Nashik TCS - Crime Mirror

బలవంతపు మతమార్పిడి ఆరోపణలతో అరెస్టైన టీసీఎస్ మాజీ ఉద్యోగి నిదా ఖాన్కు నాసిక్ అదనపు సెషన్స్ కోర్టు బెయిల్ మంజూరు చేసింది. ఈ సందర్భంగా కోర్టు చేసిన వ్యాఖ్యలు చర్చనీయాంశంగా మారాయి. "జైలులో ప్రసవ వేదన అనుభవించడం ఏ మహిళకైనా ఎంతో కష్టమైన విషయం" అని కోర్టు పేర్కొంది. నిదా ఖాన్ తనతో కలిసి పనిచేసిన కొంతమంది ఉద్యోగులను బ్రెయిన్వాష్ చేసి, బలవంతంగా మతం మార్చే ప్రయత్నం చేశారనే ఆరోపణలు ఉన్నాయి. ఈ కేసులో దాదాపు రెండు నెలల క్రితం ఆమెను పోలీసులు అరెస్టు చేశారు. అప్పటి నుంచి ఆమె జైలులోనే ఉంది. ఇటీవల నిదా ఖాన్ తరఫు న్యాయవాదులు బెయిల్ కోసం కోర్టును ఆశ్రయించారు. ప్రస్తుతం ఆమె ఐదు నెలల గర్భవతి అని, ఈ పరిస్థితుల్లో జైలులో ఉంచడం ఆరోగ్యపరంగా ఇబ్బందులు కలిగించే అవకాశం ఉందని కోర్టు దృష్టికి తీసుకెళ్లారు. ఈ వాదనలను పరిశీలించిన నాసిక్ అదనపు సెషన్స్ జడ్జి కె.జి. జోషి బెయిల్ మంజూరు చేస్తూ కీలక వ్యాఖ్యలు చేశారు. గర్భిణీ మహిళకు అవసరమైన వైద్యసేవలు, భద్రత, మానసిక ప్రశాంతత ఎంతో ముఖ్యమని కోర్టు అభిప్రాయపడింది. జైలులో ప్రసవ సమయాన్ని ఎదుర్కోవడం ఏ మహిళకైనా తీవ్రమైన మానసిక, శారీరక ఒత్తిడిని కలిగిస్తుందని పేర్కొంది. ఈ అంశాలను పరిగణనలోకి తీసుకున్న తర్వాతే బెయిల్ మంజూరు చేసినట్లు వెల్లడించింది. అయితే కోర్టు బెయిల్ మంజూరు చేసినప్పటికీ, నిదా ఖాన్పై ఉన్న ఆరోపణలు రద్దయ్యాయని, కేసు ముగిసిపోయిందని కాదు. దర్యాప్తు, తదుపరి న్యాయపరమైన విచారణ యథావిధిగా కొనసాగుతాయి. కేసుకు సంబంధించిన షరతులను తప్పనిసరిగా పాటించాలని కోర్టు ఆదేశించింది. కోర్టు చేసిన వ్యాఖ్యలు, గర్భిణీ మహిళల హక్కులు, మానవతా దృక్పథం, అలాగే న్యాయవ్యవస్థ తీసుకునే నిర్ణయాలపై మరోసారి చర్చకు దారితీశాయి.

Tag: Nashik TCS

Most Read

బీజేపీలోకి విజయసాయిరెడ్డి…!

Nida Khan: బలవంతపు మతమార్పిడి కేసులో ట్విస్ట్.. నిదా ఖాన్‌కు బెయిల్!

Income Tax Job Scam: ఇన్‌కమ్ టాక్స్ ఆఫీస్‌లోనే నకిలీ ఇంటర్వ్యూలు.. లక్షలు దోచుకున్న కేటుగాళ్లు!

ఆ నెలలోనే స్థానిక ఎన్నికలు అంటున్న డిప్యూటీ సీఎం పవన్ కళ్యాణ్!

EDITOR PICKS

Nida Khan: బలవంతపు మతమార్పిడి కేసులో ట్విస్ట్.. నిదా ఖాన్‌కు బెయిల్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel