#Joshimath - Crime Mirror

క్రైమ్ మిర్రర్ : ఉత్తరాఖండ్లోని పర్వత ప్రాంతంలో హెలికాప్టర్ ప్రమాదం కలకలం రేపింది. బద్రీనాథ్ నుంచి డెహ్రాడూన్కు బయలుదేరిన హెలికాప్టర్ మార్గమధ్యలో అదృశ్యమై, చివరకు కూలిపోయినట్లు అధికారులు గుర్తించారు. ఈ ఘటన చమోలీ జిల్లాలో చోటుచేసుకుంది. ప్రమాద సమయంలో హెలికాప్టర్లో పైలట్తో పాటు మొత్తం ఆరుగురు ప్రయాణిస్తున్నట్లు సమాచారం. వారంతా ప్రమాదంలో మరణించి ఉండవచ్చని అధికారులు ప్రాథమికంగా అనుమానిస్తున్నారు. అయితే మృతుల సంఖ్య, ప్రమాదానికి సంబంధించిన పూర్తి వివరాలపై అధికారిక స్పష్టత రావాల్సి ఉంది. మంచు తుపానుతో తెగిపోయిన సంబంధాలు వివరాల్లోకి వెళ్తే.. బద్రీనాథ్ నుంచి మధ్యాహ్నం 2.15 గంటల సమయంలో హెలికాప్టర్ డెహ్రాడూన్కు బయలుదేరింది. ప్రయాణం కొనసాగుతున్న సమయంలో హతీ పర్వత్ ప్రాంతం సమీపంలో హెలికాప్టర్తో సంబంధాలు తెగిపోయినట్లు అధికారులు వెల్లడించారు. ఆ ప్రాంతంలో మంచు కురుస్తుండటం, ప్రతికూల వాతావరణ పరిస్థితులు ఉండటంతోనే కమ్యూనికేషన్కు అంతరాయం ఏర్పడి ఉంటుందని ప్రాథమికంగా భావిస్తున్నారు. హెలికాప్టర్ ఆచూకీ కోసం అధికారులు గాలింపు చర్యలు చేపట్టారు. జోషిమఠ్కు సమీపంలోని చైయెన్ గ్రామ పరిసరాల్లో హెలికాప్టర్ కూలిపోయినట్లు గుర్తించినట్లు సమాచారం. ప్రమాద స్థలాన్ని గుర్తించిన వెంటనే సహాయక బృందాలు అక్కడికి చేరుకునేందుకు ప్రయత్నాలు ప్రారంభించాయి. రంగంలోకి దిగిన ఎన్డీఆర్ఎఫ్, ఎస్డీఆర్ఎఫ్ బృందాలు ప్రమాద సమాచారం అందిన వెంటనే జాతీయ, రాష్ట్ర విపత్తు నిర్వహణ సంస్థలకు చెందిన బృందాలు అప్రమత్తమయ్యాయి. ఎన్డీఆర్ఎఫ్, ఎస్డీఆర్ఎఫ్ సిబ్బందితో పాటు రాష్ట్ర అధికారులు, ఆర్మీ బృందాలు కూడా సహాయక చర్యల్లో పాల్గొంటున్నాయి. మరో రెండు హెలికాప్టర్ల సహాయంతో గాలింపు, రెస్క్యూ ఆపరేషన్ కొనసాగిస్తున్నట్లు సమాచారం. అయితే ప్రమాదం జరిగిన ప్రాంతం ఎత్తైన పర్వత ప్రాంతం కావడంతో సహాయక చర్యలకు అనేక అడ్డంకులు ఎదురవుతున్నాయి. ముఖ్యంగా మంచు కురుస్తుండటం, వాతావరణం అనుకూలంగా లేకపోవడంతో రెస్క్యూ బృందాలు తీవ్ర ఇబ్బందులు ఎదుర్కొంటున్నాయి. ఆరుగురి పరిస్థితిపై ఉత్కంఠ హెలికాప్టర్లో ప్రయాణిస్తున్న ఆరుగురి పరిస్థితిపై తీవ్ర ఆందోళన నెలకొంది. ప్రమాద తీవ్రతను దృష్టిలో ఉంచుకుని వారు ప్రాణాలతో బయటపడే అవకాశాలపై అధికారులు ఆరా తీస్తున్నారు. గాలింపు చర్యలు పూర్తయిన తర్వాతే ప్రమాదంలో ఎంతమంది మరణించారు, ఎవరైనా ప్రాణాలతో బయటపడ్డారా అనే విషయంపై స్పష్టత వచ్చే అవకాశం ఉంది. ప్రస్తుతం సహాయక బృందాలు ప్రతికూల వాతావరణాన్ని ఎదుర్కొంటూ రెస్క్యూ ఆపరేషన్ కొనసాగిస్తున్నాయి. ప్రమాదానికి గల కచ్చితమైన కారణాలు, హెలికాప్టర్లో ఉన్న ప్రయాణికుల పూర్తి వివరాలు తెలియాల్సి ఉంది. అధికారికంగా మరిన్ని వివరాలు వెల్లడికావాల్సి ఉంది.

Tag: #Joshimath

Most Read

భర్తను చంపేందుకు భార్య మాస్టర్ ప్లాన్.. ప్రియుడితో కలిసి దారుణం

మంచు తుపానులో అదృశ్యమైన హెలికాప్టర్.. రంగంలోకి రెస్క్యూ బృందాలు

మద్యం మత్తులో కారు నడిపిన మహిళా కానిస్టేబుల్.. వీడియో వైరల్‌ కావడంతో సస్పెన్షన్!

‘సత్యం’ వధ.. ధర్మం చెద…!

EDITOR PICKS

మంచు తుపానులో అదృశ్యమైన హెలికాప్టర్.. రంగంలోకి రెస్క్యూ బృందాలు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags