Nuziveedu Sub Jail - Crime Mirror

రాష్ట్రవ్యాప్తంగా తీవ్ర చర్చకు దారితీసిన గాదె సాయికృష్ణ కస్టోడియల్ డెత్ కేసులో దర్యాప్తు కీలక దశకు చేరుకుంది. ఈ కేసులో సిట్ దాఖలు చేసిన రిమాండ్ రిపోర్టులో పలు సంచలన అంశాలు వెలుగులోకి వచ్చాయి. పోలీసుల దాడి, చిత్రహింసల కారణంగానే సాయికృష్ణ ప్రాణాలు కోల్పోయినట్లు దర్యాప్తు బృందం పేర్కొన్నట్లు సమాచారం. ఈ కేసులో A-4 నిందితుడిగా ఉన్న సురేశ్ను కోర్టులో హాజరుపరిచిన సందర్భంగా సిట్ సమర్పించిన రిమాండ్ రిపోర్టులో దర్యాప్తులో గుర్తించిన పలు అంశాలను వివరించింది. పాడుబడ్డ భవనంలో దాడి సిట్ వివరాల ప్రకారం.. మే 7న సాయికృష్ణను విచారణ కోసం విజయవాడ కృష్ణలంక పోలీస్ స్టేషన్కు తీసుకెళ్లారు. అక్కడి నుంచి రాణిగారితోట పరిధిలోని ఓ పాడుబడ్డ భవనానికి తరలించినట్లు దర్యాప్తులో వెల్లడైంది. అక్కడ అతడిపై తీవ్రంగా దాడి చేసినట్లు సిట్ పేర్కొంది. దాడిలో తీవ్రంగా గాయపడిన సాయికృష్ణకు సకాలంలో వైద్యం అందకపోవడంతో మే 12న మృతి చెందినట్లు రిమాండ్ రిపోర్టులో పేర్కొన్నట్లు సమాచారం. అర్ధరాత్రి మృతదేహం తరలింపు సాయికృష్ణ మరణించిన అనంతరం వ్యవహారాన్ని బయటకు రాకుండా చేసేందుకు నిందితులు ప్రయత్నించినట్లు సిట్ దర్యాప్తులో తేలింది. అర్ధరాత్రి సమయంలో మృతదేహాన్ని బైక్పై ఉంచి స్వర్గపురి శ్మశానవాటికకు తరలించినట్లు రిమాండ్ రిపోర్టులో పేర్కొన్నారు. అక్కడ రహస్యంగా అంత్యక్రియలు నిర్వహించినట్లు దర్యాప్తు బృందం గుర్తించింది. ఈ వ్యవహారంలో ప్రధాన నిందితుడిగా ఉన్న సీఐ నాగరాజుతో పాటు మరికొందరు కానిస్టేబుళ్ల పాత్ర ఉన్నట్లు సిట్ పేర్కొన్నట్లు సమాచారం. ఫోన్ల నుంచి ఫొటోలు తొలగింపు సాయికృష్ణపై దాడికి సంబంధించిన ఆధారాలను తొలగించే ప్రయత్నం కూడా జరిగినట్లు సిట్ గుర్తించింది. దాడికి సంబంధించిన ఫొటోలను నిందితులు తమ మొబైల్ ఫోన్ల నుంచి డిలీట్ చేసినట్లు దర్యాప్తులో బయటపడిందని రిమాండ్ రిపోర్టులో పేర్కొన్నారు. కుటుంబ సభ్యులకు బెదిరింపులు సాయికృష్ణ ఆచూకీ తెలియకపోవడంతో అతడి బంధువులు హైకోర్టును ఆశ్రయించి హెబియస్ కార్పస్ పిటిషన్ దాఖలు చేసినట్లు సిట్ తెలిపింది. అయితే ఆ పిటిషన్ను ఉపసంహరించుకోవాలని కుటుంబ సభ్యులపై ఒత్తిడి తెచ్చినట్లు దర్యాప్తులో వెల్లడైంది. అంతేకాకుండా కేసు ముందుకు వెళ్లకుండా చేసేందుకు కుటుంబ సభ్యులను బెదిరించడంతో పాటు, ప్రలోభాలకు గురిచేసే ప్రయత్నాలు కూడా జరిగినట్లు సిట్ రిమాండ్ రిపోర్టులో పేర్కొన్నట్లు సమాచారం. సురేశ్కు సెప్టెంబర్ 24 వరకు రిమాండ్ మృతదేహాన్ని తరలించి దహనం చేయడంలో కీలకంగా వ్యవహరించినట్లు ఆరోపణలు ఎదుర్కొంటున్న సురేశ్ గురువారం సిట్ ఎదుట లొంగిపోయాడు. కేసులో ప్రధాన నిందితుడిగా ఉన్న సీఐ నాగరాజుకు సురేశ్ సన్నిహితుడిగా ఉన్నట్లు దర్యాప్తు బృందం పేర్కొంది. సురేశ్ను శుక్రవారం కోర్టులో హాజరుపరచగా.. న్యాయస్థానం సెప్టెంబర్ 24 వరకు రిమాండ్ విధించింది. అనంతరం భారీ భద్రత మధ్య అతడిని నూజివీడు సబ్జైలుకు తరలించారు. కీలక ఆధారాలు సిట్ చేతికి కేసు దర్యాప్తులో భాగంగా సాయికృష్ణకు సంబంధించిన ఎముకలు, మృతదేహాన్ని తరలించేందుకు ఉపయోగించిన బైక్, సీసీటీవీ ఫుటేజీని సిట్ అధికారులు స్వాధీనం చేసుకున్నట్లు సమాచారం. సురేశ్ నుంచి మరిన్ని వివరాలను రాబట్టేందుకు దర్యాప్తు కొనసాగుతోంది. ఈ కేసులో పోలీసుల పాత్రకు సంబంధించి దర్యాప్తు బృందం కీలక ఆధారాలను సేకరించిన నేపథ్యంలో తదుపరి చర్యలపై ఉత్కంఠ నెలకొంది. కేసులో ఇంకా ఎవరెవరి పాత్ర ఉంది, దాడి ఘటనకు సంబంధించిన పూర్తి వివరాలు ఏమిటనే అంశాలపై సిట్ దర్యాప్తు కొనసాగిస్తోంది. also read: ఢిల్లీ సీఎం రేఖా గుప్తాతో సంజూ శాంసన్ భేటీ.. కీలక బాధ్యతలు

Tag: Nuziveedu Sub Jail

Most Read

టపాసులు కాలుస్తూ రీల్.. దుకాణంలోకి దూసుకెళ్లిన మంటలు.. వ్యక్తి మృతి

తొక్కించి చంపుతా.. విద్యార్థిపై డిపో బస్సు డ్రైవర్ దాష్టీకం!

ఘోర రోడ్డు ప్రమాదం: మురుగు కాలువలో పడిన కారు.. ఎనిమిది మంది అక్కడికక్కడే మృతి

ఎన్టీటీపీఎస్‌ చన్నీటి కాలువలో మహిళ మృతదేహం.. తల, చేతులు, కాళ్లు మాయం

EDITOR PICKS

గాదె సాయికృష్ణ కస్టోడియల్ డెత్.. సిట్ రిమాండ్ రిపోర్టులో సంచలన విషయాలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags