India-US Trade Deal - Crime Mirror

భారత్-అమెరికా మధ్య ద్వైపాక్షిక వాణిజ్య ఒప్పందం గురించి పీయూష్ గోయల్ కీలక ప్రకటన చేశారు. ఒప్పందానికి సంబంధించిన చర్చలు దాదాపు పూర్తయ్యాయని, ప్రస్తుతం కేవలం కొన్ని చిన్న అంశాలపై మాత్రమే ఇరు దేశాలు చర్చిస్తున్నాయని ఆయన తెలిపారు. 99 శాతం ఒప్పందం పూర్తి జూన్ 2 నుంచి 4 వరకు భారత్, అమెరికా అధికార బృందాలు మిగిలిన అంశాలను ఖరారు చేయడానికి సమావేశాలు నిర్వహించనున్నాయని గోయల్ చెప్పారు. చర్చలు సానుకూల దిశగా సాగుతున్నాయని, ఇప్పటికే 99 శాతం వరకు ఒప్పందంపై ఏకాభిప్రాయం కుదిరిందన్నారు. మిగిలిన అంశాలపై కూడా త్వరలో స్పష్టత వస్తుందని, అనంతరం తొలి దశ ఒప్పందంపై అధికారికంగా సంతకాలు జరిగే అవకాశం ఉందని వెల్లడించారు. తొలిదశ తర్వాత రెండో దశ చర్చలు ఈ ఒప్పందం మొదటి దశ పూర్తయిన తర్వాత రెండో దశకు సంబంధించిన చర్చలు కూడా కొనసాగుతాయని కేంద్ర మంత్రి తెలిపారు. భారత్, అమెరికా మధ్య వాణిజ్య సంబంధాలను మరింత బలోపేతం చేయడమే ఈ ఒప్పందం ప్రధాన లక్ష్యమని ఆయన వివరించారు. ఇటీవల ఈ చర్చల కోసం అమెరికా ప్రతినిధుల బృందం భారత్కు చేరుకుంది. ఈ నేపథ్యంలోనే పీయూష్ గోయల్ తాజా వ్యాఖ్యలు ప్రాధాన్యత సంతరించుకున్నాయి. వాణిజ్య రంగంలో ఎదురవుతున్న కొన్ని అడ్డంకులను తొలగించడం, పరస్పర పెట్టుబడులను పెంచడం, సరఫరా వ్యవస్థను మరింత బలోపేతం చేయడం వంటి అంశాలపై ఇరు దేశాలు చర్చలు జరుపుతున్నాయి. అలాగే, అమెరికా ట్రేడ్ యాక్ట్ ప్రకారం విధిస్తున్న కొన్ని సుంకాల నుంచి మినహాయింపులు లేదా రక్షణ కల్పించాలని భారత్ కోరుతోంది. దీనిపై కూడా ఇరు దేశాల మధ్య చర్చలు కొనసాగుతున్నాయి. గతంలో కూడా పీయూష్ గోయల్ ఈ చర్చలపై స్పందిస్తూ, రెండు దేశాల మధ్య సానుకూల వాతావరణం నెలకొన్నట్లు తెలిపారు. భారత్-అమెరికా వాణిజ్య ఒప్పందం తొలి దశ త్వరలోనే రూపుదిద్దుకునే అవకాశం ఉండటంతో వ్యాపార, పారిశ్రామిక వర్గాలు ఆసక్తిగా ఎదురుచూస్తున్నాయి. ఈ ఒప్పందం అమల్లోకి వస్తే రెండు దేశాల మధ్య వాణిజ్య, పెట్టుబడి అవకాశాలు మరింత విస్తరించే అవకాశం ఉంది.

Tag: India-US Trade Deal

Most Read

కవితపై బిఆర్ఎస్ సైలెన్స్!

అగ్రిగోల్డ్ బాధితులకు శుభవార్త!

రాజకీయాలకు చిరు శాశ్వత దూరం!

గాల్లో విమానం.. ఎమర్జెన్సీ డోర్ తెరిచేందుకు ప్రయాణికుడి యత్నం, అరెస్ట్

EDITOR PICKS

India-US Trade Deal: భారత్-అమెరికా వాణిజ్య ఒప్పందం 99% పూర్తి.. పీయూష్ గోయల్ కీలక ప్రకటన

India-US Trade Deal: అమెరికాతో వాణిజ్య ఒప్పందం.. కీలక మార్పులకు భారత్ నిర్ణయం!

India–US Trade Deal: ముందు ప్రధాని మోడీతో ఫోన్ లో ట్రంప్ చర్చలు, ఆ తర్వాతే డీల్ ఖరారు!

POPULAR POSTS

మునుగోడు ఆశ..రాజన్న శ్వాస..

జగన్ పాదయాత్రపై ఏపీలో జోరుగా చ‌ర్చా….!

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

POPULAR CATEGORY

ABOUT US

Trending Tags