#NagpurNews - Crime Mirror

క్రైమ్ మిర్రర్ : ప్రేమ వ్యవహారం ఓ గ్యాంగ్స్టర్ హత్యకు దారితీసిన ఘటన మహారాష్ట్రలో కలకలం రేపింది. ఓ యువతితో సంబంధం విషయంలో ఇద్దరు గ్యాంగ్స్టర్ల మధ్య ఏర్పడిన వివాదం చివరకు హత్యకు దారితీసింది. ఈ ఘటనపై పోలీసులు ముగ్గురిని అదుపులోకి తీసుకుని దర్యాప్తు చేస్తున్నారు. పోలీసుల వివరాల ప్రకారం.. నాగ్పూర్కు చెందిన 27 ఏళ్ల గౌరవ్ పంకజ్ రగ్డేకు ‘రాణి’ అనే యువతితో సుమారు రెండేళ్లుగా ప్రేమ సంబంధం ఉంది. రగ్డేపై ఇప్పటికే తొమ్మిది క్రిమినల్ కేసులు నమోదై ఉన్నట్లు పోలీసులు తెలిపారు. కొన్ని నెలల క్రితం ఓ కేసులో అతడు జైలుకు వెళ్లాడు. జైలుకెళ్లిన ప్రియుడు.. మరో వ్యక్తితో ప్రేమ రగ్డే జైలులో ఉన్న సమయంలో రాణికి గౌరవ్ రౌత్ అనే మరో వ్యక్తితో పరిచయం ఏర్పడింది. ఆ పరిచయం క్రమంగా ప్రేమగా మారినట్లు పోలీసులు తెలిపారు. నేర జీవితానికి దూరంగా ఉండాలనే ఉద్దేశంతో రాణి క్లౌడ్ కిచెన్ ప్రారంభించినట్లు సమాచారం. ఆ తర్వాత రాణి, గౌరవ్ రౌత్ నాగేంద్ర నగర్ ప్రాంతంలో ఓ ఇంటిని అద్దెకు తీసుకుని కలిసి ఉంటున్నట్లు పోలీసులు గుర్తించారు. ఇదిలా ఉండగా సుమారు రెండు వారాల క్రితం రగ్డే బెయిల్పై జైలు నుంచి బయటకు వచ్చాడు. బయటకు వచ్చిన తర్వాత రాణి, రౌత్ మధ్య సంబంధం గురించి అతడికి తెలిసింది. ఆగ్రహంతో రౌత్ ఇంటికి వెళ్లిన రగ్డే రాణి మరో వ్యక్తితో కలిసి ఉంటున్న విషయం తెలియడంతో రగ్డే తీవ్ర ఆగ్రహానికి గురైనట్లు పోలీసులు తెలిపారు. దీంతో రౌత్ నివాసానికి వెళ్లాడు. ఆ సమయంలో రౌత్తో పాటు అతడి స్నేహితుడు కూడా ఇంట్లో ఉన్నాడు. ఇంటి తలుపులు లోపల నుంచి లాక్ చేసి ఉండటంతో రగ్డే కిటికీ ద్వారా రాళ్లు విసిరినట్లు పోలీసులు తెలిపారు. పరిస్థితి అదుపు తప్పడంతో భయపడిన రౌత్, అతడి స్నేహితుడు ఇంటి వెనుక తలుపు నుంచి బయటకు పరుగులు తీశారు. కత్తితో వెంబడింపు.. చివరకు అదే ఆయుధంతో దాడి రౌత్, అతడి స్నేహితుడు పారిపోవడంతో రగ్డే కత్తితో వారిని వెంబడించినట్లు పోలీసులు తెలిపారు. సుందర్బన్ నాలా సమీపంలో వారిని అడ్డగించి దాడికి ప్రయత్నించినట్లు సమాచారం. అదే సమయంలో రౌత్ స్నేహితుడు వస్నిక్ అక్కడికి చేరుకున్నాడు. ముగ్గురూ కలిసి రగ్డేను అడ్డుకుని అతడి చేతిలోని కత్తిని లాక్కున్నట్లు పోలీసులు తెలిపారు. అనంతరం అదే కత్తితో రగ్డేపై దాడి చేసి అక్కడి నుంచి వెళ్లిపోయినట్లు ప్రాథమిక దర్యాప్తులో వెల్లడైంది. ఆస్పత్రికి తరలించేలోపే మృతి ఘటనపై సమాచారం అందుకున్న పోలీసులు వెంటనే అక్కడికి చేరుకున్నారు. తీవ్రంగా గాయపడిన రగ్డేను ఆస్పత్రికి తరలించగా.. అప్పటికే అతడు మృతి చెందినట్లు వైద్యులు నిర్ధారించారు. ఈ ఘటనపై పోలీసులు కేసు నమోదు చేసి గౌరవ్ రౌత్, అతడి స్నేహితుడు, వస్నిక్లను అదుపులోకి తీసుకున్నారు. హత్యకు దారితీసిన పరిస్థితులు, నిందితుల పాత్ర, ఘటనకు ముందు జరిగిన పరిణామాలపై పోలీసులు మరింత లోతుగా దర్యాప్తు చేస్తున్నారు. ఓ ప్రేమ వ్యవహారంతో మొదలైన వివాదం.. చివరకు ఓ వ్యక్తి ప్రాణాలు కోల్పోయే వరకు వెళ్లడం నాగ్పూర్లో తీవ్ర చర్చకు దారితీసింది. also read : రేవంత్రెడ్డినే టార్గెట్ చేశా.. కొండా సుస్మిత సంచలన కామెంట్స్

Tag: #NagpurNews

Most Read

వినాయక నిమజ్జనం వెనుక అసలు స్టోరీ ఇదే..!

బాక్సాఫీస్ వద్ద ‘మండాడి’ సంచలనం.. రూ.100 కోట్ల క్లబ్‌లో చిన్న సినిమా!

ఏఐ ప్రాణం తీసింది: చాట్‌జీపీటీ తప్పుడు సలహాతో యువకుడి మృతి.. ఓపెన్ఏఐ సంస్థపై తల్లి దావా!

డూప్లికేట్ గాంధీల పేర్లు పెడితే ఊరుకోం : బండి సంజయ్

EDITOR PICKS

ట్రయాంగిల్ లవ్‌స్టోరీలో గ్యాంగ్‌స్టర్ హత్య.. పోలీసుల అదుపులో ముగ్గురు

ఇన్‌స్టాగ్రామ్ పరిచయం.. బాలిక కిడ్నాప్ కేసులో యువకుడి అరెస్ట్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags