిల్లర్

Gen Zలో పెరుగుతున్న బాడీ పెయిన్స్.. మెడ, నడుము నొప్పులకు అసలు కారణాలివే!

ఫోన్ మెమొరీ వెంటనే ఫుల్ అవుతోందా.. యాప్స్ డౌన్‌లోడ్ కాకపోవడానికి కారణాలివే!

మేనల్లుడితో ఎఫైర్.. భర్తకు కరెంట్ షాకిచ్చి చంపిన మహిళ

EDITOR PICKS

నిజాయితీ గల కానిస్టేబుల్‌కు కోపం వస్తే.. OTTని ఊపేస్తున్న క్రైమ్ థ్రిల్లర్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel