Home Care Tips - Crime Mirror

Cleaning: రోజూ వంట చేసే ప్రతి ఇంట్లో గ్యాస్ స్టవ్ అనేది తప్పనిసరి వస్తువుగా మారింది. అయితే తరచూ వాడకం వల్ల నూనె, సుగంధ ద్రవ్యాలు, వంట పదార్థాలు స్టవ్పై పడుతుంటాయి. ఈ కారణంగా జిడ్డు, గ్రీజు పొర క్రమంగా పేరుకుపోయి స్టవ్ జిగటగా మారుతుంది. మొదట్లో ఇది చిన్న సమస్యలా కనిపించినా.. నిర్లక్ష్యం చేస్తే అదే పెద్ద ఇబ్బందిగా మారుతుంది. వెంటనే శుభ్రం చేయకపోతే జిడ్డు మందపాటి పొరగా మారి తుప్పు పట్టే పరిస్థితి వస్తుంది. అప్పుడు స్టవ్ శుభ్రం చేయడం చాలా కష్టంగా మారుతుంది. ఇలాంటి సమస్యలకు ఖరీదైన కెమికల్స్ అవసరం లేదని గృహ నిపుణులు చెబుతున్నారు. ఇంట్లోనే సులభంగా దొరికే వస్తువులతో గ్యాస్ స్టవ్ను మెరిసేలా మార్చుకోవచ్చని సూచిస్తున్నారు. ముఖ్యంగా నిమ్మకాయ, ఉప్పు మిశ్రమం జిడ్డు తొలగించడంలో చాలా ప్రభావవంతంగా పనిచేస్తుంది. నిమ్మరసంలో ఉన్న ఆమ్ల గుణాలు జిడ్డును కరిగిస్తే, ఉప్పు రాపిడి పదార్థంగా పనిచేసి మురికిని తొలగిస్తుంది. ఈ పేస్ట్ను జిడ్డు ఉన్న భాగాలపై రాసి కొద్దిసేపు ఉంచి మృదువుగా రుద్దితే స్టవ్ మళ్లీ కొత్తదానిలా మెరుస్తుంది. అలాగే బేకింగ్ సోడా, వెనిగర్ కలయిక కూడా శుభ్రతకు మంచి పరిష్కారం. బేకింగ్ సోడాను జిడ్డుపై చల్లి, వెనిగర్ స్ప్రే చేస్తే రెండు కలిసినప్పుడు వచ్చే రియాక్షన్ వల్ల మురికి సులభంగా విడిపోతుంది. కొన్ని నిమిషాల తర్వాత గుడ్డతో తుడవడం ద్వారా స్టవ్పై ఉన్న గ్రీజ్ పూర్తిగా తొలగిపోతుంది. బర్నర్ల విషయంలో గోరువెచ్చని నీటిలో డిష్ వాషింగ్ సోప్ కలిపి కొద్దిసేపు నానబెట్టడం చాలా ఉపయోగకరం. ఇలా చేస్తే గట్టిగా అంటుకున్న జిడ్డు కూడా సులభంగా బయటకు వస్తుంది. ఇంకా ఉప్పుతో పాటు రబ్బింగ్ ఆల్కహాల్ లేదా కొద్దిగా పెట్రోలియం జెల్లీ వాడటం ద్వారా కూడా స్టవ్ను శుభ్రంగా ఉంచుకోవచ్చు. ఉప్పు రాపిడి లక్షణం జిడ్డును తొలగిస్తే, ఆల్కహాల్ లేదా జెల్లీ మురికిని సడలించి తుడవడానికి సహాయపడుతుంది. ఈ సులభమైన ఇంటి చిట్కాలను పాటిస్తే రోజూ గంటల తరబడి శ్రమ పడాల్సిన అవసరం ఉండదు. కొద్దిసేపులోనే గ్యాస్ స్టవ్ శుభ్రంగా, మెరిసేలా ఉంటుంది. ALSO READ: Kriti shetti: అప్పుడు చైల్డ్ ఆర్టిస్ట్గా.. ఇప్పుడు అదే హీరోతో హీరోయిన్గా..

Tag: Home Care Tips

Most Read

అడవిలోకి లాక్కెళ్లి దారుణం.. జంటపై దాడి, మహిళపై లైంగిక దాడికి యత్నం

అమర్‌నాథ్ యాత్ర పునఃప్రారంభం.. బల్తాల్ మార్గంలో భక్తులకు అనుమతి

అద్దె ఇల్లు ఖాళీ చేయించేందుకు వెళ్లిన యజమానిపై కాల్పులు.. న్యాయవాది అరెస్ట్

అమ్మకానికి ఆడ శిశువు.. రూ.5 లక్షలకు బేరం!

EDITOR PICKS

Cleaning: మీ గ్యాస్ స్టవ్ జిడ్డు తొలగించడానికి ఇంటి చిట్కాలు

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags