Gade sai krishna - Crime Mirror

గాదె సాయికృష్ణ కస్టడీ మృతి కేసులో సుప్రీంకోర్టు కీలక ఆదేశాలు జారీ చేసింది. పోలీసుల అదుపులో ఉన్న వ్యక్తి ఆచూకీ తెలియకుండా పోవడం చట్టవిరుద్ధమని ధర్మాసనం స్పష్టం చేసింది. ఈ కేసులో ఆంధ్రప్రదేశ్ హైకోర్టులో కొనసాగుతున్న విచారణపై స్టే విధించింది. కేసుకు సంబంధించిన పూర్తి వివరాలను సెప్టెంబర్ 30లోగా సీల్డ్ కవర్లో సమర్పించాలని సిట్ను ఆదేశించింది. ఈ కేసులో ప్రతివాదులందరికీ నోటీసులు జారీ చేసిన సుప్రీంకోర్టు.. ఏపీ హైకోర్టులో పెండింగ్లో ఉన్న సంబంధిత పిటిషన్లన్నింటినీ తమ వద్దకు బదిలీ చేయాలని ఆదేశించింది. తదుపరి విచారణను అక్టోబర్ 12కు వాయిదా వేసింది. కస్టడీలో ఏం జరిగింది? సాయికృష్ణ కస్టడీలో ఉన్న సమయంలో ఏం జరిగిందనే అంశంపై ఇప్పటికే పలు ఆరోపణలు ఉన్నాయి. కేసు దర్యాప్తులో భాగంగా పోలీసులు సేకరించిన కృష్ణలంక పోలీస్స్టేషన్ సీసీటీవీ రికార్డుల్లో కీలక సమయానికి సంబంధించిన ఫుటేజీ అందుబాటులో లేదని గతంలో కోర్టు రికార్డుల్లో నమోదైంది. దీంతో ప్రస్తుతం దర్యాప్తు చేస్తున్న ప్రత్యేక దర్యాప్తు బృందం నుంచి కేసుకు సంబంధించిన పూర్తి వివరాలను సుప్రీంకోర్టు కోరింది. మే 6న అదుపులోకి.. దర్యాప్తు రికార్డుల ప్రకారం.. గాదె సాయికృష్ణను 2026 మే 6న మార్కాపురం నుంచి టాస్క్ఫోర్స్ పోలీసులు అదుపులోకి తీసుకుని విజయవాడలోని కృష్ణలంక పోలీస్స్టేషన్కు తీసుకొచ్చారు. అనంతరం అతడిని మేజిస్ట్రేట్ ఎదుట హాజరుపరచలేదని, ఆ తర్వాత అతడి ఆచూకీ తెలియలేదని ప్రాసిక్యూషన్ పేర్కొంది. సాయికృష్ణ తల్లి విజయలక్ష్మి తన కుమారుడిని అక్రమంగా నిర్బంధించి చిత్రహింసలకు గురిచేయడం వల్లే అతడు మృతిచెందాడని ఆరోపిస్తూ హైకోర్టును ఆశ్రయించారు. అంతేకాకుండా మృతదేహాన్ని కూడా మాయం చేశారని ఆమె ఆరోపించారు. సిట్ దర్యాప్తు.. సీఐ అరెస్ట్ ఈ వ్యవహారంపై జూన్ 19న కేసు నమోదు కాగా.. జూన్ 21న రాష్ట్ర ప్రభుత్వం ప్రత్యేక దర్యాప్తు బృందాన్ని (సిట్) ఏర్పాటు చేసింది. దర్యాప్తులో భాగంగా అప్పటి కృష్ణలంక సీఐ ఎస్ఎస్వీవీ నాగరాజును సిట్ అరెస్టు చేసింది. సాయికృష్ణ కస్టడీ మృతి కేసులో ఆయనను ప్రధాన నిందితుడిగా పేర్కొన్నారు. ఇదిలా ఉండగా.. సెప్టెంబర్ 21న సిట్ విజయవాడ ఏసీబీ కోర్టులో ఛార్జ్షీట్ దాఖలు చేసింది. అందులో సాయికృష్ణను కస్టడీలో కొట్టినట్లు, అనంతరం రాణిగారితోటలోని ఓ ప్రైవేటు భవనానికి తరలించగా అక్కడ అతడు కుప్పకూలి మృతిచెందినట్లు దర్యాప్తులో తేలిందని పేర్కొన్నట్లు సమాచారం. సాక్షుల వాంగ్మూలాల్లో కీలక అంశాలు కేసులో నిందితుల్లో ఒకరైన జి. సురేశ్ సిట్కు ఇచ్చిన వాంగ్మూలంలో.. సాయికృష్ణను పోలీసులు కొడుతుండగా తాను చూశానని, ఆ తర్వాత అతడు కుప్పకూలి మృతిచెందినట్లు చెప్పినట్లు నివేదికలు వెల్లడించాయి. మృతదేహాన్ని ఆధారాలు లేకుండా చేసేందుకు దహనం చేసినట్లు కూడా సిట్ ఆరోపించినట్లు సమాచారం. ఈ కేసులో అప్పటి కృష్ణలంక సీఐ ఎస్ఎస్వీవీ నాగరాజుతో పాటు మరో ఆరుగురిని నిందితులుగా చేర్చారు. అయితే కేసులోని ఆరోపణలు, దర్యాప్తులో వెలుగులోకి వచ్చిన అంశాలపై తుది నిర్ణయం ఇంకా వెలువడాల్సి ఉంది. also read: మైత్రీ థియేటర్లలో ఇక సర్వపిండి.. సినిమా చూస్తూనే తెలంగాణ పల్లె రుచిని ఆస్వాదించే ఛాన్స్!

Tag: Gade sai krishna

Most Read

పెద్ద‌పులి క‌ల‌క‌లం…! భ‌యాందోళ‌న‌లో ప్ర‌జ‌లు…

B Alert: మరో ప్రపంచ విపత్తు…!

ఫుట్‌బాల్ దిగ్గ‌జానికి ఘ‌న వీడ్కోలు…! తీవ్ర భావోద్వేగానికి గురైన మెస్సీ…

బిజెపికి దగ్గరగా బిఆర్ఎస్…!

EDITOR PICKS

గాదె సాయికృష్ణ మృతి కేసు.. సుప్రీంకోర్టు కీలక ఆదేశాలు

గాదె సాయికృష్ణ కస్టోడియల్ డెత్.. సిట్ రిమాండ్ రిపోర్టులో సంచలన విషయాలు

విజయవాడ కస్టోడియల్ డెత్ కేసులో కీలక మలుపు.. సిట్ ఎదుట ఏ4 నిందితుడి లొంగుబాటు

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags