Kiran Kumari - Crime Mirror

జార్ఖండ్లో మానవత్వాన్ని మంటగలిపే విషాద ఘటన చోటుచేసుకుంది. ఆడపిల్ల వద్దు.. మగబిడ్డే కావాలన్న మూఢనమ్మకంతో ఓ యువతి ప్రాణాలను బలిగొన్నారనే ఆరోపణలు కలకలం రేపుతున్నాయి. అక్రమంగా లింగ నిర్ధారణ పరీక్ష చేయించడంతో పాటు, బలవంతంగా అబార్షన్ చేయించడంతో 24 ఏళ్ల వివాహిత ప్రాణాలు కోల్పోయింది. వివరాల్లోకి వెళ్తే.. జార్ఖండ్లోని ధన్బాద్ జిల్లా శ్యామ్డీ చౌక్కు చెందిన కిరణ్ కుమారి ఈ దారుణానికి బలయ్యారు. అబ్బాయి కావాలన్న ఉద్దేశంతో ఆమె భర్త సోనూ కేవత్, అత్తింటివారు అక్రమ లింగ నిర్ధారణ పరీక్ష చేయించినట్లు ఆరోపణలు ఉన్నాయి. ఇందుకోసం స్థానికంగా ఉన్న సెంట్రల్ డయాగ్నోస్టిక్ సెంటర్కు తీసుకెళ్లి పరీక్షలు చేయించినట్లు సమాచారం. ఆ తర్వాత మరో ప్రైవేట్ క్లినిక్లో కిరణ్ కుమారికి అబార్షన్ చేయించినట్లు తెలుస్తోంది. ఈ ప్రక్రియ అనంతరం ఆమెకు తీవ్రస్థాయిలో రక్తస్రావం కావడంతో పరిస్థితి విషమించింది. చివరకు చికిత్స పొందుతూ కిరణ్ కుమారి ప్రాణాలు విడిచారు. ఈ ఘటనపై మృతురాలి తండ్రి పోలీసులకు ఫిర్యాదు చేశారు. ఫిర్యాదు ఆధారంగా కేసు నమోదు చేసిన పోలీసులు దర్యాప్తు చేపట్టారు. ఈ కేసులో నలుగురిని అదుపులోకి తీసుకుని అరెస్టు చేశారు. అనంతరం వారిని జుడీషియల్ కస్టడీకి తరలించారు. ఆడపిల్ల, మగపిల్లాడనే వివక్షతో మహిళల ప్రాణాలను ప్రమాదంలోకి నెట్టడం ఎంతటి దారుణమో ఈ ఘటన మరోసారి గుర్తుచేస్తోంది. అక్రమ లింగ నిర్ధారణ పరీక్షలు, బలవంతపు అబార్షన్ల వెనుక ఉన్నవారిపై కఠిన చర్యలు తీసుకోవాలనే డిమాండ్లు వ్యక్తమవుతున్నాయి. ఈ ఘటన స్థానికంగా తీవ్ర చర్చనీయాంశంగా మారింది. also read: మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

Tag: Kiran Kumari

Most Read

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

వికారాబాద్ జిల్లాలో విషాదం.. ఇద్దరు పిల్లలతో కలిసి తల్లి ఆత్మహత్య

ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!

EDITOR PICKS

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags