Maur MLA - Crime Mirror

పంజాబ్లో అధికార ఆమ్ ఆద్మీ పార్టీ (AAP) కీలక నిర్ణయం తీసుకుంది. మౌర్ నియోజకవర్గ ఎమ్మెల్యే సుఖ్వీర్ సింగ్ మైసర్ఖానాను పార్టీ నుంచి బహిష్కరించింది. పార్టీ వ్యతిరేక కార్యకలాపాలకు పాల్పడటం, తప్పుడు సమాచారాన్ని ప్రచారం చేయడం, పార్టీ ప్రతిష్ఠకు భంగం కలిగించేలా వ్యవహరించారన్న ఆరోపణల నేపథ్యంలో ఈ చర్య తీసుకున్నట్లు ఆమ్ ఆద్మీ పార్టీ వెల్లడించింది. ఇటీవల సుఖ్వీర్ సింగ్ మైసర్ఖానా ప్రభుత్వ పాఠశాలల్లో నెలకొన్న ఉపాధ్యాయుల కొరతపై బహిరంగంగా స్పందించారు. విద్యార్థులు ఎదుర్కొంటున్న ఇబ్బందులను పరిష్కరించాల్సిన అవసరం ఉందని ఆయన పేర్కొన్నారు. ఈ సమస్యను ముఖ్యమంత్రి భగవంత్ మాన్తో పాటు పార్టీకి చెందిన ఇతర నాయకుల దృష్టికి తీసుకెళ్లినప్పటికీ, ఇప్పటివరకు పరిష్కారం లభించలేదని ఓ లైవ్ వీడియోలో చెప్పినట్లు సమాచారం. ప్రజలకు సంబంధించిన సమస్యలపై తాను ప్రశ్నించడం తప్పదని కూడా ఎమ్మెల్యే స్పష్టం చేశారు. విద్యార్థులు, ప్రజలు ఎదుర్కొంటున్న ఇబ్బందులను ప్రభుత్వం దృష్టికి తీసుకెళ్లడం తన బాధ్యత అని పేర్కొన్నారు. సమస్యలు పరిష్కారం అయ్యే వరకు ఈ అంశాలపై మాట్లాడుతూనే ఉంటానని ఆయన వెల్లడించారు. అయితే, ఎమ్మెల్యే చేసిన వ్యాఖ్యలు, ఆయన వ్యవహారశైలిపై పార్టీ నాయకత్వం అభ్యంతరం వ్యక్తం చేసింది. పార్టీ వ్యతిరేక కార్యకలాపాలు, వదంతుల వ్యాప్తి, పార్టీ ప్రతిష్ఠను దెబ్బతీసే చర్యలకు పాల్పడ్డారనే ఆరోపణలతో సుఖ్వీర్ సింగ్ మైసర్ఖానాపై బహిష్కరణ వేటు వేసింది. ఈ పరిణామంతో పంజాబ్ ఆమ్ ఆద్మీ పార్టీలో అంతర్గత విభేదాలపై మరోసారి చర్చ మొదలైంది. అయితే, ఎమ్మెల్యే లేవనెత్తిన పాఠశాలల్లో ఉపాధ్యాయుల కొరత అంశం, దానిపై ప్రభుత్వం తీసుకోబోయే చర్యలపై కూడా ఆసక్తి నెలకొంది. also read: 174 మంది ప్రాణాలు కాపాడిన పైలట్కు దుబాయ్ యువరాజు పరామర్శ.. ఆప్యాయంగా ఆలింగనం

Tag: Maur MLA

Most Read

‘చుట్టమల్లే’ పాటపై AI మార్ఫింగ్.. జాన్వీ కపూర్ తీవ్ర ఆగ్రహం

నెస్లే డెయిరీ వైటనర్‌పై FSSAI కీలక ఆదేశాలు.. విక్రయాలు నిలిపివేత

తెలంగాణ విద్యార్థులకు దసరా సెలవుల తేదీలు ఖరారు.. స్కూళ్లు, కాలేజీలకు వేర్వేరు డేట్స్

ఇష్టమైన అమ్మాయితో పెళ్లి చేయలేదని మేనమామపై పగ.. చివరికి ఇంట్లోనే చోరీ

EDITOR PICKS

పార్టీ నుంచి ఎమ్మెల్యే సుఖ్‌వీర్ సింగ్ మైసర్‌ఖానా బహిష్కరణ.. అసలు కారణం ఇదే!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags