Tag: Passenger Rights

విమాన ప్రయాణికులకు కేంద్ర ప్రభుత్వం పెద్ద ఎత్తున ఉపశమనం కలిగించేలా కీలక నిర్ణయం తీసుకుంది. ఇటీవల కాలంలో విమానయాన సంస్థలు కొన్ని ప్రత్యేక సీట్లకు అధిక ఛార్జీలు విధిస్తూ ప్రయాణికులపై ఆర్థిక భారం పెంచుతున్నాయనే ఆరోపణలు తీవ్రంగా వినిపిస్తున్న నేపథ్యంలో కేంద్ర పౌర విమానయాన మంత్రిత్వశాఖ జోక్యం చేసుకుంది. ఈ అంశంపై సమగ్రంగా పరిశీలన జరిపిన తర్వాత కొత్త మార్గదర్శకాలను ప్రకటించింది. ఇకపై ఏ విమానంలోనైనా కనీసం 60 శాతం సీట్లకు ఎంపిక రుసుములు వసూలు చేయరాదని స్పష్టమైన ఆదేశాలు జారీ చేసింది. సీటు ఎంపిక పేరుతో అదనపు డబ్బులు వసూలు చేస్తే కఠిన చర్యలు తప్పవని విమానయాన సంస్థలను గట్టిగా హెచ్చరించింది. ఇటీవలి రోజుల్లో విమాన ప్రయాణం సమయంలో సీట్లకు వాటి స్థానాన్ని బట్టి ధరలు నిర్ణయించే విధానం ఎక్కువగా అమలవుతోంది. ముఖ్యంగా కిటికీ పక్కన ఉండే సీట్లు, నడవ పక్క సీట్లు, ఎక్కువ లెగ్రూమ్ ఉన్న సీట్లకు అధిక ఛార్జీలు విధిస్తూ ప్రయాణికులను ఇబ్బందులకు గురి చేస్తున్నారనే విమర్శలు వినిపిస్తున్నాయి. సాధారణంగా మధ్య వరుసలో లేదా విమానం వెనుక భాగంలో ఉన్న కొద్దిమంది ప్రయాణికులకు మాత్రమే అదనపు రుసుములు ఉండకపోవడం వల్ల అసమానతలు స్పష్టంగా కనిపిస్తున్నాయి. ఈ అంశంపై సోషల్ మీడియా వేదికగా ప్రయాణికులు తీవ్ర అసంతృప్తి వ్యక్తం చేస్తూ, సీటు కోసం ఎందుకు అదనంగా చెల్లించాలనే ప్రశ్నను తరచూ లేవనెత్తుతున్నారు. ఈ నేపథ్యంలో కేంద్రం స్పందించి వినియోగదారుల ప్రయోజనాలను కాపాడే దిశగా చర్యలు చేపట్టింది. అదే సమయంలో ఒకే పిఎన్ఆర్పై ప్రయాణించే వ్యక్తులను వీలైనంత వరకు ఒకేచోట, ముఖ్యంగా పక్కపక్క సీట్లలో కూర్చోబెట్టాలని విమానయాన సంస్థలకు సూచనలు ఇచ్చింది. కుటుంబ సభ్యులు కలిసి ప్రయాణించాలనే ఆశతో టిక్కెట్లు బుక్ చేసుకున్నప్పటికీ, వేర్వేరు చోట్ల సీట్లు కేటాయించబడుతున్న ఘటనలు ఎక్కువగా జరుగుతున్నాయి. ఈ కారణంగా ప్రయాణికులు ఇతరులతో సీట్లు మార్చుకోవాల్సి వస్తోంది. కొందరు దీనికి అంగీకరించకపోవడంతో విమానాల్లో వాగ్వాదాలు, ఉద్రిక్త పరిస్థితులు ఏర్పడుతున్నాయి. ఇలాంటి సంఘటనలను నివారించేందుకు ఒకే బుకింగ్లో ఉన్నవారికి సమీప సీట్లు కేటాయించే విధానాన్ని కచ్చితంగా అమలు చేయాలని కేంద్రం ఆదేశించింది. ఇంకా విమాన ప్రయాణంలో ఆలస్యాలు, రద్దులు, బోర్డింగ్ నిరాకరణ వంటి పరిస్థితుల్లో ప్రయాణికుల హక్కులను కాపాడాల్సిన బాధ్యత విమానయాన సంస్థలదేనని స్పష్టం చేసింది. ఈ హక్కుల గురించి స్పష్టమైన సమాచారాన్ని తమ వెబ్సైట్లు, మొబైల్ యాప్లు, టికెట్ బుకింగ్ వేదికలు, విమానాశ్రయ కౌంటర్లలో స్పష్టంగా ప్రదర్శించాలని సూచించింది. అదనంగా క్రీడా పరికరాలు, సంగీత వాయిద్యాలు, పెంపుడు జంతువుల రవాణా విషయంలో పారదర్శకమైన విధానాలను పాటించాలని, అనవసరంగా అధిక ఛార్జీలు విధించకూడదని ఆదేశించింది. ప్రయాణికుల నుండి వస్తున్న ఫిర్యాదులను నిర్లక్ష్యం చేయకుండా వెంటనే పరిష్కరించేలా చర్యలు తీసుకోవాలని కూడా స్పష్టం చేసింది. ఈ కొత్త మార్గదర్శకాలతో విమాన ప్రయాణం మరింత సౌకర్యవంతంగా మారడంతో పాటు ప్రయాణికులపై పడుతున్న అదనపు ఆర్థిక భారం కొంత మేర తగ్గే అవకాశం ఉందని భావిస్తున్నారు. వినియోగదారుల హక్కులను పరిరక్షించే దిశగా కేంద్ర ప్రభుత్వం తీసుకున్న ఈ నిర్ణయం విమాన ప్రయాణికులలో నూతన ఆశలు నింపుతోంది. ALSO READ: పాటలో పచ్చి బూతులు.. వివాదంలో మంగ్లీ

Tag: Passenger Rights

Most Read

మస్కట్‌లో చిక్కుకున్న తెలంగాణ మహిళకు విముక్తి.. కేటీఆర్ చొరవతో సురక్షితంగా స్వదేశానికి!

మేడిగడ్డ నీటిని ఎందుకు ఎత్తిపోయడం లేదు? కాంగ్రెస్‌పై వేముల ప్రశాంత్‌రెడ్డి తీవ్ర ఆరోపణలు!

‘రామాయణ’ సంగీతంపై పాత లక్ష్మణుడి అసంతృప్తి..

‘కింగ్ 100’లో మహంతి ఝాన్సీ రాణిగా టబు.. పవర్‌ఫుల్ ఫస్ట్‌లుక్‌తో పెరిగిన అంచనాలు!

EDITOR PICKS

విమాన ప్రయాణికులకు శుభవార్త చెప్పిన కేంద్రం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags