Tag: startup jobs

ఆర్టిఫిషియల్ ఇంటెలిజెన్స్ రంగం ప్రపంచవ్యాప్తంగా వేగంగా విస్తరిస్తున్న నేపథ్యంలో ఈ రంగంలో ఉద్యోగాలు ఆశిస్తున్న యువ ఇంజినీర్లకు అమెరికాకు చెందిన బిలియనీర్ వ్యాపారవేత్త మార్క్ క్యూబన్ కీలక సలహాలు ఇచ్చారు. AIలో కెరీర్ నిర్మించాలనుకునే వారు తప్పనిసరిగా మల్టీనేషనల్ కంపెనీలకే పరిమితం కావాల్సిన అవసరం లేదని, చిన్న మరియు మధ్య తరహా సంస్థల వైపు కూడా దృష్టి పెట్టాలని సూచించారు. పెద్ద కంపెనీల్లో ఉద్యోగం లభించడం గొప్పగా కనిపించినా.. అక్కడ వ్యక్తిగత ప్రతిభను పూర్తిగా చూపించుకునే అవకాశాలు చాలా పరిమితంగా ఉంటాయని ఆయన అభిప్రాయపడ్డారు. చిన్న కంపెనీలు, స్టార్టప్ల్లో పనిచేసే వారికి అనేక రకాల బాధ్యతలు ఉంటాయని, అదే సమయంలో కొత్త నైపుణ్యాలను వేగంగా నేర్చుకునే అవకాశం కూడా లభిస్తుందని మార్క్ క్యూబన్ తెలిపారు. ఇలాంటి సంస్థల్లో ఉద్యోగులు ఒకే పనికే పరిమితం కాకుండా, ప్రాజెక్ట్ మొత్తం మీద అవగాహన పెంచుకునే అవకాశం ఉంటుందని చెప్పారు. ఇది భవిష్యత్తులో వారి కెరీర్కు బలమైన పునాదిగా మారుతుందని ఆయన అభిప్రాయపడ్డారు. దీనికి భిన్నంగా పెద్ద కంపెనీల్లో ఉద్యోగులు ఒక చిన్న విభాగానికే పరిమితమవుతూ, కొత్త ఆలోచనలను అమలు చేసే అవకాశం తగ్గిపోతుందని వ్యాఖ్యానించారు. ప్రస్తుతం AI రంగంలో భారీగా పెట్టుబడులు పెట్టిన అనేక పెద్ద కంపెనీలకు ఆశించిన స్థాయిలో లాభాలు రావడం లేదని మార్క్ క్యూబన్ స్పష్టం చేశారు. అయితే AI ఆధారిత స్టార్టప్లు మాత్రం కొత్త ఆవిష్కరణలతో ముందంజలో ఉన్నాయని అన్నారు. పరిమిత వనరులతోనే వినూత్న పరిష్కారాలను అందిస్తూ మార్కెట్లో నిలదొక్కుకుంటున్నాయని తెలిపారు. స్టార్టప్ల్లో పనిచేసే యువతకు నిర్ణయాలు తీసుకునే స్వేచ్ఛ, లీడర్షిప్ లక్షణాలు, రిస్క్ తీసుకునే ధైర్యం త్వరగా అలవడతాయని ఆయన పేర్కొన్నారు. భవిష్యత్తులో ఏ రంగమైనా ఆర్టిఫిషియల్ ఇంటెలిజెన్స్ ప్రభావం తప్పనిసరిగా ఉంటుందని మార్క్ క్యూబన్ హెచ్చరించారు. టెక్నాలజీ రంగంతో పాటు ఆరోగ్యం, ఫైనాన్స్, తయారీ, మీడియా వంటి అనేక రంగాల్లో AI వినియోగం వేగంగా పెరుగుతోందని చెప్పారు. అందుకే యువత కేవలం డిగ్రీలకే పరిమితం కాకుండా, ప్రాక్టికల్ స్కిల్స్, కొత్త టూల్స్, టెక్నాలజీలను నిరంతరం నేర్చుకుంటూ ముందుకు సాగాలని సూచించారు. మారుతున్న కాలానికి అనుగుణంగా తమను తాము అప్డేట్ చేసుకోగలిగితేనే భవిష్యత్తులో ఉద్యోగ భద్రత ఉంటుందని తెలిపారు. AI నేర్చుకోవడమే కాదు, దాన్ని ఎలా వినియోగించాలో తెలుసుకోవడం కూడా అత్యంత అవసరమని స్పష్టం చేశారు. ALSO READ: Sugar: మీరు స్వీట్స్ బాగా తింటున్నారా? అయితే జాగ్రత్త!

Tag: startup jobs

Most Read

Paddy Procurement: తాలు పేరుతో కోతలు.. ధాన్యం అమ్ముకోలేక రైతుల అవస్థలు!

పెద్దదేవులపల్లి రేజర్వాయర్ లో మత్స్యకారులకు చిక్కిన భారీ చేప..!

విద్య, వైద్యం ఫ్రీగా ఇవ్వకుంటే రాళ్లతో కొట్టండి…!

బ్లాక్ ఫారెస్ట్‌లో మహేష్ బాబు కష్టాలు.. కొత్త లుక్ ఫోటోలు వైరల్..!

EDITOR PICKS

‘MNCల కన్నా చిన్న కంపెనీలే మంచివి’

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel