MLA Kova Laxmi - Crime Mirror

కుమ్రం భీం జిల్లా జంకాపూర్లో ఘటన రేషన్ కార్డుల పంపిణీలో ఎమ్మెల్యే కోవ లక్ష్మి ఆగ్రహం కాంగ్రెస్ నేత శ్యామ్ నాయక్పై బాటిల్తో దాడి అదనపు కలెక్టర్ సమక్షంలో ఇరువురి మధ్య మాటల యుద్ధం క్రైమ్మిర్రర్, అసిఫాబాద్: కుమ్రం భీం అసిఫాబాద్ జిల్లాలో కాంగ్రెస్-బీఆర్ఎస్ నేతల మధ్య మాటల యుద్ధం తారాస్థాయికి చేరింది. ఏకంగా ప్రభుత్వ కార్యక్రమాల్లోనూ ఈ తంతు కొనసాగుతోంది. తాజాగా ఇరుపార్టీల నేతల మధ్య మాటామాటా పెరిగి దాడుల చేసే స్థాయికి చేరుకుంది. అసిఫాబాద్ నియోజకవర్గం జంకాపూర్లో గురువారం రేషన్ కార్డుల పంపిణీ కార్యక్రమం చేపట్టారు. ఈ సభకి అదనపు కలెక్టర్ డేవిడ్ సహా కాంగ్రెస్, బీఆర్ఎస్ నేతలు హాజరయ్యారు. సభలో అధికార, విపక్ష నేతలు ఒకరిపై మరొకరు విమర్శలు గుప్పించుకున్నారు. ఈ క్రమంలో కాంగ్రెస్ నేత శ్యామ్ నాయక్పై వాటర్ బాటిల్తో దాడి చేశారు ఎమ్మెల్యే కోవ లక్ష్మి. సభలో ఎమ్మెల్యే కోవ లక్ష్మి మాట్లాడుతూ... కాంగ్రెస్ ఎన్నికల్లో ఇచ్చిన ఏ హామీని నిలబెట్టుకోలేదని మండిపడ్డారు. కల్యాణ లక్ష్మి, షాదీ ముబారక్ వంటి హామీలను తుంగలో తొక్కారని ఆక్షేపించారు. కోవ లక్ష్మి వ్యాఖ్యలకు కాంగ్రెస్ నియోజకవర్గ ఇన్చార్జ్ శ్యామ్ నాయక్ వెంటనే కౌంటరిచ్చారు. గత బీఆర్ఎస్ ప్రభుత్వం కూడా ఏ హామీ నెరవేర్చలేదని, నియోజకవర్గంలో ఎలాంటి అభివృద్ధి పనులు చేపట్టలేదని ఎదురుదాడికి దిగారు. దీంతో ఆగ్రహానికి గురైన ఎమ్మెల్యే కోవ లక్ష్మి... అక్కడే ఉన్న వాటర్ బాటిల్ను శ్యామ్ నాయక్పైకి విసిరారు. ఈ ఘటనతో అక్కడ పరిస్థితి ఉద్రిక్తంగా మారింది. ఊహించని పరిణామంతో సభలో గందరగోళం నెలకొంది. అధికారులు వెంటనే జోక్యం చేసుకొని పరిస్థితిని సద్దుమణించారు. Read Also: రాజకీయాల్లోకి ఎంట్రీ ఇస్తున్న అలనాటి హీరో.. విజయ్ పార్టీలోకే ఎక్కువ అవకాశాలు? బీసీ రిజర్వేషన్లపై ఆఖరిపోరాటం ముగిసింది: రేవంత్

Tag: MLA Kova Laxmi

Most Read

ఝాన్సీ హైవేపై ఘోర ప్రమాదం.. అతీక్ అహ్మద్ కుమారుడు అబాన్ మృతి

రుణాల పేరుతో సైబర్ మోసాలు.. ఢిల్లీలో 21 మంది తెలుగు యువతుల అరెస్ట్

సదాశివపేట ప్రభుత్వ ఆస్పత్రి టాయిలెట్‌లో శిశువు మృతదేహం..

ఏలూరు జిల్లాలో ఘోర ప్రమాదం.. ఆగి ఉన్న లారీని ఢీకొట్టిన ప్రైవేట్ ట్రావెల్స్ బస్సు

EDITOR PICKS

కాంగ్రెస్‌ నేతపైకి బాటిల్‌ను విసిరిన మహిళా ఎమ్మెల్యే

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags