Nani Movies - Crime Mirror

నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న ‘ది ప్యారడైజ్’పై ప్రేక్షకుల్లో భారీ అంచనాలు ఉన్నాయి. ‘దసరా’ తర్వాత వీరిద్దరి కాంబినేషన్లో వస్తున్న ఈ సినిమా సెప్టెంబరు 24న ప్రేక్షకుల ముందుకు రానుంది. అయితే సాధారణంగా సినిమా విడుదలకు ముందు ట్రైలర్ను తీసుకొచ్చే మేకర్స్.. ‘ది ప్యారడైజ్’కు మాత్రం ట్రైలర్ ఇవ్వడం లేదని హీరో నాని స్పష్టం చేశారు. సినిమా విడుదలకు సమయం చాలా తక్కువగా ఉన్న నేపథ్యంలో ట్రైలర్ కోసం ప్రత్యేకంగా నాలుగైదు రోజులు కేటాయిస్తే, అది సినిమా చివరి దశ పనులపై ప్రభావం చూపే అవకాశం ఉందని నాని తెలిపారు. ప్రేక్షకులకు అత్యుత్తమ నాణ్యతతో సినిమాను అందించడమే ప్రస్తుతం తమ ముందున్న ప్రధాన లక్ష్యమని చెప్పారు. అందుకే ట్రైలర్ కంటే సినిమా పూర్తి చేయడానికే ప్రాధాన్యత ఇస్తున్నట్లు వెల్లడించారు. శ్రీకాంత్ ఓదెలపై నాని ప్రశంసలు దర్శకుడు శ్రీకాంత్ ఓదెలపై నాని ప్రశంసలు కురిపించారు. ‘దసరా’తో పాటు ‘ది ప్యారడైజ్’ పాటలు కూడా ప్రత్యేకంగా ఉండటానికి శ్రీకాంత్ ఆలోచనా విధానం ముఖ్య కారణమని చెప్పారు. పాటకు ఎలాంటి ట్యూన్ కావాలి, ఎవరితో పాడించాలి, సాహిత్యం ఎలా ఉండాలనే విషయాలపై దర్శకుడికి స్పష్టమైన ఆలోచన ఉంటుందని నాని పేర్కొన్నారు. సినిమా కోసం తన లుక్ను పూర్తిగా మార్చుకోవడంలోనూ శ్రీకాంత్ ఆలోచనకు తాను మద్దతు ఇచ్చానని నాని తెలిపారు. జడలు, చేతిపై టాటూతో కనిపించే లుక్ విషయంలోనూ ఎలాంటి అభ్యంతరాలు చెప్పలేదన్నారు. సోషల్ మీడియా ట్రెండ్స్కు భయపడకుండా తనకు నచ్చిన ఆలోచనను తెరపై చూపించే దర్శకుడు శ్రీకాంత్ అని కొనియాడారు. కెరీర్లోనే కష్టమైన సినిమా ‘ది ప్యారడైజ్’ కోసం తన 18 ఏళ్ల సినీ ప్రయాణంలోనే అత్యధికంగా శ్రమించానని నాని వెల్లడించారు. టీజర్లో కొన్ని డైలాగ్స్ ప్రేక్షకులకు పూర్తిగా అర్థం కాలేదన్న అభిప్రాయాలపై కూడా ఆయన స్పందించారు. సినిమాలోని పాత్ర స్వభావం, కథలోని కీలక అంశాలు ముందుగానే బయటపడకుండా కొన్ని విషయాలను గోప్యంగా ఉంచాల్సి వచ్చిందని వివరించారు. ఈ చిత్రం కేవలం పాన్ ఇండియా అనే ట్యాగ్ కోసం రూపొందించిన సినిమా కాదని నాని చెప్పారు. తెలుగుతో పాటు ఇతర భాషల్లోనూ ప్రేక్షకులకు అందుబాటులోకి తీసుకొస్తున్నామని తెలిపారు. తల్లి, కొడుకు మధ్య ఉండే బంధం కథలో ప్రధానంగా కనిపిస్తుందని, యాక్షన్తో పాటు బలమైన భావోద్వేగాలు కూడా సినిమాలో ఉంటాయని చెప్పారు. 2 గంటల 49 నిమిషాల రన్టైమ్ ‘ది ప్యారడైజ్’ రన్టైమ్పై దర్శకుడు శ్రీకాంత్ ఓదెల స్పష్టత ఇచ్చారు. సినిమా మొత్తం 2 గంటల 49 నిమిషాల నిడివితో ఉండనుందని వెల్లడించారు. అలాగే ‘ఏష నాగుల’ పాట కోసం సరైన నటిని ఎంపిక చేసే సమయంలో కీర్తి సురేశ్ను సంప్రదించగా ఆమె వెంటనే అంగీకరించారని తెలిపారు. సినిమా చిత్రీకరణ సమయంలో తనతో పాటు పలువురికి గాయాలు అయ్యాయని నాని చెప్పారు. అయితే షూటింగ్లో ఇలాంటి చిన్న గాయాలు సాధారణమేనని పేర్కొన్నారు. నటుడు మోహన్బాబుతో కలిసి పనిచేయడం మంచి అనుభూతిని ఇచ్చిందని, ఆయనను దగ్గరగా కలిసిన తర్వాత తమ అభిప్రాయం మరింత మారుతుందని నాని వ్యాఖ్యానించారు. ఇక సినిమాకు ప్రీమియర్లు నిర్వహించనున్నట్లు నిర్మాత సుధాకర్ చెరుకూరి తెలిపారు. టికెట్ ధరలను పెంచే అంశంపై మాత్రం ఇంకా తుది నిర్ణయం తీసుకోలేదని స్పష్టం చేశారు. మొత్తంగా ‘ది ప్యారడైజ్’ విడుదలకు సమయం దగ్గరపడుతున్న కొద్దీ సినిమాపై ఆసక్తి మరింత పెరుగుతోంది. also read: రామ్ పోతినేని ‘#RAPO23’లో సంయుక్త.. కొత్త కాంబినేషన్పై పెరిగిన ఆసక్తి

Tag: Nani Movies

Most Read

‘రెట్రో ఫొటో ట్రెండ్‌’పై సైబర్‌ క్రైమ్‌ పోలీసుల హెచ్చరిక.. వ్యక్తిగత ఫొటోలు షేర్‌ చేయొద్దని సూచన

పోక్సో కేసులో అరెస్టైన ఖమ్మం విద్యార్థి ఆత్మహత్య.. రూ.20 లక్షలు డిమాండ్ చేశారంటూ కుటుంబ సభ్యుల ఆరోపణలు

ప్రజ్వల్ రేవణ్న ఫోన్‌లో 140కి పైగా పోర్న్ వీడియోలు.. ఫోరెన్సిక్ రిపోర్టులో సంచలన విషయాలు

చేపల చెరువు యజమాని హత్య.. కాకినాడ జిల్లాలో దారుణం

EDITOR PICKS

‘ది ప్యారడైజ్’కు ట్రైలర్ ఎందుకు లేదంటే.. అసలు కారణం ఇదేనంటూ నాని వివరణ

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags