Political news Telugu - Crime Mirror

ఆంధ్రప్రదేశ్ రాజకీయాల్లో మరో కొత్త పార్టీ ఆవిర్భావానికి రంగం సిద్ధమైంది. రాజ్యసభ మాజీ సభ్యుడు విజయసాయిరెడ్డి తన సొంత రాజకీయ పార్టీని ఏర్పాటు చేయనున్నట్లు ప్రకటించారు. విజయదశమి సందర్భంగా సోషల్ మీడియా వేదికగా కీలక ప్రకటన చేసిన ఆయన.. పార్టీ ఆవిర్భావ తేదీ, సమయం, వేదిక వివరాలను వెల్లడించారు. నవంబర్ 11న విజయవాడలోని ఎ-కన్వెన్షన్ సెంటర్లో ఉదయం 11 గంటల 11 నిమిషాలకు పార్టీ ఆవిర్భావ కార్యక్రమం నిర్వహించనున్నట్లు తెలిపారు. రాష్ట్రంలో ప్రస్తుతం కొనసాగుతున్న రాజకీయ విధానాలకు ప్రత్యామ్నాయంగా తమ పార్టీ పనిచేస్తుందని విజయసాయిరెడ్డి ప్రకటించారు. ఆంధ్రప్రదేశ్లో రెండు పార్టీలు, రెండు కుటుంబాల ఆధిపత్యానికి ముగింపు పలకడమే తమ ప్రధాన లక్ష్యమని పేర్కొన్నారు. కుల, మతాల ఆధారంగా సాగే రాజకీయాలను వ్యతిరేకిస్తూ.. రాష్ట్రాన్ని 'రెడ్ బుక్', 'రప్పా రప్పా' ఫ్యాక్షన్ రాజకీయాల నుంచి విముక్తి చేయాలని భావిస్తున్నట్లు వెల్లడించారు. అమ్మవారి ఆశీస్సులతో, ప్రజల ఆకాంక్షలను ప్రధాన ఎజెండాగా తీసుకుని కొత్త రాజకీయ ప్రస్థానాన్ని ప్రారంభిస్తున్నట్లు ఆయన తెలిపారు. రాష్ట్ర ప్రజలు ఎదుర్కొంటున్న సమస్యలకు పరిష్కారాలు చూపడంతో పాటు, అభివృద్ధి, ఉపాధి, వ్యవసాయ రంగాలకు ప్రాధాన్యం ఇవ్వనున్నట్లు తన ప్రకటన ద్వారా స్పష్టం చేశారు. ప్రజలకు విజయసాయిరెడ్డి కీలక హామీలు కొత్త పార్టీ ఏర్పాటు ప్రకటనతో పాటు ప్రజలకు తామిచ్చే హామీలను కూడా విజయసాయిరెడ్డి వెల్లడించారు. రాష్ట్రంలో వ్యవసాయ రంగానికి భరోసా కల్పించడం, విద్యుత్ సమస్యలను పరిష్కరించడం, యువతకు ఉపాధి అవకాశాలు పెంచడం తమ ప్రాధాన్యతలుగా పేర్కొన్నారు. తమ పార్టీ అధికారంలోకి వస్తే కరవు కాటకాలు, విద్యుత్ కోతలు లేని ఆంధ్రప్రదేశ్ను నిర్మించడమే లక్ష్యమని తెలిపారు. ప్రతి ఎకరాకు రెండు పంటలకు సరిపడా సాగునీరు అందించేలా చర్యలు తీసుకుంటామని హామీ ఇచ్చారు. ప్రతి ఇంటికీ ఉచిత విద్యుత్ అందించడం, యువతకు 100 శాతం ఉద్యోగ, ఉపాధి అవకాశాలు కల్పించడం వంటి అంశాలను తన పార్టీ లక్ష్యాల్లో చేర్చినట్లు ప్రకటించారు. అలాగే పేద, మధ్యతరగతి కుటుంబాల ఆర్థిక పరిస్థితులను మెరుగుపరిచేందుకు కృషి చేస్తామని చెప్పారు. ప్రజల ఆదాయాలు పెరిగేలా, వారి ఖర్చుల భారం తగ్గేలా విధానాలను రూపొందిస్తామని వెల్లడించారు. గత ఎనిమిది దశాబ్దాలుగా నెరవేరని ప్రజల ఆకాంక్షలను సాకారం చేయడంతో పాటు, యువతలో కొత్త నాయకత్వాన్ని ప్రోత్సహిస్తామని తెలిపారు. ఇందుకోసం తమ పార్టీని 'జెన్-జీ నాయకుల తయారీ ఫ్యాక్టరీ'గా తీర్చిదిద్దాలనుకుంటున్నట్లు పేర్కొన్నారు. వైసీపీకి రాజీనామా.. ఇప్పుడు సొంత పార్టీ దిశగా అడుగులు! విజయసాయిరెడ్డి గతంలో వైఎస్సార్ కాంగ్రెస్ పార్టీలో కీలక నేతగా కొనసాగారు. ఆ పార్టీ అధినేత వైఎస్ జగన్మోహన్రెడ్డికి అత్యంత సన్నిహితుడిగా గుర్తింపు పొందారు. పార్టీ వ్యూహాలు, రాజకీయ వ్యవహారాల్లోనూ ముఖ్యమైన పాత్ర పోషించారు. అయితే, గత ఎన్నికల అనంతరం వైసీపీకి రాజీనామా చేయడంతో ఆయన తదుపరి రాజకీయ అడుగులపై చర్చ మొదలైంది. ఆయన మరో ప్రధాన రాజకీయ పార్టీలో చేరవచ్చనే ఊహాగానాలు వినిపించినప్పటికీ, చివరకు సొంతంగా పార్టీ ఏర్పాటు చేయాలనే నిర్ణయాన్ని ప్రకటించారు. దీంతో ఏపీ రాజకీయాల్లో కొత్త సమీకరణాలు ఏర్పడతాయా? విజయసాయిరెడ్డి పార్టీ ప్రజలను ఎంతవరకు ఆకట్టుకుంటుంది? ఇప్పటికే బలమైన రాజకీయ పునాదులు కలిగిన పార్టీలకు ఎంతమేర పోటీ ఇవ్వగలుగుతుంది? అనే అంశాలపై ఆసక్తి నెలకొంది. నవంబర్ 11న జరగనున్న పార్టీ ఆవిర్భావ కార్యక్రమంలో విజయసాయిరెడ్డి పార్టీ పేరు, విధివిధానాలు, భవిష్యత్తు కార్యాచరణపై మరింత స్పష్టత వచ్చే అవకాశం ఉంది. ఆయన కొత్త రాజకీయ పార్టీ ఆంధ్రప్రదేశ్ రాజకీయాల్లో ఎలాంటి మార్పులు తీసుకొస్తుందో వేచి చూడాలి. also read: హైదరాబాద్లో నకిలీ నంబర్ ప్లేట్లపై పోలీసుల కొరడా.. 8 నెలల్లో 100 వాహనాలు సీజ్!

Tag: Political news Telugu

Most Read

బెంగళూరులో డీఆర్‌డీఓ శాస్త్రవేత్త మృతి.. ఘటనపై పోలీసుల దర్యాప్తు

‘గ్రేటర్’ ఎవరిదో…? విశాఖ మేయర్ పీఠం ప్రతిష్టాత్మకం…

రఘురామకృష్ణం రాజుకు షాక్…!

ఏపీకి ప్రధాని మోదీ…!

EDITOR PICKS

విజయసాయిరెడ్డి కొత్త పార్టీ ప్రకటనకు ముహూర్తం ఫిక్స్.. నవంబర్ 11న విజయవాడలో ఆవిర్భావ సభ!

2028 ఎన్నికల్లో పోటీకి దూరం… కీలక నిర్ణయం తీసుకున్న సిద్ధరామయ్య

టైఫాయిడ్‌తో బాధపడుతున్న అభిజిత్ దీప్కే – యువత ఉద్యమానికి మద్దతు, త్వరలోనే తిరిగి చేరతానని హామీ

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags