Saidapur - Crime Mirror

కరీంనగర్ జిల్లా సైదాపూర్ మండలం ఎల్లంపల్లి గ్రామంలో ఆదివారం విషాదకర ఘటన చోటుచేసుకుంది. చేపల వేటకు వెళ్లిన ఓ మత్స్యకారుడు చెరువులో మునిగి ప్రాణాలు కోల్పోయాడు. ఈ ఘటన గ్రామంలో తీవ్ర విషాదాన్ని నింపింది. స్థానికుల కథనం ప్రకారం, గొడిశాల, ఎల్లంపల్లి, గుజ్జులపల్లి గ్రామాలకు సంబంధించిన పెద్ద చెరువులో పలువురు మత్స్యకారులు సాధారణంగా చేపల వేటకు వెళ్లారు. ప్రతి ఒక్కరూ చెరువులో వేర్వేరు ప్రాంతాల్లో వేట కొనసాగిస్తుండగా, గూల్ల శ్రీనివాస్ (45) అనే మత్స్యకారుడు అకస్మాత్తుగా నీటిలో మునిగిపోయాడు. కొంతసేపు ఆయన కనిపించకపోవడంతో అనుమానం వచ్చిన తోటి మత్స్యకారులు వెంటనే చెరువులో గాలింపు చేపట్టారు. దీంతో కొద్దిసేపటికే శ్రీనివాస్ మృతదేహం నీటిలో కనిపించగా, ఇతర మత్స్యకారులు బయటకు తీసి ఒడ్డుకు చేర్చారు. అయితే అప్పటికే ఆయన ప్రాణాలు కోల్పోయినట్లు తెలిసింది. ఈ ఘటనతో కుటుంబ సభ్యులు, గ్రామస్థులు తీవ్ర దిగ్భ్రాంతికి గురయ్యారు. మృతుడు గూల్ల శ్రీనివాస్కు భార్యతో పాటు ఇద్దరు కుమారులు, ఒక కుమార్తె ఉన్నారు. కుటుంబానికి ఆర్థికంగా అండగా ఉన్న వ్యక్తి మృతి చెందడంతో వారి పరిస్థితి దయనీయంగా మారింది. గ్రామంలో విషాద వాతావరణం నెలకొంది. స్థానిక అధికారులు ఘటనపై సమాచారం సేకరిస్తుండగా, ప్రమాదవశాత్తూ మునిగి మృతి చెందినట్లుగా భావిస్తున్నారు. చెరువుల్లో చేపల వేట సమయంలో భద్రతా జాగ్రత్తలు పాటించాలని గ్రామ పెద్దలు సూచిస్తున్నారు. also read: ఫిఫా వరల్డ్ కప్ ప్రైజ్ మనీ ఎంతో తెలుసా…?

Tag: Saidapur

Most Read

కుమారుడు ఎమ్మెల్యే.. కుమార్తె జెడ్పీ చైర్ పర్సన్…!

Ramayana Trailer: పాన్ ఇండియాను షేక్ చేస్తున్న ట్రైలర్..!

కరీంనగర్‌కు సిటీ బస్సుల శుభవార్త… మూడు రూట్లలో సేవలు ప్రారంభం

AMB సినిమాస్‌లో వారణాసి జోడీ సందడి…!

EDITOR PICKS

చేపల వేటలో విషాదం: చెరువులో మునిగి మత్స్యకారుడు మృతి

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags