'Gunde Pelipothonde' song released from the movie 'Srinivasa Mangapuram'!

హైదరాబాద్, క్రైమ్ మిర్రర్: ‘మంగళవారం’ చిత్రంతో సంచలన విజయం అందుకున్న దర్శకుడు అజయ్ భూపతి ‘శ్రీనివాస మంగాపురం’ తో మరోసారి ప్రేక్షకులను ఆకట్టుకునేందుకు సిద్ధమవుతున్నారు. ఈ చిత్రంతో ఘట్టమనేని వారసుడు జయకృష్ణ ఘట్టమనేని తెలుగు సినీ పరిశ్రమకు హీరోగా పరిచయమవుతుండగా, బాలీవుడ్ యువ నటి రాషా తడానీ ‘ఉయ్ అమ్మ’ పాటతో దేశవ్యాప్తంగా గుర్తింపు పొందిన తర్వాత టాలీవుడ్లోకి అడుగుపెడుతోంది. సీనియర్ నటుడు మోహన్ బాబు ఈ చిత్రంలో పవర్ఫుల్ విలన్ పాత్రలో నటిస్తున్నారు. నిర్మాత పీ. కిరణ్ నిర్మిస్తున్న ఈ చిత్రాన్ని అశ్వినీదత్ సమర్పిస్తున్నారు. ఇప్పటికే విడుదలైన రెండు పాటలు చార్ట్ బస్టర్ హిట్స్ గా అలరిస్తున్నాయి. తాజాగా చిత్ర బృందం మూడో సింగిల్ ‘గుండె పేలిపోతోందే’ పాటను విడుదల చేశారు. Also Read:Telegram: టెలిగ్రాం సేవలు నిలిపివేత.. నీట్ పరీక్ష నేపథ్యంలో కేంద్రం షాకింగ్ డెసిషన్! తొలి ప్రేమలో కలిగే మధురమైన భావోద్వేగాలను ఆవిష్కరించే ఈ పాట, ఓ యువకుడు తొలిచూపులోనే ఓ అమ్మాయిపై ప్రేమలో పడిన తర్వాత అతని మనసులో కలిగే ఉత్సాహం, ఆశ్చర్యం, ఆనందాన్ని అందంగా చూపిస్తుంది. ఆమె చుట్టూనే తిరగాలని, ఆమె ఉన్న చోటే ఉండాలని కోరుకునే ప్రేమికుడి మనసుని అద్భుతంగా ప్రజెంట్ చేస్తోంది. సంగీత దర్శకుడు జీవీ ప్రకాష్ కుమార్ ఈ పాటకు క్లాసిక్, మోడరన్ మెలోడీతో మేళవిస్తూ అద్భుతంగా కంపోజ్ చేశారు. సాఫ్ట్ ఫ్లూట్ బిట్స్, అందమైన వయోలిన్ స్వరాలు, ఆర్కెస్ట్రేషన్ ఈ పాటను సంగీత ప్రియులకు ప్రత్యేక అనుభూతిగామార్చాయి. ఆస్కార్ విజేత గేయరచయిత చంద్రబోస్ రాసిన సాహిత్యం తొలి ప్రేమ అమాయకత్వాన్ని అద్భుతంగా పలికించగా, అనురాగ్ కులకర్ణి తన హార్ట్ టచ్చింగ్ వోకల్స్ తో పాటకు మరింత ప్రాణం పోశారు. ఆలయ నేపథ్యంతో చిత్రీకరించిన ఈ పాట విజువల్గా కూడా ఎంతో ఆకట్టుకుంటోంది. Also Read:Cough Syrups: దగ్గు మందు కొనాలంటే ఇక డాక్టర్ చీటీ చూపాల్సిందే! కలర్ ఫుల్ ఫ్రేమ్స్, అందమైన లొకేషన్స్, ఆకర్షణీయమైన విజువల్స్ పాటకు మరింత అందాన్ని చేకూర్చాయి. భాను మాస్టర్ కొరియోగ్రఫీ ప్రేమలో మునిగిపోయిన యువకుడి భావోద్వేగాలను చక్కగా ప్రజెంట్ చేసింది. హీరో జయకృష్ణ ఘట్టమనేని తన నేచురల్ స్క్రీన్ ప్రెజెన్స్తో ఆకట్టుకోగా, రాషా తడానీ సంప్రదాయ దుస్తుల్లో ఎంతో అందంగా కనిపించింది. వీరిద్దరి మధ్య కనిపించిన ఫ్రెష్ కెమిస్ట్రీ పాటకు ప్రధాన ఆకర్షణగా నిలిచింది. మధురమైన స్వరాలు, ఆకట్టుకునే సాహిత్యం, అందమైన విజువల్స్, మనసుకు హత్తుకునే ప్రేమ భావాలతో ‘గుండె పేలిపోతోందే’ పాట ఇప్పటికే సంగీత ప్రేమికులను ఆకట్టుకుంటూ రొమాంటిక్ ప్లేలిస్టుల్లో ప్రత్యేక స్థానం సంపాదించుకుంది. Also Read:TG20 లీగ్ బ్రాండ్ అంబాసిడర్గా విజయ్ దేవరకొండ: నేడే ట్యాంక్బండ్పై ట్రోఫీ ఆవిష్కరణ! ప్రేమకథలను కొత్తదనంతో, భావోద్వేగాలతో చెప్పడంలో తన ప్రత్యేకతను మరోసారి నిరూపించిన అజయ్ భూపతి, ఈ చిత్రాన్ని కూడా బలమైన భావోద్వేగాలు, ఆకట్టుకునే కథనంతో రూపొందిస్తున్నట్లు ఇప్పటివరకు విడుదలైన ప్రమోషనల్ కంటెంట్ స్పష్టం చేస్తోంది. ఈ చిత్రానికి జయకృష్ణ ISC సినిమాటోగ్రఫీ అందిస్తుండగా, జీవీ ప్రకాష్ కుమార్ సంగీతం, మాధవ్ కుమార్ గుల్లపాటి ఎడిటింగ్, సాహి సురేష్ ప్రొడక్షన్ డిజైన్, రియల్ సతీష్ యాక్షన్ కొరియోగ్రఫీ బాధ్యతలు నిర్వహిస్తున్నారు. ‘శ్రీనివాస మంగాపురం జూలై 9న వరల్డ్ వైడ్ గ్రాండ్ గా రిలీజ్ కానుంది. నటీనటులు: జయకృష్ణ ఘట్టమనేని, రాషా తడాని, మోహన్ బాబు

Tag: 'Gunde Pelipothonde' song released from the movie 'Srinivasa Mangapuram'!

Most Read

అబ్బాయి కావాలంటూ దారుణం.. అక్రమ లింగ నిర్ధారణ, బలవంతపు అబార్షన్‌తో 24 ఏళ్ల యువతి మృతి!

మద్యం కోసం డబ్బులు ఇవ్వలేదని తండ్రిని గొడ్డలితో నరికి చంపిన కొడుకు.. నల్గొండలో దారుణం!

వికారాబాద్ జిల్లాలో విషాదం.. ఇద్దరు పిల్లలతో కలిసి తల్లి ఆత్మహత్య

ఏపీకి మరో తుపాను ముప్పు.. ఆదివారం సాయంత్రం అవకాశం.. రెండు రోజుల పాటు భారీ వర్షాలు!

EDITOR PICKS

శ్రీనివాస మంగాపురం’ మూవీ నుంచి ‘గుండె పేలిపోతోందే’ సాంగ్ రిలీజ్…!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags