Nikita Rawal News - Crime Mirror

రెడ్ కార్పెట్పై ఓ మహిళా అభిమాని తనను అకస్మాత్తుగా ముద్దు పెట్టుకోవడంపై నటి నికిత రావల్ స్పందించారు. ఈ ఘటనపై సోషల్ మీడియాలో తనకు మద్దతుగా నిలిచిన అభిమానులు, నెటిజన్లకు ఆమె కృతజ్ఞతలు తెలిపారు. తాను ఎలాంటి తప్పు చేయలేదని, ఈ విషయంలో నిజం వైపే నిలబడతానని స్పష్టం చేశారు. సెల్ఫీ కోసం వచ్చి.. ఊహించని ఘటన ఇటీవల ఓ సినిమా ఈవెంట్కు నికిత రావల్ హాజరయ్యారు. ఈ సందర్భంగా ఓ మహిళా అభిమాని సెల్ఫీ తీసుకునేందుకు ఆమె వద్దకు వచ్చింది. నికిత కూడా ఆమెతో ఫొటోకు పోజు ఇచ్చారు. అయితే అదే సమయంలో సదరు అభిమాని ఊహించని విధంగా నికిత పెదవులపై ముద్దు పెట్టుకుంది. అనుకోకుండా జరిగిన ఈ పరిణామంతో నికిత ఒక్కసారిగా షాక్కు గురయ్యారు. ఈ ఘటనతో ఆమె తీవ్ర అసౌకర్యానికి లోనైనట్లు వీడియోలో కనిపించింది. దీనికి సంబంధించిన దృశ్యాలు సోషల్ మీడియాలో వైరల్ కావడంతో నెటిజన్ల మధ్య పెద్ద చర్చ మొదలైంది. సోషల్ మీడియా ద్వారా నికిత స్పందన తాజాగా ఈ ఘటనపై నికిత రావల్ తన ఇన్స్టాగ్రామ్ స్టోరీస్ ద్వారా స్పందించారు. గత కొన్ని రోజులుగా తనకు పెద్ద సంఖ్యలో సందేశాలు అందుతున్నాయని తెలిపారు. ఈ ఘటనలో తనకు మద్దతుగా నిలిచిన ప్రతి ఒక్కరికీ ధన్యవాదాలు చెప్పారు. తనపై అభిమానులు చూపించిన ప్రేమ, మద్దతు తనను ఎంతో భావోద్వేగానికి గురిచేసిందని నికిత పేర్కొన్నారు. తాను ఎలాంటి తప్పు చేయలేదని, తన వైపు నుంచి దాచాల్సిన విషయం ఏదీ లేదని స్పష్టం చేశారు. నిజం ఎప్పటికీ తనకు ముఖ్యమని ఆమె సందేశం ద్వారా చెప్పుకొచ్చారు. తెలుగు ప్రేక్షకులకు కూడా పరిచయమే.. ముంబైకి చెందిన నికిత రావల్ హిందీ చిత్రాలతో పాటు తెలుగు ప్రేక్షకులకు కూడా పరిచయమే. అనిల్ కపూర్ నటించిన ‘బ్లాక్ & వైట్’, అక్షయ్ కుమార్ ప్రధాన పాత్రలో తెరకెక్కిన ‘గరం మసాలా’ వంటి సినిమాల్లో ఆమె కనిపించారు. 2012లో విడుదలైన ‘టింప’ సినిమాతో తెలుగు సినీ ప్రేక్షకులను పలకరించారు. ప్రస్తుతం అర్షద్ వార్సీ, చుంకీ పాండే తదితరులతో కలిసి ‘రోటీ కపడా అండ్ రొమాన్స్’ చిత్రంలో ఆమె నటిస్తున్నట్లు సమాచారం. also read: రూ.271 కోట్ల పెంట్హౌస్.. దేశ రియల్ ఎస్టేట్లో సంచలనం!

Tag: Nikita Rawal News

Most Read

ఢిల్లీ ఎయిర్‌పోర్టులో కలకలం.. ప్రయాణికుడి బ్యాగులో కోతి పుర్రె!

ఆస్పత్రి నుంచి డిశ్చార్జ్ అయిన జూనియర్ ఎన్టీఆర్‌.. 2- 3 నెలలు విశ్రాంతి అవసరమని వైద్యుల సూచన

రెడ్ కార్పెట్‌పై ఊహించని ముద్దు.. నికిత రావల్ షాకింగ్ రియాక్షన్

రూ.271 కోట్ల పెంట్‌హౌస్‌.. దేశ రియల్ ఎస్టేట్‌లో సంచలనం!

EDITOR PICKS

రెడ్ కార్పెట్‌పై ఊహించని ముద్దు.. నికిత రావల్ షాకింగ్ రియాక్షన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags