Singrauli News - Crime Mirror

మధ్యప్రదేశ్లోని సింగ్రౌలీలో విషాద ఘటన చోటుచేసుకుంది. ప్రముఖ సోషల్ మీడియా ఇన్ఫ్లుయెన్సర్ నిధి తివారీ ఆత్మహత్యకు పాల్పడింది. ఘటనకు ముందు ఆమె ఓ యువకుడితో ఫోన్లో మాట్లాడినట్లు తెలుస్తోంది. ఆ సంభాషణలో జరిగిన ఓ అంశంతో నిధి తీవ్రంగా కలత చెందినట్లు సమాచారం. ఫోన్లో మాట్లాడుతున్న సమయంలోనే నిధి ఈ తీవ్ర నిర్ణయం తీసుకున్నట్లు తెలుస్తోంది. విషయం తెలుసుకున్న ఆ యువకుడు వెంటనే నిధి తల్లికి సమాచారం అందించాడు. ఆమె హుటాహుటిన అక్కడికి చేరుకునే ప్రయత్నం చేసినప్పటికీ.. అప్పటికే నిధి మృతి చెందినట్లు సమాచారం. నిధి తివారీ సోషల్ మీడియాలో భారీగా ఫాలోయింగ్ సంపాదించుకున్నారు. ఫేస్బుక్లో ఆమెను సుమారు 9 లక్షల మంది అనుసరిస్తుండగా.. ఇన్స్టాగ్రామ్లో 7 లక్షల మంది ఫాలోవర్లు ఉన్నారు. సోషల్ మీడియా కంటెంట్ ద్వారా ఆమెకు ప్రత్యేక గుర్తింపు లభించింది. ఈ ఘటనకు దారితీసిన కారణాలపై ప్రస్తుతం స్పష్టత రావాల్సి ఉంది. నిధి ఫోన్ సంభాషణ, ఇతర వివరాలను పోలీసులు పరిశీలిస్తున్నట్లు సమాచారం. ఘటనపై కేసు నమోదు చేసి దర్యాప్తు కొనసాగిస్తున్నారు. దర్యాప్తు పూర్తయిన తర్వాతే ఆత్మహత్యకు అసలు కారణం ఏమిటన్నది స్పష్టమయ్యే అవకాశం ఉంది. also read: విషాదం.. బ్రెడ్, జామ్ తిన్న వ్యక్తి మృతి, ఇద్దరు కుమార్తెలకు అస్వస్థత

Tag: Singrauli News

Most Read

వలపు వల.. పడితే అంతే…!

ఈడి పై బీఆర్ఎస్ దండయాత్ర…!

రాటుదేలిన రేవంత్…!

ఇంట్లోనే దంపతుల దారుణ హత్య.. రక్తపు మడుగులో మాజీ సైనికుడు, ఆయన భార్య మృతదేహాలు

EDITOR PICKS

సోషల్ మీడియా ఇన్‌ఫ్లుయెన్సర్ నిధి తివారీ ఆత్మహత్య.. అసలు కారణమేంటీ ?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags