Tag: Panjagutta PS

Panjagutta Police Register Case Against Mangli: సింగర్ మంగ్లీ ఈ మధ్య వరుస వివాదాల్లో చిక్కుకుంటుంది. తాజాగా ఈమెపై పంజాగుట్ట పోలీసులు కేసు నమోదు చేశారు. పెట్టుబడుల పేరుతో డబ్బులు సేకరించి మోసం చేశారనే ఆరోపణలతో పాటు, న్యాయవాదిని బెదిరించారనే విషయంపై ఈ కేసును ఫైల్ చేశారు. ఇంతకీ అసలు ఏం జరిగిందంటే? పోలీసులు ఇచ్చిన సమాచారం ప్రకారం.. మంగ్లీ, ఆమె సోదరుడు శివతో కలిసి మరికొంత మంది దాదాపు 100 మందికి పైగా వ్యక్తుల నుంచి డబ్బులు తీసుకున్నారని తెలుస్తోంది. వ్యాపారాల్లో పెట్టుబడులు పెడితే మంచి లాభాలు వస్తాయని చెప్పి ఈ మొత్తాన్ని వసూలు చేసినట్లు ఆరోపణలు ఉన్నాయి. అయితే, నిర్ణయించిన కాలం గడిచినా లాభాలు ఇవ్వకపోవడంతో పాటు, పెట్టిన డబ్బు కూడా తిరిగి ఇవ్వలేదని బాధితులు ఆరోపించారు. న్యాయవాదిపై బెదిరింపులు ఈ నేపథ్యంలో బాధితులు న్యాయం కోసం న్యాయవాది సుబ్బారావును సంప్రదించారు. ఆయన ఈ విషయంపై స్పందించి డబ్బులు తిరిగి ఇవ్వాలని అడగడంతో వివాదం మరింత పెరిగింది. ఈ నేపథ్యంలో మంగ్లీ, ఆమెతో సంబంధం ఉన్నవారు న్యాయవాదిని ఫోన్ ద్వారా బెదిరించారని ఫిర్యాదులో పేర్కొన్నారు. న్యాయవాది సుబ్బారావు తెలిపిన వివరాల ప్రకారం, మంగ్లీ, ఆమె సోదరుడు శివతో పాటు దర్శకుడు వేణు ఊడుగుల కూడా తనను ఫోన్లో బెదిరించారని, ప్రమాదం కలిగించి చంపేస్తామని హెచ్చరించారని చెప్పారు. ఈ సంఘటనతో తనకు ప్రాణహాని ఉందని ఆయన పోలీసులను ఆశ్రయించారు. మంగ్లీ, వేణు ఉడుగుల సహా పలువురిపై కేసు ఈ ఫిర్యాదును స్వీకరించిన పంజాగుట్ట పోలీసులు ప్రాథమిక విచారణ చేపట్టి, మంగ్లీ, శివ, వేణు ఊడుగుల మరియు మరికొంత మందిపై కేసు నమోదు చేశారు. ప్రస్తుతం ఈ వ్యవహారాన్ని పోలీసులు సీరియస్గా తీసుకుని విచారణ కొనసాగిస్తున్నారు.వరుసగా హిట్ పాటలతో కెరీర్లో ముందుకెళ్తున్న మంగ్లీపై ఇలాంటి ఆరోపణలు రావడం ఇండస్ట్రీలో చర్చనీయాంశంగా మారింది. ఈ కేసులో నిజానిజాలు ఏమిటో తెలుసుకునేందుకు అధికారులు దర్యాప్తు కొనసాగిస్తున్నారు.

Tag: Panjagutta PS

Most Read

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

వికారాబాద్ జిల్లాలో విషాదం.. ఇద్దరు పిల్లలతో కలిసి తల్లి ఆత్మహత్య

ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!

EDITOR PICKS

Singer Mangli Case: సింగర్ మంగ్లీపై మరో కేసు, ఏకంగా న్యాయవాదినే..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags