R1300 GS - Crime Mirror

భారత్ ఇక పేద దేశమనే మాటలకు కాలం చెల్లిందన్న భావనకు లగ్జరీ కార్ల మార్కెట్ స్పష్టమైన ఉదాహరణగా నిలుస్తోంది. భారతీయుల జీవనశైలి వేగంగా మారుతోంది. విలాసవంతమైన జీవితం పట్ల ఆసక్తి పెరుగుతోంది. అందుకు నిదర్శనమే ప్రముఖ లగ్జరీ కార్ల తయారీ సంస్థ బీఎండబ్ల్యూ గ్రూప్ ఇండియా 2025 సంవత్సరంలో నమోదు చేసిన అద్భుతమైన అమ్మకాల రికార్డు. అంతర్జాతీయంగా, దేశీయంగా మార్కెట్ సవాళ్లు ఎదురవుతున్నప్పటికీ, భారతీయ కస్టమర్లు బీఎండబ్ల్యూ బ్రాండ్ కార్లపై అపారమైన మక్కువ చూపారని గణాంకాలు స్పష్టం చేస్తున్నాయి. గత ఏడాది పొడవునా బీఎండబ్ల్యూ షోరూమ్లు సందడితో నిండిపోయాయి. 2025 క్యాలెండర్ ఇయర్లో బీఎండబ్ల్యూ గ్రూప్ ఇండియా ఇప్పటివరకు ఎన్నడూ లేని స్థాయిలో అత్యధిక విక్రయాలను నమోదు చేసింది. ఈ ఏడాది మొత్తం 18,001 కార్లను విక్రయించి కొత్త రికార్డు సృష్టించింది. 2024లో విక్రయమైన 15,723 కార్లతో పోలిస్తే ఇది 14 శాతం వృద్ధి కావడం విశేషం. మొత్తం విక్రయాల్లో బీఎండబ్ల్యూ బ్రాండ్ కార్లు 17,271 కాగా.. మినీ బ్రాండ్ కార్లు 730 ఉన్నాయి. గడిచిన నాలుగేళ్లుగా ప్రతి త్రైమాసికంలోనూ రెండంకెల వృద్ధిని నమోదు చేస్తూ బీఎండబ్ల్యూ ఇండియా స్థిరమైన పురోగతిని కొనసాగిస్తోంది. భారతీయ కస్టమర్ల అభిరుచులను గమనిస్తే వెనుక సీటులో సౌకర్యం, విశాలమైన స్థలం ప్రధానంగా కోరుకుంటారు. ఈ అవసరాన్ని బీఎండబ్ల్యూ సరిగ్గా అర్థం చేసుకుని లాంగ్ వీల్బేస్ మోడళ్లపై ఎక్కువ దృష్టి పెట్టింది. ఫలితంగా ఈ మోడళ్ల అమ్మకాలు ఊహించని రీతిలో పెరిగాయి. 2025లో లాంగ్ వీల్బేస్ కార్ల విక్రయాలు ఏకంగా 162 శాతం వృద్ధి చెంది 8,608 యూనిట్లకు చేరుకున్నాయి. బీఎండబ్ల్యూ మొత్తం అమ్మకాల్లో దాదాపు సగం వాటా ఈ మోడళ్లదే కావడం విశేషం. 2024లో 29 శాతం మాత్రమే ఉన్న ఈ వాటా, 2025 నాటికి 50 శాతానికి చేరడం భారతీయుల మారుతున్న అభిరుచులను ప్రతిబింబిస్తోంది. ప్రపంచవ్యాప్తంగా ఎలక్ట్రిక్ వాహనాలపై డిమాండ్ వేగంగా పెరుగుతున్న తరుణంలో, బీఎండబ్ల్యూ ఇండియా కూడా ఈవీ విభాగంలో అద్భుతమైన వృద్ధిని సాధించింది. 2025లో ఎలక్ట్రిక్ కార్ల అమ్మకాలు దాదాపు 200 శాతం పెరిగాయి. బీఎండబ్ల్యూ, మినీ బ్రాండ్ల నుంచి మొత్తం 3,753 ఎలక్ట్రిక్ కార్లు డెలివరీ అయ్యాయి. కంపెనీ మొత్తం అమ్మకాల్లో ఈవీల వాటా 2024లో 8 శాతం ఉండగా, 2025లో అది 21 శాతానికి పెరగడం విశేషం. ప్రస్తుతం భారత లగ్జరీ ఎలక్ట్రిక్ కార్ల సెగ్మెంట్లో బీఎండబ్ల్యూ అగ్రస్థానంలో కొనసాగుతోంది. కేవలం కార్ల విభాగమే కాకుండా.. బీఎండబ్ల్యూ మోటారాడ్ విభాగంలో కూడా కంపెనీ గణనీయమైన ఫలితాలను నమోదు చేసింది. 2025లో మొత్తం 5,841 ద్విచక్ర వాహనాలను డెలివరీ చేసింది. ఇందులో అధిక శాతం ప్రీమియం మోటార్సైకిళ్లే కావడం గమనార్హం. ముఖ్యంగా అక్టోబర్ నుంచి డిసెంబర్ వరకు జరిగిన చివరి త్రైమాసికంలో అమ్మకాలు రికార్డు స్థాయిలో 6,023 యూనిట్లకు చేరాయి. ఇది గత ఏడాది ఇదే కాలంతో పోలిస్తే 17 శాతం వృద్ధి కావడం బీఎండబ్ల్యూ బ్రాండ్కు ఉన్న ఆదరణను స్పష్టం చేస్తోంది. 2025లో భారతీయ కస్టమర్లను మరింత ఆకట్టుకునేందుకు బీఎండబ్ల్యూ గ్రూప్ ఏకంగా 20 కొత్త మోడళ్లను మార్కెట్లోకి తీసుకొచ్చింది. ఇందులో బీఎండబ్ల్యూ iX1 లాంగ్ వీల్బేస్, ఎక్స్3, 2 సిరీస్ గ్రాన్ కూపే, మినీ కన్వర్టిబుల్ వంటి కార్లు ప్రత్యేక ఆకర్షణగా నిలిచాయి. అలాగే ద్విచక్ర వాహనాల విభాగంలో R1300 GS, S1000 RR వంటి శక్తివంతమైన బైక్లను పరిచయం చేసింది. నిరంతరం కొత్త మోడళ్ల విడుదల, మారుతున్న కస్టమర్ అవసరాలకు అనుగుణంగా వ్యూహాలు రూపొందించడంతో బీఎండబ్ల్యూ గ్రూప్ ఇండియా రాబోయే నాలుగైదేళ్లలో తన మార్కెట్ వాటాను మరింత పెంచుకోవాలని లక్ష్యంగా పెట్టుకుంది. మొత్తం మీద లగ్జరీ వాహనాల అమ్మకాలు భారతదేశ ఆర్థిక బలం, ప్రజల కొనుగోలు శక్తి ఎంత వేగంగా పెరుగుతోందో మరోసారి చాటిచెబుతున్నాయి. ALSO READ: కత్తి పట్టుకుని నడి రోడ్డుపై భర్తపై భార్య దాడి! (VIDEO)

Tag: R1300 GS

Most Read

Supreme Court: 23 లక్షల మంది విద్యార్థుల భవిష్యత్తుతో ఆటలా? ఎన్‌టీఏపై సుప్రీంకోర్టు ఆగ్రహం!

YS Jagan: మెగా డీఎస్సీపై జగన్‌ హాట్‌ కామెంట్స్‌…! డేటా బేస్‌ ఏదంటూ కూట‌మి ప్ర‌భుత్వానికి ప్రశ్న..?

Karnataka Politics: సీఎం మార్పుపై ఊహాగానాలు.. సిద్దరామయ్య, డీకేకు ఢిల్లీ పిలుపు!

Crop Loans: రైతులకు సీఎం విజయ్‌ గుడ్‌న్యూస్.. రూ.50 వేల పంట రుణాల మాఫీ!

EDITOR PICKS

భారత్ ఇక పేద దేశం కానే కాదు.. ఒక్క ఏడాదే 18 వేల బీఎండబ్ల్యూలు కొనేశారు మనోళ్లు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel