NorwayKing - Crime Mirror

నార్వే రాజు హెరాల్డ్ V (89) కన్నుమూశారు. నార్వే రాజధాని ఓస్లోలో శుక్రవారం ఆయన తుదిశ్వాస విడిచినట్లు రాయల్ ప్యాలెస్ ప్రకటించింది. కొంతకాలంగా అనారోగ్య సమస్యలతో బాధపడుతున్న ఆయన ఆరోగ్యం చికిత్స పొందుతున్న సమయంలో మరింత క్షీణించినట్లు సమాచారం. ఆగస్టు 17న రక్త సంబంధిత అనారోగ్యంతో హెరాల్డ్ V ఆసుపత్రిలో చేరారు. వైద్యుల పర్యవేక్షణలో చికిత్స కొనసాగుతున్నప్పటికీ పరిస్థితి విషమించడంతో ఆయన మృతి చెందినట్లు రాజభవనం వెల్లడించింది. కుమారుడికే రాజ్య పగ్గాలు హెరాల్డ్ V మరణంతో ఆయన కుమారుడు, 53 ఏళ్ల క్రౌన్ ప్రిన్స్ హాకన్ నార్వే రాజుగా బాధ్యతలు చేపట్టనున్నారు. దీంతో నార్వే రాజ కుటుంబంలో తదుపరి తరం పాలనా బాధ్యతలు స్వీకరించనుంది. ప్రజల్లో ప్రత్యేక గుర్తింపు హెరాల్డ్ V నార్వే ప్రజల్లో మంచి ఆదరణ పొందిన రాజుగా గుర్తింపు పొందారు. సంప్రదాయ రాచరిక వ్యవస్థలో మార్పులు తీసుకురావడంతో పాటు ఆధునిక సమాజానికి అనుగుణంగా రాజ కుటుంబాన్ని తీర్చిదిద్దేందుకు ఆయన ప్రయత్నించారు. ప్రజలకు మరింత చేరువగా ఉండే విధానంతోనూ ఆయన ప్రత్యేక గుర్తింపు సంపాదించారు. హెరాల్డ్ V వ్యక్తిగత జీవితంలోనూ అప్పట్లో సంచలన నిర్ణయం తీసుకున్నారు. సాధారణ కుటుంబానికి చెందిన మహిళను వివాహం చేసుకోవడం ద్వారా సంప్రదాయ రాజ కుటుంబాల విషయంలో ఉన్న అనేక ఆచారాలకు భిన్నంగా వ్యవహరించారు. రాజ కుటుంబ నిర్వహణకు సంబంధించిన ఖర్చుల్లో పారదర్శకతకు ప్రాధాన్యం ఇచ్చినప్పటికీ, ఆయన కుటుంబానికి చెందిన కొందరు సభ్యులపై వివిధ వివాదాలు, స్కామ్లకు సంబంధించిన వార్తలు గతంలో వెలువడ్డాయి. హెరాల్డ్ V మరణంతో నార్వేలో విషాద వాతావరణం నెలకొంది. ఆయన సుదీర్ఘకాలం దేశానికి అందించిన సేవలను ప్రజలు, రాజ కుటుంబం స్మరించుకుంటున్నారు. also read: సీక్రెట్గా సాగిన ప్రేమకు పెళ్లితో శుభం కార్డు.. ఒక్కటైన బుల్లితెర నటి శిరీష, మహి

Tag: NorwayKing

Most Read

నేపాల్ వరదల ఎఫెక్ట్.. 200 కి.మీ. కొట్టుకొచ్చిన మృతదేహాలు?

సరిహద్దుల్లో సోదర బంధం.. జవాన్లకు రాఖీలు కట్టిన కశ్మీరీ ఆడబిడ్డలు

అమెరికాలో హైదరాబాద్ యువతి హత్య.. ఆగ్రాలో ప్రధాన నిందితుడి అరెస్ట్

‘టాక్సిక్‌’పై అన్నామలై సంచలన వ్యాఖ్యలు.. మహిళల చిత్రీకరణపై తీవ్ర అభ్యంతరం

EDITOR PICKS

నార్వే రాజు హెరాల్డ్ V కన్నుమూత.. కుమారుడు హాకన్‌కు రాజ్య బాధ్యతలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags