New twist - Crime Mirror

క్రైమ్ మిర్రర్, ఆన్ లైన్ డెస్క్ : దేశవ్యాప్తంగా చర్చనీయాంశంగా మారిన కాంగ్రెస్ నేత మీనాక్షి నటరాజన్ వ్యవహారంలో తాజాగా మరో కోణం వెలుగులోకి వచ్చింది. కేసు వివరాలు బయటకు ఎలా వచ్చాయన్న దానికంటే, ప్రారంభ దశలోనే సరైన న్యాయపరమైన వాదనలు వినిపించకపోవడమే మీనాక్షికి ఎక్కువ నష్టం కలిగించిందనే అభిప్రాయాలు వ్యక్తమవుతున్నాయి. నాంపల్లి కోర్టు తాజాగా ఇచ్చిన తీర్పుతో మీనాక్షి నటరాజన్కు కొంత ఊరట లభించినప్పటికీ, ఆమె తరఫున వ్యవహరించిన న్యాయవాదుల పాత్రపై ఇప్పుడు చర్చ జరుగుతోంది. ఈ కేసులో బాధితురాలు 2025 సెప్టెంబర్లో నాంపల్లి కోర్టులో ప్రైవేట్ ఫిర్యాదు దాఖలు చేశారు. ఈ పిటిషన్లో మీనాక్షి నటరాజన్తో పాటు పీసీసీ చీఫ్ మహేష్ కుమార్ గౌడ్, మంత్రి వాకిటి శ్రీహరి, ఎమ్మెల్యే పర్ణిక రెడ్డి తదితరులను ప్రతివాదులుగా చేర్చారు. పిటిషన్ దాఖలైన తర్వాత ప్రతివాదులందరికీ నోటీసులు జారీ కాగా, కొందరు తమ న్యాయవాదుల ద్వారా వివరణలు కూడా సమర్పించారు. అయితే కేసు ప్రాథమిక విచారణ దశలోనే ఇది ప్రజాప్రతినిధులకు సంబంధించిన అంశమని, సాధారణ కోర్టు పరిధిలోకి రాదని వాదన వినిపించి ఉంటే పరిస్థితి మరోలా ఉండేదన్న అభిప్రాయాలు వ్యక్తమవుతున్నాయి. ఎనిమిది నెలల తర్వాత మీనాక్షి తరఫున సీనియర్ న్యాయవాది జంధ్యాల రవిశంకర్ ఈ అంశాన్ని కోర్టు దృష్టికి తీసుకెళ్లగా, నాంపల్లి కోర్టు తనకు విచారణాధికారం లేదని పేర్కొంటూ పిటిషన్ను తిరిగి ఇచ్చింది. దీంతో ఫిర్యాదుదారు ప్రజాప్రతినిధుల కోర్టును ఆశ్రయించాల్సిన పరిస్థితి ఏర్పడింది. ఇదే వాదనను ముందుగానే తీసుకొచ్చి ఉంటే కేసు ఈ స్థాయికి చేరుకునేది కాదని న్యాయ వర్గాలు అభిప్రాయపడుతున్నాయి. మరోవైపు కేసు వివరాలు అఫిడవిట్లో పొందుపరచలేదనే అంశాన్ని ఆధారంగా చేసుకుని ప్రత్యర్థులు రిటర్నింగ్ అధికారిని ఆశ్రయించగా, మీనాక్షి నామినేషన్ తిరస్కరణకు దారితీసిన పరిణామాలు చోటుచేసుకున్నాయి. దీంతో కేసు లీకులపై కాకుండా, ప్రారంభ దశలో జరిగిన న్యాయపరమైన పొరపాట్లపైనే ఇప్పుడు ప్రధానంగా చర్చ సాగుతోంది.

Tag: New twist

Most Read

శీతాకాలం రాకతో ముగిసిన కేదార్‌నాథ్ యాత్ర.. ఓపెన్ ఎప్పుడంటే?

ఐపీఎల్ ‘లక్కీ ఛార్మ్’ హార్దిక్ పాండ్యా: పంజాబ్‌ను ఛాంపియన్‌గా నిలబెడతాడా?

రోజూ 5 నిమిషాల వేగవంతమైన నడక.. మీ ఆరోగ్యాన్నే మార్చేస్తుంది!

ఐపీఎల్‌లో బిగ్ ట్రేడ్..!

EDITOR PICKS

మీనాక్షి వివాదంలో కొత్త కోణం.. ఆమె తరఫు న్యాయవాదుల పాత్రపై ఇప్పుడు చర్చ!!

రఘువంశీపై మంత్ర ప్రయోగం, హనీమూన్ మర్డర్ కేసులో న్యూ ట్విస్ట్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags