Tamil Nadu investments - Crime Mirror

తమిళనాడును అంతర్జాతీయ పారిశ్రామిక కేంద్రంగా అభివృద్ధి చేసే లక్ష్యంతో ఆ రాష్ట్ర ముఖ్యమంత్రి, తమిళగ వెట్రి కళగం (TVK) అధినేత విజయ్ చేపట్టిన తొలి అధికారిక బ్రిటన్ పర్యటన విజయవంతంగా ముగిసింది. లండన్లో నిర్వహించిన గ్లోబల్ ఇన్వెస్టర్స్ సమ్మిట్లో పలు బ్రిటన్కు చెందిన ప్రముఖ సంస్థలతో తమిళనాడు ప్రభుత్వం కీలక అవగాహన ఒప్పందాలు కుదుర్చుకుంది. ఈ ఒప్పందాల విలువ సుమారు రూ.11,000 కోట్లుగా వెల్లడైంది. ఈ పెట్టుబడులు రాష్ట్రంలోని వివిధ పారిశ్రామిక రంగాలకు ఊతమివ్వడంతో పాటు ప్రత్యక్షంగా, పరోక్షంగా భారీ సంఖ్యలో ఉద్యోగ, ఉపాధి అవకాశాలు అందుబాటులోకి వచ్చే అవకాశం ఉందని ప్రభుత్వం పేర్కొంది. ప్రధానంగా పునరుత్పాదక ఇంధనం, ఎలక్ట్రిక్ వాహనాల తయారీ, డేటా సెంటర్లు, ఆధునిక వైద్య మౌలిక సదుపాయాల రంగాల్లో పెట్టుబడులకు సంబంధించిన ఒప్పందాలు జరిగినట్లు సమాచారం. ఈ రంగాల్లో కొత్త ప్రాజెక్టులు ఏర్పాటైతే తమిళనాడులో పారిశ్రామిక కార్యకలాపాలు మరింత వేగం పుంజుకునే అవకాశం ఉంది. తమిళనాడును 1 ట్రిలియన్ డాలర్ల ఆర్థిక వ్యవస్థగా తీర్చిదిద్దాలనే లక్ష్యంలో భాగంగానే బ్రిటన్ పర్యటనలో పెట్టుబడుల సమీకరణకు ప్రాధాన్యం ఇచ్చినట్లు సీఎం విజయ్ తెలిపారు. రాష్ట్రంలో పెట్టుబడులు పెట్టే విదేశీ సంస్థలకు వేగంగా అనుమతులు మంజూరు చేయడంతో పాటు అవసరమైన మౌలిక సదుపాయాలు, ప్రభుత్వ సహకారం అందిస్తామని హామీ ఇచ్చారు. దక్షిణ భారతదేశంలో పారిశ్రామిక పెట్టుబడుల కోసం తమిళనాడు, ఆంధ్రప్రదేశ్, తెలంగాణ మధ్య పోటీ నెలకొన్న నేపథ్యంలో బ్రిటన్ నుంచి కుదిరిన ఈ భారీ ఒప్పందాలు తమిళనాడి పారిశ్రామిక రంగానికి మరింత బలం చేకూర్చే అవకాశం ఉందని విశ్లేషకులు భావిస్తున్నారు. ఎలక్ట్రిక్ వాహనాలు, గ్రీన్ ఎనర్జీ, టెక్నాలజీ, హెల్త్కేర్ వంటి భవిష్యత్ రంగాల్లో పెట్టుబడులను ఆకర్షించడం ద్వారా దక్షిణాదిని గ్లోబల్ మ్యానుఫ్యాక్చరింగ్ హబ్గా తీర్చిదిద్దే ప్రయత్నాలు మరింత వేగం పుంజుకోనున్నాయి. also read: కోనసీమ బిడ్డకు అరుదైన గౌరవం.. పట్నా హైకోర్టు చీఫ్ జస్టిస్గా కామేశ్వరరావు

Tag: Tamil Nadu investments

Most Read

బ్రిటన్‌లో విజయ్ భారీ డీల్.. తమిళనాడుకు రూ.11 వేల కోట్ల పెట్టుబడులు

కోనసీమ బిడ్డకు అరుదైన గౌరవం.. పట్నా హైకోర్టు చీఫ్ జస్టిస్‌గా కామేశ్వరరావు

అల్లూరి జిల్లాలో విషాద ఘటన.. ఏకే-47తో ఏఆర్ ఎస్సై ఆత్మహత్యాయత్నం

అమెరికన్ డైమండ్స్‌తో అలంకరించిన 48 కిలోల బంగారు గణేశుడు..

EDITOR PICKS

బ్రిటన్‌లో విజయ్ భారీ డీల్.. తమిళనాడుకు రూ.11 వేల కోట్ల పెట్టుబడులు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags