#Hanumakonda - Crime Mirror

ఉన్నత విద్యను అభ్యసిస్తూ మంచి ఉద్యోగాలు సాధించి జీవితంలో స్థిరపడాల్సిన వయసులో కొందరు యువకులు త్వరగా డబ్బు సంపాదించాలనే ఆశతో నేరాలకు పాల్పడిన ఘటన వరంగల్ పోలీస్ కమిషనరేట్ పరిధిలో సంచలనం రేపింది. రైతులు ఆరుగాలం కష్టపడి పండించిన పంటను మార్కెట్కు తీసుకెళ్లి విక్రయించేందుకు శ్రమిస్తుంటే, అదే ధాన్యాన్ని లక్ష్యంగా చేసుకుని ఒక యువకుల ముఠా వరుస చోరీలకు పాల్పడింది. ఖరీదైన సెల్ఫ్ డ్రైవింగ్ కార్లను అద్దెకు తీసుకుని రాత్రివేళల్లో సంచరిస్తూ రైతులు ఆరబోసిన లేదా బస్తాల్లో నిల్వ చేసిన ధాన్యాన్ని ఎత్తుకెళ్లి విక్రయిస్తూ భారీగా సొమ్ము చేసుకున్నట్లు పోలీసుల దర్యాప్తులో వెలుగులోకి వచ్చింది. పోలీసులు వెల్లడించిన వివరాల ప్రకారం.. కేవలం 10 రోజుల వ్యవధిలోనే 15 మంది రైతులకు చెందిన మొత్తం 242 ధాన్యం బస్తాలను ఈ ముఠా దొంగిలించింది. పొలాల్లో, కల్లాల్లో, రహదారుల పక్కన ఆరబోసిన ధాన్యం లేదా బస్తాల్లో నింపి ఉంచిన ధాన్యాన్నే వీరు ప్రధాన లక్ష్యంగా ఎంచుకున్నారు. ముందుగా రైతులు లేని ప్రాంతాలను గుర్తించి, రాత్రి వేళల్లో అక్కడికి చేరుకుని ధాన్యం బస్తాలను కార్లలో లోడ్ చేసి తరలించేవారు. అనంతరం వాటిని మరో ప్రాంతంలో దాచిపెట్టి, తర్వాత దూర ప్రాంతాల్లో ఉన్న రైస్ మిల్లులకు విక్రయించి నగదు సంపాదించేవారని పోలీసులు గుర్తించారు. శాయంపేట పోలీస్ స్టేషన్లో 2 రోజుల క్రితం నమోదైన ఒక కేసు ఆధారంగా పోలీసులు దర్యాప్తు ప్రారంభించగా ఈ భారీ చోరీల వెనుక ఉన్న ముఠా గుట్టు రట్టయింది. విచారణలో ప్రధాన నిందితులుగా హనుమకొండ జిల్లాకు చెందిన ప్రతీక్, అస్లాం, రాహుల్ అనే ముగ్గురు బీటెక్ విద్యార్థులు ఉన్నట్లు తేలింది. వీరితో పాటు మరో నలుగురు సహకరించినట్లు గుర్తించారు. వారిలో ముగ్గురు నేపాల్కు చెందిన మైనర్లు కాగా, ఒక యువతి కూడా ఉన్నట్లు పోలీసులు వెల్లడించారు. అరెస్టు చేసిన వారిలో ఎక్కువ మంది 21 ఏళ్లలోపు యువకులే కావడం ఈ కేసులో మరో కీలక అంశంగా మారింది. దొంగిలించిన ధాన్యాన్ని విక్రయించి వచ్చిన నగదును రాహుల్ ఇంట్లో నిల్వ చేసి, మొత్తం ఆపరేషన్ పూర్తయిన తర్వాత అందరూ పంచుకోవాలని ముందుగానే ప్రణాళిక రూపొందించుకున్నట్లు దర్యాప్తులో బయటపడింది. పక్కా సమాచారంతో నిందితుల కదలికలను గమనించిన పోలీసులు వారిని అదుపులోకి తీసుకుని విచారించగా వరుస చోరీల వ్యవహారం వెలుగులోకి వచ్చింది. అనంతరం మొత్తం 8 మందిని అరెస్టు చేసి రిమాండ్కు తరలించారు. పరకాల ఏసీపీ సతీష్ బాబు మీడియా సమావేశంలో కేసుకు సంబంధించిన పూర్తి వివరాలను వెల్లడించారు. నిందితుల వద్ద నుంచి రూ.3,05,200 నగదు, 2 కార్లు, 6 సెల్ఫోన్లను స్వాధీనం చేసుకున్నట్లు తెలిపారు. అలాగే ఈ ముఠాపై వరంగల్ పోలీస్ కమిషనరేట్ పరిధిలోని 9 పోలీస్ స్టేషన్లలో ధాన్యం చోరీ కేసులు నమోదైనట్లు వెల్లడించారు. రైతుల కష్టార్జిత పంటను లక్ష్యంగా చేసుకుని జరిగిన ఈ వరుస చోరీలు స్థానికంగా తీవ్ర ఆందోళన కలిగించగా, నిందితుల అరెస్టుతో బాధిత రైతులు ఊపిరి పీల్చుకున్నారు. ALSO READ: ఫోన్ ఎత్తగానే మొదటగా ‘హలో’ అని ఎందుకంటారో తెలుసా?.. అసలు సీక్రెట్ ఇదే!

Tag: #Hanumakonda

Most Read

ఏపీ మున్సిపల్ ఎన్నికల్లో కొత్త రూల్స్: లెక్కలు చూపకపోతే మూడేళ్ల జైలు, పదవి రద్దు!

సెన్సార్ బోర్డుపై ఆర్. నారాయణమూర్తి తీవ్ర ఆగ్రహం.. మంచి సినిమాలను ఇబ్బంది పెట్టొద్దని విజ్ఞప్తి!

ఏపీ కాంగ్రెస్‌కు కొత్త ఇన్‌ఛార్జ్.. పలు రాష్ట్రాలకు ఏఐసీసీ నూతన బాధ్యులు!

CSK కెప్టెన్‌గా సంజూ శాంసన్?.. రుతురాజ్‌పై వేటుకు చెన్నై సిద్ధం!

EDITOR PICKS

ఛీ.. ఏం బతుకులురా మీవి

కన్నీరు తెప్పిస్తున్న హనుమకొండ ఇంటర్ అమ్మాయి సూసైడ్ లెటర్!

అప్పు తీసుకొని తిరిగివ్వడం లేదు… నిందితుడి ఇంటి ఎదుట మహిళ ఆత్మహత్యాయత్నం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags