Tag: #SeersMurdered

క్రైమ్ మిర్రర్ : ఆలయ నిర్వహణపై ఆధిపత్యం సాధించాలనే ఉద్దేశంతో ఇద్దరు సాధువులను హత్య చేసిన ఘటన ఉత్తరప్రదేశ్లోని షాజహాన్పూర్ జిల్లాలో కలకలం రేపింది. నిద్రిస్తున్న సాధువులపై ఇనుప రాడ్తో దాడి చేసి హత్య చేసిన నిందితుడు.. అనంతరం మృతదేహాలకు నిప్పంటించి అక్కడి నుంచి పరారైనట్లు పోలీసులు తెలిపారు. పోలీసుల వివరాల ప్రకారం.. షాజహాన్పూర్ జిల్లాలోని సుథా గ్రామంలో ఉన్న ఓ ఆలయంలో బాబా గోపాల్ దాస్, బాబా బిహారీ దాస్ అనే ఇద్దరు సాధువులు నివసిస్తున్నారు. ఆలయానికి సంబంధించిన నిర్వహణ వ్యవహారాలను వారే చూసుకుంటున్నారు. అక్టోబర్ 1న ఉదయం ఆలయానికి వచ్చిన స్థానికులకు అక్కడ అనూహ్య దృశ్యం కనిపించింది. ఆలయ ప్రాంగణంలో ఇద్దరు సాధువుల మృతదేహాలు పాక్షికంగా కాలిపోయిన స్థితిలో కనిపించడంతో వారు వెంటనే పోలీసులకు సమాచారం అందించారు. ఘటనాస్థలానికి చేరుకున్న పోలీసులు మృతదేహాలను పరిశీలించి హత్య కేసుగా దర్యాప్తు ప్రారంభించారు. దర్యాప్తులో భాగంగా పోలీసులు వివిధ ఆధారాలను సేకరించి నిందితుడిని గుర్తించారు. 35 ఏళ్ల సుమిత్ సింగ్ను అదుపులోకి తీసుకుని విచారించగా కీలక విషయాలు వెలుగులోకి వచ్చినట్లు ఓ పోలీస్ అధికారి తెలిపారు. విచారణలో భాగంగా ఆలయంలో తన ఆధిపత్యం కొనసాగించడంతో పాటు అక్కడే నివసించాలనే ఉద్దేశంతో ఇద్దరు సాధువులను హత్య చేసినట్లు సుమిత్ సింగ్ అంగీకరించినట్లు పోలీసులు వెల్లడించారు. సాధువులు నిద్రిస్తున్న సమయంలో ఇనుప రాడ్తో వారిపై దాడి చేసి హత్య చేసిన అనంతరం, ఆలయ ప్రాంగణంలో ఉన్న కట్టెలు, నెయ్యిని ఉపయోగించి మృతదేహాలకు నిప్పంటించినట్లు తెలిపారు. నిందితుడు ఉపయోగించినట్లు భావిస్తున్న ఇనుప రాడ్ను ఆలయానికి సమీపంలోని పొదల్లో పోలీసులు స్వాధీనం చేసుకున్నారు. సుమిత్ సింగ్పై సంబంధిత సెక్షన్ల కింద కేసు నమోదు చేసి తదుపరి దర్యాప్తు కొనసాగిస్తున్నట్లు పోలీసులు తెలిపారు. also read : ఘోర రోడ్డు ప్రమాదం.. ఏడుగురు మృతి

Tag: #SeersMurdered

Most Read

టీజీ ట్రాన్స్‌కో వాటాల విక్రయంపై హరీశ్ రావు అభ్యంతరం.. రాహుల్ గాంధీకి లేఖ

అల్లు రామలింగయ్య జయంతికి అల్లు అర్జున్ స్పెషల్ గిఫ్ట్.. ‘ఐకాన్జా’తో కొత్త అధ్యాయం

రూ.400 కోట్ల క్లబ్‌లో ‘హనుమాన్ అంశ్’.. తెలుగు ప్రేక్షకుల ముందుకు ఎప్పుడంటే?

ప్రియుడితో ఉన్న మహిళపై లైంగిక దాడి.. సూత్రధారిగా వ్యవహరించింది ఎవరో తెలిస్తే షాక్!

EDITOR PICKS

ఆలయంపై ఆధిపత్యం కోసం ఇద్దరు సాధువుల హత్య.. నిందితుడి అరెస్ట్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags