Tag: Social Media Update

ప్రపంచవ్యాప్తంగా కోట్లాది మంది ఉపయోగిస్తున్న ఫోటో, వీడియో పంచుకునే వేదిక ఇన్స్టాగ్రామ్లో త్వరలో ఒక కీలక మార్పు చోటుచేసుకోబోతోంది. వినియోగదారుల మధ్య సందేశాలను మరింత గోప్యంగా ఉంచేందుకు ప్రవేశపెట్టిన ఎండ్ టు ఎండ్ ఎన్క్రిప్టెడ్ మెసేజింగ్ సదుపాయాన్ని నిలిపివేస్తున్నట్లు మెటా ప్రకటించింది. ఈ నిర్ణయం 2026 మే 8 నుంచి అమల్లోకి రానుందని కంపెనీ వెల్లడించింది. దీంతో ఇప్పటివరకు వినియోగదారులు ఉపయోగిస్తున్న ఎన్క్రిప్టెడ్ చాట్ల సదుపాయం ఇకపై అందుబాటులో ఉండదని స్పష్టమైంది. ఈ విషయాన్ని మెటా తన తాజా బ్లాగ్ ప్రకటన ద్వారా ధృవీకరించింది. వినియోగదారుల గోప్యతను దృష్టిలో ఉంచుకొని ఈ సదుపాయాన్ని డిసెంబర్ 2023లో ప్రవేశపెట్టారు. ఆ విధానం ప్రకారం ఒక సందేశాన్ని పంపిన వ్యక్తి, అందుకున్న వ్యక్తి తప్ప మరెవరికీ ఆ సందేశాన్ని చదివే అవకాశం ఉండదు. మధ్యలో ఎవ్వరూ ఆ సమాచారాన్ని చూడలేని విధంగా భద్రతా వ్యవస్థ అమలు చేయబడింది. అయితే ఇప్పుడు ఈ సదుపాయాన్ని పూర్తిగా తొలగించడంతో ఇన్స్టాగ్రామ్లో చాట్లకు సంబంధించిన అదనపు గోప్యత కొంత మేర తగ్గే అవకాశముందని నిపుణులు అభిప్రాయపడుతున్నారు. ఇదిలావుంటే ఈ సదుపాయం పూర్తిగా నిలిపివేయబడే ముందు వినియోగదారులకు ఒక అవకాశం కల్పిస్తున్నట్లు మెటా తెలిపింది. ఇప్పటివరకు ఎన్క్రిప్టెడ్ చాట్లలో ఉన్న సందేశాలు, ఫోటోలు లేదా వీడియోలను వినియోగదారులు ముందుగానే డౌన్లోడ్ చేసుకునే వీలుంటుందని కంపెనీ వెల్లడించింది. ఈ ప్రక్రియకు సంబంధించిన సూచనలు యాప్లోనే కనిపిస్తాయని తెలిపింది. అయితే చాలా కాలంగా తమ యాప్ను అప్డేట్ చేయని వినియోగదారులు ముందుగా తాజా సంస్కరణకు మారాల్సి ఉండొచ్చని కూడా సూచించింది. అప్డేట్ చేసిన తర్వాతే చాట్ డేటాను డౌన్లోడ్ చేసుకునే అవకాశం లభిస్తుందని పేర్కొంది. ఎండ్ టు ఎండ్ ఎన్క్రిప్షన్ సదుపాయాన్ని ఎందుకు తొలగిస్తున్నారన్న విషయంపై మెటా పూర్తి వివరాలు వెల్లడించకపోయినా, ప్రపంచవ్యాప్తంగా పెరుగుతున్న భద్రతా ఆందోళనలే ప్రధాన కారణమని నిపుణులు భావిస్తున్నారు. ముఖ్యంగా ఆన్లైన్ వేదికల ద్వారా చట్టవిరుద్ధ కార్యకలాపాలు జరుగుతున్నాయనే ఆరోపణలు పెరుగుతున్నాయి. పిల్లల దోపిడీకి సంబంధించిన విషయాలు లేదా చట్టవిరుద్ధ సమాచారాన్ని ఎన్క్రిప్టెడ్ వేదికల ద్వారా పంచుకుంటున్నారనే అనుమానాలు అనేక దేశాల్లో వ్యక్తమవుతున్నాయి. ఈ కారణంగా ప్రభుత్వాలు మరియు నియంత్రణ సంస్థలు సోషల్ మీడియాలపై కఠినమైన నిబంధనలు విధించేందుకు ముందుకు వస్తున్నాయి. ఈ నేపథ్యంలో పలు దేశాలు ఇప్పటికే కొత్త చట్టాలను అమల్లోకి తీసుకువచ్చాయి. ముఖ్యంగా యూరప్ దేశాల్లో ప్రతిపాదించిన చాట్ కంట్రోల్ నిబంధనలు, బ్రిటన్లో అమల్లో ఉన్న ఆన్లైన్ భద్రత చట్టం 2023 వంటి చట్టాలు సాంకేతిక సంస్థలపై బాధ్యతను పెంచుతున్నాయి. హానికరమైన లేదా చట్టవిరుద్ధ సమాచారాన్ని గుర్తించి వెంటనే తొలగించాల్సిన బాధ్యతను ఈ చట్టాలు సంస్థలపై ఉంచుతున్నాయి. ఈ నిబంధనలను అమలు చేయడం సులభం కావడానికి ఎన్క్రిప్టెడ్ చాట్ వ్యవస్థలను తగ్గించే దిశగా కొన్ని సంస్థలు ఆలోచిస్తున్నాయని నిపుణులు చెబుతున్నారు. ఇన్స్టాగ్రామ్లో ఎన్క్రిప్టెడ్ చాట్లను నిలిపివేయాలన్న మెటా నిర్ణయం కూడా ఇదే నేపథ్యంలో తీసుకున్నదని విశ్లేషకులు అభిప్రాయపడుతున్నారు. వినియోగదారుల భద్రతను మెరుగుపరచడం, చట్టపరమైన నిబంధనలను పాటించడం కోసం ఈ మార్పు తీసుకొస్తున్నట్లు భావిస్తున్నారు. అయితే మరోవైపు గోప్యతను ప్రాధాన్యంగా చూసే వినియోగదారుల్లో ఈ నిర్ణయం చర్చకు దారి తీసే అవకాశం ఉందని కూడా చెబుతున్నారు. రాబోయే రోజుల్లో ఈ నిర్ణయం సామాజిక మాధ్యమాల వినియోగంపై ఎలా ప్రభావం చూపుతుందో చూడాల్సి ఉంది. ALSO READ: కేంద్రం సంచలన ప్రకటన.. వీరందరికీ గ్యాస్ సిలిండర్ల డెలివరీ బంద్

Tag: Social Media Update

Most Read

‘ఇరుముడి’ చిత్రానికి కొత్త చిక్కులు.. మైత్రీ మూవీ మేకర్స్‌కు కార్మిక శాఖ నోటీసులు!

కోదాడలో భారీగా గంజాయి పట్టివేత.. 150 కిలోల సరుకు సీజ్

మేడ్చల్ జిల్లాలో విషాదం.. క్వారీ గుంతలో పడి ఇద్దరు విద్యార్థులు మృతి

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

EDITOR PICKS

ఇన్‌స్టా యూజర్లకు అలర్ట్.. ఆ సేవలు బంద్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags