Tag: Mobile security

ఆధార్ కార్డు వినియోగించే కోట్లాది మంది భారతీయులకు UIDAI మరో మంచి సమాచారాన్ని అందించింది. ఆధార్ వివరాలను మరింత భద్రంగా, ఎప్పుడైనా వెంట తీసుకెళ్లేలా, మొబైల్ ఫోన్లోనే ఆధార్ డేటాను నిల్వ చేసుకునే కొత్త మొబైల్ యాప్ను విడుదల చేసింది. ఈ యాప్ను ప్రత్యేకంగా పేపర్లెస్ మరియు సెక్యూర్ అనుభవాన్ని అందించేందుకు రూపొందించినట్టు అధికారులు వెల్లడించారు. ఇకపై భౌతిక ఆధార్ కార్డు తీసుకెళ్లాల్సిన అవసరం ఉండకపోవడం వినియోగదారులకు పెద్ద సౌకర్యం కానుంది. ఈ కొత్త యాప్ ప్రధానంగా వ్యక్తిగత ఆధార్ డేటాను భద్రంగా నిల్వ చేయడానికి, అవసరమైనప్పుడు ఎంపిక చేసిన సమాచారాన్ని మాత్రమే పంచుకునేలా రూపొందించినందువల్ల వినియోగదారుల గోప్యత మరింత పెరుగుతుంది. ఒకే మొబైల్లో కుటుంబ సభ్యులందరి ఆధార్ వివరాలను కూడా సేవ్ చేసుకునే అవకాశం కల్పించడం ఈ యాప్ ప్రత్యేకత. అదనపు భద్రత కోసం ఫేస్ ఆథెంటికేషన్ ద్వారా లాగిన్ అయ్యే సౌకర్యం ఇవ్వడం, బయోమెట్రిక్ లాక్ మరియు అన్లాక్ ఎంపికలు అందుబాటులో ఉంచడం వినియోగదారుల డేటా రక్షణకు పెద్ద అడుగుగా భావిస్తున్నారు. అంతేకాకుండా, ఆధార్ ఎక్కడ, ఎప్పుడు ఉపయోగించారో తెలుసుకునే హిస్టరీలను చెక్ చేసే సౌకర్యం కూడా ఈ యాప్లో ఉంది. అయితే, ఇది ప్రస్తుతం వాడుతున్న ఎం-ఆధార్ యాప్కు ప్రత్యామ్నాయం కాదని UIDAI స్పష్టం చేసింది. డిజిటల్ ఆధార్ కార్డు డౌన్లోడ్, పీవీసీ కార్డు ఆర్డర్, మొబైల్ లేదా ఈమెయిల్ వెరిఫికేషన్ వంటి సేవలు ఈ కొత్త యాప్లో ఉండవు. కేవలం డేటాను భద్రపరచడం, అవసరమైనప్పుడు సురక్షితంగా పంచుకోవడమే దీని ప్రధాన ప్రయోజనం. యాప్ను ఆండ్రాయిడ్ వినియోగదారులు గూగుల్ ప్లే స్టోర్ నుంచి, ఐఫోన్ వినియోగదారులు యాపిల్ యాప్ స్టోర్ నుంచి డౌన్లోడ్ చేసుకోవచ్చు. ఇన్స్టాల్ చేసిన తర్వాత ఆధార్కు లింక్ అయిన మొబైల్ నంబర్తో లాగిన్ అవుతూ ఓటీపీ, ఫేస్ వెరిఫికేషన్ పూర్తి చేయాలి. అనంతరం భద్రత కోసం పిన్ నంబర్ సెట్ చేసిన తర్వాత యాప్ను సులభంగా ఉపయోగించవచ్చు. మొత్తం మీద ఆధార్ సేవలను మరింత సులభం, వేగవంతం, సురక్షితం చేయడానికి ఈ యాప్ సహాయపడుతుందని అధికారులు ఆశాభావం వ్యక్తం చేస్తున్నారు. ALSO READ: జూబ్లీహిల్స్ లో ఎగిరిన కాంగ్రెస్ జెండా.. 25 వేల ఓట్ల మెజారిటీతో నవీన్ యాదవ్ గెలుపు!

Tag: Mobile security

Most Read

లష్కరే ఉగ్రవాదులతో వేదిక పంచుకున్న పాక్ మాజీ మంత్రి.. భారత్‌పై సంచలన వ్యాఖ్యలు

బిల్ గేట్స్ కుమార్తెకు ఊహించని షాక్… ఫియా షాపింగ్ స్టార్టప్‌పై ‘కుకీ స్టఫింగ్’ ఆరోపణలు..

రామాయణలో చేతన్ హన్స్‌రాజ్ సంచలనం.. ఒకటి కాదు రెండు కాదు.. ఏకంగా 7 పాత్రలు!

చీకట్లో బంగ్లాదేశ్.. చమురు కొరతతో అల్లాడుతున్న ప్రజలు, భారత్‌ సాయం కోరిన ప్రభుత్వం

EDITOR PICKS

ఆధార్ సేవలను మరింత సులభం చేసే UIDAI కొత్త అప్లికేషన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags