Instagram account - Crime Mirror

క్రైమ్ మిర్రర్, వైరల్ న్యూస్:- ప్రపంచవ్యాప్తంగా కోట్లాది మంది ఉపయోగిస్తున్న ఇన్స్టాగ్రామ్ తాజాగా “ఇన్స్టంట్స్” అనే కొత్త ఫీచర్ను అందుబాటులోకి తీసుకొచ్చింది. అయితే ఈ ఫీచర్ ఇప్పుడు యూజర్లలో కొత్త టెన్షన్కు కారణమవుతోంది. పొరపాటున ఒక బటన్ను టచ్ చేస్తే ఫోటోలు వెంటనే ఇతరులకు వెళ్లిపోతుండటంతో చాలామంది ఆందోళన వ్యక్తం చేస్తున్నారు. సోషల్ మీడియాలో ఈ ఫీచర్పై భారీ చర్చ జరుగుతోంది. “ఇన్స్టంట్స్” ఫీచర్ ద్వారా యూజర్లు రియల్ టైమ్లో తీసిన ఫోటోలను తమ క్లోజ్ ఫ్రెండ్స్ లేదా మ్యూచువల్ ఫాలోవర్లకు వెంటనే షేర్ చేయవచ్చు. ఈ ఫోటోలు ఒకసారి చూసిన తర్వాత మాయమవుతాయి. 24 గంటల తర్వాత పూర్తిగా కనిపించవు. అయితే ఇందులో ప్రధాన సమస్య ఏమిటంటే.. ఫోటోను ముందుగా ప్రివ్యూ చూసే అవకాశం లేకపోవడం. కెమెరా బటన్ నొక్కిన వెంటనే ఫోటో నేరుగా షేర్ అయ్యే అవకాశం ఉండటంతో పొరపాటున వ్యక్తిగత ఫోటోలు కూడా ఇతరులకు వెళ్లిపోవచ్చని టెక్ నిపుణులు హెచ్చరిస్తున్నారు. ఇంకా ఈ ఫీచర్లో ఫోటోలను ఎడిట్ చేసే అవకాశం కూడా ఉండదు. కేవలం క్యాప్షన్ మాత్రమే జోడించవచ్చు. దీంతో ఆలోచించకుండా పంపిన ఫోటోలు తర్వాత ఇబ్బందులకు దారితీయొచ్చని నిపుణులు చెబుతున్నారు. ముఖ్యంగా యువత, టీనేజర్లు ఈ ఫీచర్ను ఉపయోగించే సమయంలో మరింత జాగ్రత్తగా ఉండాలని సూచిస్తున్నారు.అయితే పొరపాటున షేర్ చేసిన ఫోటోను కొద్ది సెకన్లలో “అన్డూ” చేసే అవకాశం మాత్రం ఉందని సంస్థ తెలిపింది. అలాగే ఈ ఫీచర్ను పూర్తిగా ఆఫ్ చేసుకునే అవకాశం కూడా ఉంది. ఇందుకోసం ఇన్స్టాగ్రామ్ సెట్టింగ్స్లోకి వెళ్లి “కంటెంట్ ప్రిఫరెన్సెస్” ఎంపికలో “హైడ్ ఇన్స్టంట్స్ ఇన్బాక్స్” ఆప్షన్ను ఆఫ్ చేయాలి. అలాగే DM ఇన్బాక్స్లో కనిపించే ఇన్స్టంట్స్పై లాంగ్ ప్రెస్ చేసి “స్నూజ్” చేయవచ్చు. ఇప్పటికే చాలామంది యూజర్లు ఈ ఫీచర్పై అసంతృప్తి వ్యక్తం చేస్తున్నారు. “ప్రైవసీకి ముప్పు”, “అత్యంత కన్ఫ్యూజింగ్ ఫీచర్” అంటూ సోషల్ మీడియాలో కామెంట్లు చేస్తున్నారు. ఫోటో తీసిన వెంటనే ఇతరులకు వెళ్లిపోవడం వల్ల భవిష్యత్తులో మరిన్ని సమస్యలు వచ్చే అవకాశం ఉందని టెక్ నిపుణులు హెచ్చరిస్తున్నారు.అందుకే ఈ కొత్త ఫీచర్ను ఉపయోగించే ముందు పూర్తిగా అర్థం చేసుకుని జాగ్రత్తగా వాడాలని నిపుణులు సూచిస్తున్నారు.

Tag: Instagram account

Most Read

అడవిలోకి లాక్కెళ్లి దారుణం.. జంటపై దాడి, మహిళపై లైంగిక దాడికి యత్నం

అమర్‌నాథ్ యాత్ర పునఃప్రారంభం.. బల్తాల్ మార్గంలో భక్తులకు అనుమతి

అద్దె ఇల్లు ఖాళీ చేయించేందుకు వెళ్లిన యజమానిపై కాల్పులు.. న్యాయవాది అరెస్ట్

అమ్మకానికి ఆడ శిశువు.. రూ.5 లక్షలకు బేరం!

EDITOR PICKS

ఇన్‌స్టాగ్రామ్ యూసర్లు ఆ కొత్త బటన్‌ను పొరపాటున టచ్ చేశారో ప్రమాదంలో పడ్డట్లే..!

ఊపిరి పీల్చుకున్న కోహ్లీ ఫ్యాన్స్.. “అన్న వచ్చేసాడోయ్ “

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags