IndiaSky - Crime Mirror

Astrology News: మార్చి 3న భారతదేశంలో అరుదైన ఖగోళ సంఘటన చోటుచేసుకోనుంది. ఈ సంవత్సరం తొలి చంద్రగ్రహణం హోలీ పర్వదినాననే సంభవించనున్న నేపథ్యంలో భక్తుల్లో, జ్యోతిష్యవేత్తల్లో ఆసక్తి నెలకొంది. భారత కాలమానం ప్రకారం మధ్యాహ్నం 3 గంటల 19 నిమిషాలకు గ్రహణం ప్రారంభమై సాయంత్రం 6 గంటల 46 నిమిషాలకు ముగియనుంది. మొత్తం 3 గంటల 19 నిమిషాలపాటు కొనసాగే ఈ గ్రహణం ఈ సంవత్సరంలోనే అత్యంత దీర్ఘకాలం కొనసాగేదిగా భావిస్తున్నారు. బింబ దర్శనకాలం సుమారు 59 నిమిషాలు ఉండనుందని పశ్చిమగోదావరి జిల్లా భీమవరం పంచారామక్షేత్రం శ్రీ ఉమాసోమేశ్వర జనార్ధనస్వామి ఆలయ ప్రధాన అర్చకులు చెరుకూరి రామకృష్ణ శర్మ వెల్లడించారు. హిందూ సంప్రదాయాల ప్రకారం.. చంద్రగ్రహణానికి ప్రత్యేక ప్రాముఖ్యత ఉంది. ముఖ్యంగా పర్వదినం రోజున గ్రహణం సంభవిస్తుండటంతో ఆచారాలు మరింత కట్టుదిట్టంగా పాటించాలని పండితులు సూచిస్తున్నారు. మార్చి 3న హోలీ వేడుకలు నిర్వహించేవారు ఉదయం 11 గంటలలోపే కార్యక్రమాలు ముగించుకోవాలని చెరుకూరి రామకృష్ణ శర్మ సూచించారు. గ్రహణ ప్రభావం ప్రారంభమయ్యే ముందు నుంచే జాగ్రత్తలు తీసుకోవడం మంచిదని తెలిపారు. ఉదయం 9 గంటలకే ఆలయాలను మూసివేయాలని, సూతక కాలం ప్రారంభమైన తర్వాత దేవాలయాల్లో నిత్యకర్మలు నిలిపివేయాలని ఆచార పరంగా సూచిస్తున్నారు. సూతక కాలంలో పూజలు, ఆరాధనలు, విగ్రహాలను తాకడం, కొత్త కార్యక్రమాలు ప్రారంభించడం, శుభకార్యాలు నిర్వహించడం శ్రేయస్కరం కాదని విశ్వాసం ఉంది. అదేవిధంగా భోజనం చేయడం నివారించాలి, ప్రయాణాలు వాయిదా వేసుకోవాలి, దేవాలయాలకు వెళ్లకూడదని పెద్దలు చెబుతుంటారు. గర్భిణీలు, చిన్నపిల్లలు, అనారోగ్యంతో బాధపడుతున్న వారు ప్రత్యేక జాగ్రత్తలు తీసుకోవాలని సూచిస్తున్నారు. గ్రహణ సమయంలో బయటకు వెళ్లకుండా ఇంట్లోనే ఉండటం, మంత్రజపం చేయడం, ధ్యానం చేయడం శ్రేయస్కరమని పండితులు వివరిస్తున్నారు. గ్రహణం ముగిసిన అనంతరం స్నానం చేసి దేవుడికి ప్రార్థనలు చేయడం సంప్రదాయం. ఈ చంద్రగ్రహణం దేశంలోని కొన్ని ప్రాంతాల్లో స్పష్టంగా కనిపించే అవకాశం ఉంది. ముఖ్యంగా బెంగాల్ ప్రాంతాలు, ఈశాన్య రాష్ట్రాలు, పశ్చిమ బెంగాల్ ప్రాంతాల్లో స్పష్టమైన దర్శనం లభించే అవకాశముందని ఖగోళ పరిశీలకులు చెబుతున్నారు. ఢిల్లీ, ఉత్తరప్రదేశ్, మహారాష్ట్ర, రాజస్థాన్ వంటి రాష్ట్రాల్లో కొంతవరకు దర్శనం ఉండవచ్చని అంచనా. భారతదేశం బయట పాకిస్తాన్, అఫ్గానిస్తాన్, ఇరాక్, ఇరాన్ దేశాల్లో కూడా ఈ గ్రహణం వీక్షించవచ్చు. ఆకాశం మేఘరహితంగా ఉంటే గ్రహణం స్పష్టంగా కనిపించే అవకాశం ఉందని ఖగోళ శాస్త్రవేత్తలు సూచిస్తున్నారు. మొత్తంగా హోలీ పర్వదినాన సంభవించే ఈ దీర్ఘకాల చంద్రగ్రహణం భక్తి, భయం, ఆసక్తి మేళవింపుగా మారనుంది. ఒకవైపు పండుగ సంబరాలు, మరోవైపు గ్రహణ ఆచారాలు కలిసి ప్రత్యేక వాతావరణాన్ని సృష్టించనున్నాయి. సంప్రదాయాలను గౌరవిస్తూ, శాస్త్రవేత్తల సూచనలు పాటిస్తూ జాగ్రత్తగా ఈ ఖగోళ దృశ్యాన్ని వీక్షించాలని నిపుణులు సూచిస్తున్నారు. ALSO READ: AI సమ్మిట్లో నిరసన.. సుంకాల తగ్గింపుపై వివాదం, రాహుల్ గాంధీ ఇంటి వద్ద ఉద్రిక్తత

Tag: IndiaSky

Most Read

జనసేనకు ఆ నాలుగు…!

మున్సిపల్ ఎన్నికలు షురూ…!

కేటీఆర్ కు అస్వస్థత…!

ఒగ్గు బీర్ల కళాకారుల కమిటీ ఏర్పాటు..!

EDITOR PICKS

Astrology News: సుదీర్ఘ చంద్రగ్రహణం.. హోలీ జరుపుకోవచ్చా.. లేదా?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags