#jagadishreddy - Crime Mirror

క్రైమ్ మిర్రర్ : పిఠాపురంలో ఏఈ నూకరాజు కుటుంబం ఆత్మహత్య ఘటనలో మరో కీలక పరిణామం చోటుచేసుకుంది. నూకరాజు సూసైడ్ నోట్లో ప్రస్తావించిన సాధిక్ ఖాన్పై తాజాగా పోలీసులు హత్య కేసు నమోదు చేశారు. నూకరాజు అల్లుడు జగదీశ్ రెడ్డి మృతిపై కుటుంబ సభ్యులు అనుమానాలు వ్యక్తం చేయడంతో కేసు కొత్త మలుపు తిరిగింది. పిఠాపురంలో ఏఈ నూకరాజు కుటుంబం ఆత్మహత్య ఘటన అప్పట్లో రాష్ట్రవ్యాప్తంగా తీవ్ర చర్చకు దారితీసింది. తమ కుటుంబం ఎదుర్కొన్న పరిస్థితులకు సాధిక్ అనే వ్యక్తే కారణమని నూకరాజు సూసైడ్ నోట్లో పేర్కొన్నట్లు అప్పట్లో పోలీసులు వెల్లడించారు. దీంతో సాధిక్ పేరు ఈ కేసులో కీలకంగా మారింది. అల్లుడు జగదీశ్ రెడ్డి మృతిపై అనుమానాలు ఇదిలా ఉండగా.. తన అల్లుడు జగదీశ్ రెడ్డి కూడా అనుమానాస్పద పరిస్థితుల్లో మృతి చెందిన విషయాన్ని నూకరాజు తన సూసైడ్ నోట్లో ప్రస్తావించినట్లు తెలుస్తోంది. ఈ అంశం తాజాగా మరోసారి తెరపైకి వచ్చింది. జగదీశ్ రెడ్డి తండ్రి భాస్కర్ రెడ్డి ఈ వ్యవహారంపై సర్పవరం పోలీసులను ఆశ్రయించారు. తన కుమారుడి మృతికి సాధిక్ ఖాన్ కారణమని, అతడే జగదీశ్ రెడ్డిని హత్య చేశాడని ఆరోపిస్తూ పోలీసులకు ఫిర్యాదు చేశారు. కేసు నమోదు చేసి దర్యాప్తు భాస్కర్ రెడ్డి ఫిర్యాదు ఆధారంగా సర్పవరం పోలీసులు సాధిక్ ఖాన్పై హత్య కేసు నమోదు చేసి దర్యాప్తు ప్రారంభించారు. జగదీశ్ రెడ్డి మృతికి దారితీసిన పరిస్థితులు, అప్పటి ఘటనకు సంబంధించిన ఆధారాలు, నిందితుడిగా ఆరోపణలు ఎదుర్కొంటున్న సాధిక్ పాత్రపై పోలీసులు విచారణ చేపట్టారు. జగదీశ్ రెడ్డి మరణం నిజంగా హత్యేనా? ఆయన మృతికి గల అసలు కారణం ఏమిటి? ఈ ఘటనకు సాధిక్కు ఏమైనా సంబంధం ఉందా? అనే అంశాలను పోలీసులు అన్ని కోణాల్లో పరిశీలిస్తున్నారు. దర్యాప్తు పూర్తయిన తర్వాతే ఈ వ్యవహారంలో వాస్తవాలు వెలుగులోకి వచ్చే అవకాశం ఉంది. also read : ‘దిమాగీ నక్సల్స్’ అంటే ఎవరు? మోదీ వ్యాఖ్యలపై రిజిజు వివరణ.. మూడు వర్గాలు ఇవే!

Tag: #jagadishreddy

Most Read

Guntur Murder: 20 ఏళ్ల పాత కక్ష.. పట్టపగలే వ్యక్తి దారుణ హత్య

అంబర్‌పేట్‌లో ఏఆర్ కానిస్టేబుల్ ఆత్మహత్య.. వాట్సాప్‌లో స్నేహితులకు చివరి సమాచారం

సాయిరాం నగర్‌లో అర్ధరాత్రి అగ్నిప్రమాదం.. ఐదు బైక్‌లు దగ్ధం

చంచల్‌గూడ జైలులో విషాదం.. రిమాండ్ ఖైదీ మృతి

EDITOR PICKS

సూసైడ్ కేసులో కొత్త ట్విస్ట్.. సాధిక్‌పై హత్య కేసు నమోదు

కంటతడి పెట్టిన మాజీమంత్రి గుంటకండ్ల జగదీశ్ రెడ్డి

ఓ తెలంగాణ మంత్రికి 2 ఫుల్ బాటిళ్లు తాగనిదే నిద్రపట్టదు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags