King100 - Crime Mirror

టాలీవుడ్ కింగ్ అక్కినేని నాగార్జున తన కెరీర్లో అత్యంత ప్రతిష్టాత్మకమైన 100వ చిత్రంతో బిజీగా ఉన్నారు. తాత్కాలికంగా ‘KING 100’ అనే టైటిల్తో తెరకెక్కుతున్న ఈ ప్రాజెక్ట్ నిశ్శబ్దంగా షూటింగ్ జరుపుకుంటున్నప్పటికీ, దాని చుట్టూ తిరుగుతున్న వార్తలు మాత్రం భారీ ఆసక్తిని రేకెత్తిస్తున్నాయి. ఈ చిత్రంలో నాగార్జున సరసన ఐశ్వర్య రాజేష్, సుష్మితా భట్ కథానాయికలుగా నటిస్తుండగా, సీనియర్ నటి టబు ఒక ప్రత్యేక పాత్రలో కనిపించనున్నారు. ఇప్పటికే ఈ కాస్టింగ్ ప్రేక్షకుల్లో మంచి అంచనాలు పెంచగా, ఇప్పుడు మరో సర్ప్రైజ్ ఎలిమెంట్ ఇండస్ట్రీలో చర్చనీయాంశంగా మారింది. తాజా సమాచారం ప్రకారం, ఈ సినిమాలో ఓ స్టార్ హీరో కీలక పాత్రలో కనిపించనున్నట్లు ఫిలిం నగర్ వర్గాల్లో ప్రచారం జరుగుతోంది. ముఖ్యంగా కన్నడ స్టార్ ఉపేంద్ర ఈ ప్రాజెక్ట్లో భాగం అవుతున్నారన్న టాక్ హాట్ టాపిక్గా మారింది. గతంలో తెలుగులో కల్ట్ ఫాలోయింగ్ సంపాదించిన ఉపేంద్ర, పలు స్ట్రెయిట్ తెలుగు చిత్రాలతో పాటు సపోర్టింగ్ రోల్స్ ద్వారా కూడా ప్రేక్షకులను ఆకట్టుకున్నారు. అలాంటి ఆయన నాగార్జున 100వ సినిమాలో కనిపిస్తే, ఈ కాంబినేషన్పై భారీ అంచనాలు నెలకొనే అవకాశముంది. ఈ చిత్రాన్ని దర్శకుడు రా. కార్తీక్ తెరకెక్కిస్తున్నాడు. కథ విషయానికి వస్తే, పేదరికం నుంచి ఎదిగి సంపన్నుడిగా మారే వ్యక్తి ప్రయాణాన్ని చూపించే రాగ్స్ టు రిచ్ కాన్సెప్ట్తో సినిమా రూపొందుతోందని తెలుస్తోంది. ‘లాటరీ కింగ్’ అనే టైటిల్ కూడా పరిశీలనలో ఉందని సమాచారం. నాగార్జున ఈ చిత్రంలో విభిన్న గెటప్స్లో, ప్రత్యేకంగా వింటేజ్ లుక్స్లో కనిపించనున్నారని వినిపిస్తోంది. సంగీతాన్ని దేవిశ్రీ ప్రసాద్ అందిస్తుండగా, అన్నపూర్ణ స్టూడియోస్ సమర్పణలో ఈ చిత్రాన్ని నిర్మిస్తున్నారు. భారీ స్థాయిలో తెరకెక్కుతున్న ఈ సినిమా 2027 సంక్రాంతి సందర్భంగా విడుదలయ్యే అవకాశముందని టాక్ వినిపిస్తోంది. ఇప్పటికే కాస్టింగ్, కథ, సర్ప్రైజ్ ఎంట్రీలతో ఆసక్తి పెంచుతున్న ‘కింగ్ 100’ రాబోయే రోజుల్లో మరిన్ని అప్డేట్స్తో ఫ్యాన్స్ను మరింత ఉత్సాహపరచడం ఖాయం. also read: ఐరాస వేదికపై భారత్ ఘాటు సమాధానం – పాక్కు కఠిన హెచ్చరిక!

Tag: King100

Most Read

“డిగ్రీ కాదు… నైపుణ్యమే భవిష్యత్!” – భారత విద్యా వ్యవస్థపై సౌరభ్ ముఖర్జియా షాకింగ్ వ్యాఖ్యలు

ఊబకాయం అలర్ట్: బరువు పెరిగితే 19 రకాల క్యాన్సర్ల ముప్పు!

రూ. 20కే లగ్జరీ ట్రావెల్?” – ముంబై మెట్రో చూసి అమెరికన్ మహిళ షాక్!

పాత బస్సు… కొత్త ఐడియా… ఇప్పుడు టూరిస్ట్ స్పాట్! కర్ణాటక యువత సృజనాత్మకతకు దేశం ఫిదా

EDITOR PICKS

నాగార్జున ‘కింగ్ 100’లో సర్ప్రైజ్ స్టార్ ఎంట్రీ? క్రేజీ కాంబోపై ఇండస్ట్రీలో హాట్ టాక్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel