social harmony - Crime Mirror

నటి, బీజేపీ ఎంపీ కంగనా రనౌత్తో ఇటీవల జరిగిన మాటల వివాదానికి యోగా గురు బాబా రామ్దేవ్ ముగింపు పలికే ప్రయత్నం చేశారు. రాఖీ పండుగ సందర్భంగా కంగనాను తన సోదరిగా పేర్కొంటూ ఆమెకు స్వీట్లు, బహుమతులు పంపుతున్నట్లు వెల్లడించారు. విభేదాలు, శత్రుత్వాలకు దూరంగా ఉండాలని, ఏ సమస్యనైనా చర్చల ద్వారా పరిష్కరించుకోవాలని ఆయన సూచించారు. వివాదానికి కారణమైందేమిటంటే.. కొద్ది రోజుల క్రితం జంతర్ మంతర్ వద్ద జరిగిన నిరసనలపై స్పందించిన కంగనా రనౌత్.. ఆందోళనకారులను ఉద్దేశించి చేసిన ‘జనరేషన్ గట్టర్’ వ్యాఖ్యలు తీవ్ర చర్చకు దారితీశాయి. ఆమె వ్యాఖ్యలపై సినీ పరిశ్రమతో పాటు వివిధ వర్గాల నుంచి విమర్శలు వెల్లువెత్తాయి. ఈ సమయంలో బాబా రామ్దేవ్ కూడా కంగనా వ్యాఖ్యలను బహిరంగంగా తప్పుబట్టారు. దీంతో ఇద్దరి మధ్య మాటల యుద్ధం జరిగింది. అయితే రాఖీ పండుగ సందర్భంగా ఈ వివాదానికి ముగింపు పలికే విధంగా రామ్దేవ్ చేసిన వ్యాఖ్యలు ఇప్పుడు ఆసక్తికరంగా మారాయి. కంగనాకు స్వీట్లు, బహుమతులు విలేకరులతో మాట్లాడిన రామ్దేవ్.. కంగనాను తన సోదరిగా పేర్కొన్నారు. ఆమెకు రాఖీ పండుగ సందర్భంగా స్వీట్లు, బహుమతులు పోస్టులో పంపుతున్నట్లు తెలిపారు. దేశంలో ఎలాంటి కారణంతోనూ విద్వేషాలకు చోటు ఉండకూడదని అన్నారు. తమ మధ్య ఉన్న విభేదాలను పక్కనపెట్టినట్లు వెల్లడించారు. రాఖీ శుభాకాంక్షలు చెప్పేందుకు కంగనాకు ఫోన్ చేయనున్నట్లు కూడా తెలిపారు. సామరస్యానికి రాఖీ ప్రతీక రాఖీ పండుగ అన్నాచెల్లెళ్ల అనుబంధానికి ప్రతీక అని రామ్దేవ్ పేర్కొన్నారు. భారతీయ సంప్రదాయంలో రాఖీకి ఉన్న ప్రత్యేకతను వివరిస్తూ ద్రౌపది-శ్రీకృష్ణుడి అనుబంధాన్ని ఉదాహరణగా ప్రస్తావించారు. సమాజంలో కుల, మత, వర్గ, లింగ ఆధారిత వివక్షకు తావు ఉండకూడదని అన్నారు. బ్రాహ్మణ, క్షత్రియ, వైశ్య, శూద్రులు, దళితులు, ఎస్సీ, ఎస్టీలు అనే భేదాలు లేకుండా ప్రతి ఒక్కరినీ సమానంగా చూడాల్సిన అవసరం ఉందని సూచించారు. స్త్రీ, పురుషుల మధ్య కూడా వివక్ష ఉండకూడదని చెప్పారు. రాజకీయ నేతలకు రామ్దేవ్ సూచన రాజకీయ పార్టీల మధ్య కూడా సోదరభావం పెరగాలని రామ్దేవ్ అభిప్రాయపడ్డారు. అధికార, ప్రతిపక్ష పార్టీల నాయకులు పరస్పరం రాఖీలు కట్టుకుంటే సమాజానికి ఐక్యత, సామరస్యంపై బలమైన సందేశం వెళ్తుందని అన్నారు. నేపాల్ వరదలపై ఆవేదన ఇదే సమయంలో నేపాల్లో చోటుచేసుకున్న ఆకస్మిక వరదలపై రామ్దేవ్ తీవ్ర విచారం వ్యక్తం చేశారు. ప్రకృతి, పర్యావరణం ఎదుర్కొంటున్న సంక్షోభం ఆందోళన కలిగిస్తోందన్నారు. వరదల్లో భారతీయులు, నేపాలీ ప్రజలు సహా పలువురు ప్రాణాలు కోల్పోవడం బాధాకరమని పేర్కొన్నారు. వరద బాధితులను ఆదుకునేందుకు పతంజలి యోగా సమితి, పతంజలి యోగ్పీఠ్ సభ్యులు తమ వంతు సహాయం అందించేందుకు సిద్ధంగా ఉన్నారని రామ్దేవ్ తెలిపారు. also read: భార్యాభర్తల మధ్య గొడవ.. భార్యను హత్య చేసిన భర్త.. ఆపై ఆత్మహత్య

Tag: social harmony

Most Read

రెట్టింపు లాభాల ఆశ చూపి.. రూ.10 కోట్లకు టోకరా!

ఢిల్లీలో నిరసనకారులపై హిందూ రక్షా దళ్‌ వ్యక్తుల దాడి.. నలుగురి అరెస్ట్‌

మణిపూర్‌లో మళ్లీ హింస.. కాల్పుల్లో ఐదుగురు మృతి

బొల్లారంలో విషాదం.. కిడ్నాప్‌కు గురైన ఆరేళ్ల చిన్నారి దారుణ హత్య

EDITOR PICKS

కంగనాతో వివాదానికి ఫుల్‌స్టాప్.. రాఖీ సందర్భంగా రామ్‌దేవ్ కీలక నిర్ణయం

Vaishali: సర్పంచ్ బరిలో ట్రాన్స్‌జెండర్

Telangana politics: తనపై కూతురు పోటీ చేస్తోందని తల్లి ఆత్మహత్య

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags