HyderabadAirport #RGIA #RajivGandhiInternationalAirport #ShamshabadAirport #Hyderabad #FamilyFriendlyAirport #WorldRanking #TravelNews

హైదరాబాద్, క్రైమ్మిర్రర్: హైదరాబాద్లోని రాజీవ్ గాంధీ ఇంటర్నేషనల్ ఎయిర్పోర్టు (శంషాబాద్ విమానాశ్రయం) మరో అంతర్జాతీయ గుర్తింపును సొంతం చేసుకుంది. ఫ్యామిలీలతో ప్రయాణించే వారికి అత్యంత అనుకూలమైన విమానాశ్రయాల జాబితాలో ప్రపంచవ్యాప్తంగా నాలుగో స్థానాన్ని దక్కించుకుంది. బ్రిటన్కు చెందిన ప్రముఖ ట్రావెల్ సంస్థ AttractionTickets.com నిర్వహించిన 'హ్యాపియెస్ట్ ఎయిర్పోర్ట్స్ ర్యాంకింగ్స్'లో శంషాబాద్ ఎయిర్పోర్టు ఈ ఘనతను సాధించింది. ఈ జాబితాలో చోటు దక్కించుకున్న భారతదేశంలోని 2 విమానాశ్రయాల్లో శంషాబాద్ ఎయిర్పోర్ట్ ఒకటిగా నిలవడం విశేషం.ఈ ఏడాది మే నెలలో నిర్వహించిన సర్వేలో ప్రపంచవ్యాప్తంగా 140కుపైగా విమానాశ్రయాలను ట్రావెల్ సంస్థ పరిశీలించింది. ప్రధానంగా కుటుంబ సభ్యులతో ప్రయాణించే వారికి అందుబాటులో ఉన్న సౌకర్యాలను పరిగణనలోకి తీసుకుని ర్యాంకులను ప్రకటించారు. Also Read:Child Assault Case: షాకింగ్.. మూడేళ్ల చిన్నారిపై అత్యాచారం.. నిందితుడికి జరిమానా.. ఆ డబ్బుతో పంచాయితీ పెద్దల దావత్! పిల్లల కోసం ప్రత్యేక ఆట స్థలాలు, బేబీ చేంజింగ్ సదుపాయాలు, ఫ్యామిలీ సెక్యూరిటీ లేన్లు, స్ట్రోలర్ సేవలు, విశ్రాంతి ప్రాంతాలు, ఉచిత వై ఫై, ప్రయాణికుల భద్రత, విమానాశ్రయ విస్తీర్ణం, గూగుల్ సమీక్షలు, ప్రత్యేక అవసరాలున్న ప్రయాణికులకు అందిస్తున్న సేవలు వంటి మొత్తం 9 ప్రమాణాల ఆధారంగా ప్రతీ ఎయిర్పోర్టును అంచనా వేశారు.ఈ పరిశీలనలో హైదరాబాద్ ఇంటర్నేషనల్ ఎయిర్పోర్టు 20 పాయింట్లకు గాను 18.5 పాయింట్లు సాధించి ప్రపంచంలోనే నాలుగో అత్యుత్తమ ఫ్యామిలీ ఫ్రెండ్లీ ఎయిర్పోర్ట్గా గుర్తింపు పొందింది. ప్రయాణికుల సౌకర్యాలు, ఆధునిక మౌలిక వసతులు, అందరికీ అందుబాటులో ఉండే సేవలు ఈ విజయానికి ప్రధాన కారణాలుగా నిలిచాయి.ఈ సందర్భంగా శంషాబాద్ ఎయిర్పోర్టు సాధించిన ఘనతపై జీఎంఆర్ హైదరాబాద్ ఇంటర్నేషనల్ ఎయిర్పోర్ట్ లిమిటెడ్ సీఈవో కదీర్ కదిరవన్ స్పందించారు. ప్రయాణికులకు మరింత సౌకర్యవంతమైన, సమగ్ర సేవలు అందించాలనే తమ లక్ష్యానికి ఈ గుర్తింపు నిదర్శనమని పేర్కొన్నారు. ప్రయాణ అనుభవాన్ని నిత్యం మెరుగుపరుస్తూ ప్రపంచ స్థాయి ప్రమాణాలను కొనసాగించేందుకు కట్టుబడి ఉన్నామని ఆయన వెల్లడించారు. Also Read:2027 మార్చి నాటికి పోలవరం పూర్తి.. జాతికి అంకితం చేస్తామన్న సీఎం చంద్రబాబు!

Tag: HyderabadAirport #RGIA #RajivGandhiInternationalAirport #ShamshabadAirport #Hyderabad #FamilyFriendlyAirport #WorldRanking #TravelNews

Most Read

శృతి హాసన్ కొత్త ఇంటి గృహప్రవేశం.. కమల్ హాసన్ ఫ్యామిలీ కనిపించకపోవడంపై ఆసక్తి!

క్షుద్రపూజల పేరుతో చిత్రహింసలు.. అక్కడికక్కడే బాలుడు మృతి

Ketan Agarwal Death Case: ప్రధాని మోదీకి తల్లి లేఖ.. కుమారుడికి న్యాయం చేయాలని వేడుకోలు

పల్నాడులో తీవ్ర విషాదం.. ఇద్దరు చిన్నారులను చంపి తల్లి ఆత్మహత్య

EDITOR PICKS

శంషాబాద్ కు మరో గుర్తింపు…! హ్యాపీయెస్ట్ ఎయిర్‌పోర్ట్స్‌లో 4వ స్థానం…

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel