SchoolPrincipal - Crime Mirror

నల్గొండ కొండమల్లేపల్లి మండల కేంద్రంలోని జేబీ కాలనీలో నాగార్జున పబ్లిక్ స్కూల్ ప్రిన్సిపాల్ కె. రూపారెడ్డి హత్య కేసులో పోలీసుల దర్యాప్తులో కీలక పురోగతి కనిపించింది. ఈ కేసుతో సంబంధం ఉన్నట్లు అనుమానిస్తున్న ముగ్గురు పూర్వ, ప్రస్తుత విద్యార్థులను పోలీసులు నిందితులుగా గుర్తించినట్లు సమాచారం. ఈ నెల 11న రూపారెడ్డి తన నివాసంలోనే హత్యకు గురయ్యారు. ఆమె శరీరంపై కత్తిపోట్ల ఆనవాళ్లు కనిపించడంతో అప్పట్లో ఈ ఘటన తీవ్ర కలకలం రేపింది. అయితే ఘటనా స్థలంలో కీలక ఆధారాలు పెద్దగా లభించకపోవడంతో కేసు దర్యాప్తు పోలీసులకు సవాల్గా మారింది. హత్యకు సంబంధించి పోలీసులు పరిసర ప్రాంతాల్లోని సీసీ కెమెరాల ఫుటేజీలను పరిశీలించారు. అందులో అనుమానాస్పదంగా కనిపించిన వ్యక్తుల కదలికలను ఆధారంగా చేసుకుని దర్యాప్తును ముందుకు తీసుకెళ్లారు. నిందితుల వయసు సుమారు 20 నుంచి 25 ఏళ్ల మధ్య ఉండొచ్చని పోలీసులు ప్రాథమికంగా అంచనా వేసినట్లు తెలుస్తోంది. జిల్లా ఎస్పీ ఆదేశాలతో డీఎస్పీ శ్రీనివాసరావు నేతృత్వంలో ప్రత్యేక పోలీసు బృందాలను ఏర్పాటు చేసి దర్యాప్తు చేపట్టారు. సీసీ ఫుటేజీలు, ఇతర సాంకేతిక ఆధారాలను విశ్లేషిస్తూ కేసులోని అనుమానితులపై పోలీసులు విచారణ కొనసాగించారు. ఈ క్రమంలో ముగ్గురు పూర్వ, ప్రస్తుత విద్యార్థుల పాత్రపై పోలీసులు దృష్టి సారించినట్లు సమాచారం. హత్యకు గల అసలు కారణం ఏమిటి? నిందితులు పథకం ప్రకారమే ఈ ఘటనకు పాల్పడ్డారా? హత్య వెనుక మరేదైనా కారణం ఉందా? అనే కోణాల్లో దర్యాప్తు సాగుతోంది. పోలీసుల విచారణ పూర్తయిన తర్వాత హత్యకు సంబంధించిన పూర్తి వివరాలు, నిందితుల పాత్ర, హత్యకు దారితీసిన కారణాలపై మరింత స్పష్టత వచ్చే అవకాశం ఉంది. also read: ‘విమల్ ఇలాచీ’ యాడ్పై షారుఖ్, అజయ్, టైగర్కు ఎఫ్డీఏ నోటీసులు.. భారీ జరిమానా తప్పదా?

Tag: SchoolPrincipal

Most Read

నర్సంపేటలో ఘోర రోడ్డు ప్రమాదం.. ఇంట్లోకి దూసుకెళ్లిన కారు: ఒకరు మృతి

రామ్ పోతినేని సినిమాలో బాలీవుడ్ స్టార్ విలన్.. ఈసారి ఢీకొట్టబోతున్నది ఎవరితోంటే?

జమ్మూ-కశ్మీర్‌ రియాసీలో ఘోర రోడ్డు ప్రమాదం.. లోయలో పడిన వాహనం, ముగ్గురు మృతి

ప్రేమ పేరుతో మోసం… గర్భవతి కావడంతో ప్రియుడి కిరాతకం.. తల్లిదండ్రులతో కలిసి యువతి దారుణ హత్య!

EDITOR PICKS

కొండమల్లేపల్లిలో స్కూల్ ప్రిన్సిపాల్ హత్య కేసులో కీలక మలుపు.. ముగ్గురు విద్యార్థులే నిందితులు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags