Health Tipsa - Crime Mirror

Crime Mirror,Health Updates: బాలీవుడ్ నటి నేహా ధూపియా చెరుకు రసం తాగిన తర్వాత తన బీపీ పెరిగిందని చెప్పిన వీడియో సోషల్ మీడియాలో వైరల్గా మారింది. దీంతో చాలామందిలో చెరుకు రసం లో బీపీని తగ్గిస్తుందా అనే సందేహం మొదలైంది. ఈ అంశంపై ఆరోగ్య నిపుణులు స్పష్టత ఇచ్చారు. ఎలా ఉపయోగపడుతుంది? నిపుణుల ప్రకారం చెరుకు రసంలో ఉండే సహజ చక్కెరలు శరీరానికి తక్షణ శక్తిని అందిస్తాయి. అలాగే ఇది శరీరాన్ని హైడ్రేట్గా ఉంచి, డీహైడ్రేషన్ వల్ల వచ్చే తాత్కాలిక లో బీపీ లక్షణాలను తగ్గించడంలో కొంత సహాయపడుతుంది. ఎండలో ఎక్కువసేపు ఉండటం లేదా ఎక్కువసేపు ఆహారం తీసుకోకపోవడం వల్ల బీపీ తగ్గినప్పుడు చెరుకు రసం ఉపశమనం కలిగించవచ్చు. బీపీ పెరుగుతుందా? చెరుకు రసం నేరుగా రక్తపోటును పెంచే ఔషధం కాదని నిపుణులు స్పష్టం చేస్తున్నారు. ఇది శరీరంలో శక్తి, ద్రవాల స్థాయిని మెరుగుపరచడం ద్వారా మాత్రమే తాత్కాలికంగా మెరుగైన అనుభూతిని కలిగిస్తుంది. తరచూ బీపీ పడిపోతుంటే అసలు కారణాన్ని గుర్తించేందుకు వైద్యులను సంప్రదించడం అవసరం. జాగ్రత్తలు తప్పనిసరి లో బీపీ తరచూ రావడం, స్పృహ కోల్పోవడం, ఛాతి నొప్పి, తీవ్రమైన బలహీనత వంటి లక్షణాలు ఉంటే చెరుకు రసంపైనే ఆధారపడకూడదు. ముఖ్యంగా మధుమేహం ఉన్నవారు చెరుకు రసంలో చక్కెర ఎక్కువగా ఉండటంతో వైద్యుల సలహాతోనే తీసుకోవాలి. సడెన్గా బీపీ పడిపోతే బీపీ ఒక్కసారిగా తగ్గితే ముందుగా ప్రశాంతంగా కూర్చోవడం లేదా పడుకోవాలి. డీహైడ్రేషన్ అనిపిస్తే నీరు లేదా ఓఆర్ఎస్ వంటి ద్రవాలు తీసుకోవాలి. చాలాసేపు ఏమీ తినకపోతే తేలికపాటి పోషకాహారం తీసుకోవడం మంచిది. అయితే తరచూ ఈ సమస్య వస్తుంటే తప్పనిసరిగా వైద్య పరీక్షలు చేయించుకుని సరైన చికిత్స తీసుకోవాలని నిపుణులు సూచిస్తున్నారు.

Tag: Health Tipsa

Most Read

బీజేపీలో వర్గపోరుపై అధిష్ఠానం ఫోకస్…!

ఐసీసీ టీ20 ర్యాంకింగ్స్: అగ్రస్థానానికి దూసుకెళ్లిన ఇషాన్ కిషన్

ప్రియుడితో కలిసి భర్తను హతమార్చిన భార్య…! గుండెపోటుతో మ‌ర‌ణించిన‌ట్లు నాట‌కం…

ఏఐపై నమ్మకం పెట్టుకున్న ఫోర్డ్‌కు భారీ దెబ్బ… అసలు నిజం ఇదే!

EDITOR PICKS

లో “బీపీ” కి చెరుకు రసం నిజంగా ఉపయోగపడుతుందా…?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel