Nookaraju Family Case - Crime Mirror

ఆంధ్రప్రదేశ్లో ఏఈ నూకరాజు కుటుంబ ఆత్మహత్యల కేసు దర్యాప్తులో కీలక పరిణామం చోటుచేసుకుంది. ఏఈ నూకరాజు, ఆయన భార్య మీనా, కుమార్తె సౌజన్యల మరణాల వ్యవహారాన్ని పోలీసులు లోతుగా దర్యాప్తు చేస్తున్న నేపథ్యంలో.. సౌజన్య భర్త జగదీశ్వరరెడ్డి మృతి కేసు కూడా కొత్త మలుపు తిరిగింది. జగదీశ్వరరెడ్డి మృతి సహజంగా సంభవించలేదని, ఆయనను హత్య చేసి ఉండొచ్చని పోలీసులు అనుమానిస్తున్నారు. సాధిక్ ఖాన్ అనే వ్యక్తి సైనైడ్ అందించి జగదీశ్వరరెడ్డిని హత్య చేసినట్లు ప్రాథమిక విచారణలో తేలినట్లు సమాచారం. ఈ ఘటనలో సౌజన్య పాత్ర కూడా ఉండొచ్చని ఆమె తండ్రి భాస్కర్ రెడ్డి ఆరోపించినట్లు తెలుస్తోంది. దీంతో ఈ కేసులో సౌజన్యకు ఉన్న సంబంధం, సాధిక్ ఖాన్తో ఆమెకు ఉన్న పరిచయాలు, హత్యకు దారితీసిన పరిస్థితులపై పోలీసులు ఆరా తీస్తున్నారు. కేసులోని అన్ని అంశాలను పరిగణనలోకి తీసుకున్న పోలీసులు.. ఆధారాలు, అనుమానితుల వాంగ్మూలాలు, గత పరిణామాలను పరిశీలిస్తున్నారు. సాధిక్ ఖాన్ను నేడు కోర్టులో హాజరుపరిచి, మరింత విచారణ కోసం వారం రోజుల పోలీస్ కస్టడీ కోరనున్నట్లు సమాచారం. ఈ కేసులో సాధిక్ ఖాన్ పాత్రపై మరింత స్పష్టత రావడంతో పాటు, జగదీశ్వరరెడ్డి మృతి వెనుక అసలు కారణాలు బయటపడే అవకాశం ఉందని పోలీసులు భావిస్తున్నారు. దర్యాప్తు పూర్తయిన తర్వాతే ఈ ఘటనకు సంబంధించిన పూర్తి వివరాలు వెలుగులోకి రానున్నాయి. also read: శంషాబాద్లో ఘోర రోడ్డు ప్రమాదం…! యువకుడి మృతి…

Tag: Nookaraju Family Case

Most Read

ట్యాక్సీనే చిన్న షాపింగ్ స్టోర్.. బ్యాంకాక్ డ్రైవర్ ఐడియాకు ఫిదా అవుతున్న నెటిజన్లు!

తెలంగాణ అసెంబ్లీకి ముహూర్తం ఫిక్స్.. సెప్టెంబర్ 7 నుంచి శాసనసభ సమావేశాలు

మిస్ యూనివర్స్ ఇండియా 2026 కిరీటం సొంతం చేసుకున్న కేరళ యువతి.. 19 ఏళ్ల కాజియా లిజ్ మెజో సరికొత్త రికార్డు!

‘నా ప్రపంచం వీళ్లే’ అంటూ స్నేహారెడ్డి పోస్ట్… ఫొటోల్లో బన్నీ మిస్సింగ్.. ఫ్యాన్స్‌ కామెంట్స్ వైరల్!

EDITOR PICKS

ఏఈ నూకరాజు కుటుంబ ఆత్మహత్యల కేసు- జగదీశ్వరరెడ్డిని మృతిపై అనుమానం.. సైనైడ్‌తో హత్య చేశారా?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags