Kalkaji Incident - Crime Mirror

దేశ రాజధాని ఢిల్లీతో పాటు ఎన్సీఆర్ పరిధిలో వరుసగా వెలుగుచూస్తున్న లైంగిక దాడుల ఘటనలపై సుప్రీంకోర్టు తీవ్రంగా స్పందించింది. మహిళలు, బాలికల భద్రతకు సంబంధించిన అంశాన్ని సుమోటోగా స్వీకరించిన సర్వోన్నత న్యాయస్థానం.. దీనిపై ప్రజాప్రయోజన వ్యాజ్యం (పిల్) నమోదు చేయాలని ఆదేశించింది. జస్టిస్ జె.బి. పార్థీవాలా, జస్టిస్ కె. వినోద్ చంద్రన్లతో కూడిన ధర్మాసనం ఈ మేరకు ఆదేశాలు జారీ చేసింది. ఇటీవల కల్కాజీ మందిర్ సమీపంలోని పార్కులో మైనర్ బాలికపై జరిగిన సామూహిక అత్యాచారం, గ్రేటర్ నోయిడా-ఢిల్లీ ప్రాంతంలో కదులుతున్న స్లీపర్ బస్సులో మరో బాలికపై జరిగిన లైంగిక దాడి వంటి ఘటనలను ధర్మాసనం ప్రస్తావించింది. రాజధాని ప్రాంతంలో ఇలాంటి ఘటనలు పునరావృతం కావడం మహిళల భద్రతపై తీవ్ర ఆందోళన కలిగిస్తోందని పేర్కొంది. మహిళలకు భద్రత కల్పించాల్సిన బాధ్యత అధికారులదే భయం లేకుండా, గౌరవంగా జీవించే హక్కు రాజ్యాంగంలోని ఆర్టికల్ 21 కింద పౌరులకు లభించే ప్రాథమిక హక్కులో భాగమని సుప్రీంకోర్టు గుర్తుచేసింది. బహిరంగ ప్రదేశాల్లో మహిళలు, బాలికలకు రక్షణ కల్పించడంలో ప్రభుత్వ యంత్రాంగం, పోలీసు వ్యవస్థ పనితీరుపై ప్రశ్నలు తలెత్తుతున్నాయని ధర్మాసనం పేర్కొంది. పార్కులు, రహదారులు, బస్సులు, మెట్రో స్టేషన్లు, సబ్వేలు వంటి ప్రదేశాల్లో తగినంత వెలుతురు, సీసీటీవీ నిఘా, పోలీసుల పెట్రోలింగ్ వంటి చర్యలు అవసరమని కోర్టు అభిప్రాయపడింది. ముందస్తుగా నివారించగల పరిపాలనా లోపాల కారణంగా బహిరంగ ప్రదేశాలు ప్రమాదకర ప్రాంతాలుగా మారకుండా చూడాల్సిన బాధ్యత అధికారులపై ఉందని స్పష్టం చేసింది. నేరాలను అడ్డుకోవడం, శాంతిభద్రతలను కాపాడటం, ముఖ్యంగా మహిళలు, బాలికలు వంటి బలహీన వర్గాలకు రక్షణ కల్పించడంలో సంబంధిత అధికారుల జవాబుదారీతనం నిర్ధారించాల్సిన అవసరం ఉందని ధర్మాసనం పేర్కొంది. ఈ అంశంపై అధికారుల నుంచి స్పష్టమైన, నిర్దిష్టమైన స్పందన అవసరమని తెలిపింది. కల్కాజీ పార్క్ ఘటనపై.. కల్కాజీ మందిరం సమీపంలోని పార్కులో 17 ఏళ్ల బాలికపై జరిగిన సామూహిక అత్యాచారం కేసును కూడా సుప్రీంకోర్టు పరిగణనలోకి తీసుకుంది. సెప్టెంబర్ 22న స్నేహితుడితో కలిసి పార్కుకు వెళ్లిన బాలికను ముగ్గురు వ్యక్తులు పోలీసులమని చెప్పి బెదిరించినట్లు ఆరోపణలు ఉన్నాయి. బాధితురాలు, ఆమె స్నేహితుడి ఫోన్లు తీసుకున్న నిందితులు.. బాలికను పార్కులోని నిర్మానుష్య ప్రాంతానికి తీసుకెళ్లినట్లు పోలీసులకు ఫిర్యాదు అందింది. వారిలో ఒకరు తుపాకీతో బెదిరించినట్లు బాధితురాలు వెల్లడించినట్లు పోలీసులు తెలిపారు. ఈ కేసులో ఒక నిందితుడైన ఆసిఫ్ను ఎన్కౌంటర్ అనంతరం పోలీసులు అరెస్టు చేసినట్లు సమాచారం. మిగిలిన నిందితుల కోసం గాలింపు కొనసాగుతోంది. కదులుతున్న స్లీపర్ బస్సులో మరో ఘటన గ్రేటర్ నోయిడా-ఢిల్లీ ప్రాంతంలో కదులుతున్న స్లీపర్ బస్సులో 16 ఏళ్ల బాలికపై జరిగిన లైంగిక దాడి కేసును కూడా సుప్రీంకోర్టు దృష్టిలోకి తీసుకుంది. ఉత్తరప్రదేశ్లోని మెయిన్పురికి చెందిన బాలిక ఆగస్టులో తన గమ్యస్థానంలో దిగాల్సిన చోట దిగలేకపోవడంతో మరో స్లీపర్ బస్సు ఎక్కినట్లు సమాచారం. ఈ సమయంలో బస్సు డ్రైవర్, కండక్టర్ ఆమెపై లైంగిక దాడికి పాల్పడి, అనంతరం ఢిల్లీలోని కశ్మీరీ గేట్ వద్ద వదిలివెళ్లినట్లు కేసు నమోదైంది. ఈ ఘటనకు సంబంధించి పోలీసులు డ్రైవర్, కండక్టర్ను అరెస్టు చేసి బస్సును స్వాధీనం చేసుకున్నారు. ఈ కేసును జాతీయ మానవ హక్కుల కమిషన్ (ఎన్హెచ్ఆర్సీ) కూడా సుమోటోగా స్వీకరించి సంబంధిత అధికారులకు నోటీసులు జారీ చేసింది. రాజధాని ప్రాంతంలో వరుసగా చోటుచేసుకున్న ఈ ఘటనల నేపథ్యంలో సుప్రీంకోర్టు స్వయంగా జోక్యం చేసుకోవడం ప్రాధాన్యత సంతరించుకుంది. మహిళలు, బాలికలకు బహిరంగ ప్రదేశాల్లో భద్రత కల్పించేందుకు అధికారులు తీసుకుంటున్న చర్యలపై ఈ ప్రజాప్రయోజన వ్యాజ్యం విచారణలో కీలక అంశాలు చర్చకు వచ్చే అవకాశం ఉంది. also read: ఏపీలో హోటళ్లు, రెస్టారెంట్లపై ఫుడ్ సేఫ్టీ అధికారుల మెరుపు దాడులు.. 25 సంస్థలు మూసివేత

Tag: Kalkaji Incident

Most Read

వలపు వల.. పడితే అంతే…!

ఈడి పై బీఆర్ఎస్ దండయాత్ర…!

రాటుదేలిన రేవంత్…!

ఇంట్లోనే దంపతుల దారుణ హత్య.. రక్తపు మడుగులో మాజీ సైనికుడు, ఆయన భార్య మృతదేహాలు

EDITOR PICKS

ఢిల్లీ-ఎన్సీఆర్‌లో వరుస అత్యాచారాలపై సుప్రీంకోర్టు సుమోటో.. అధికారులపై కీలక వ్యాఖ్యలు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags