Ethanol Stove - Crime Mirror

వంటగ్యాస్ ధరలు పెరుగుతున్న నేపథ్యంలో సామాన్యులు, మధ్యతరగతి కుటుంబాలకు ఊరటనిచ్చే కొత్త ఇంధన సాంకేతికతను కేంద్ర ప్రభుత్వం ప్రోత్సహిస్తోంది. దేశీయ జీవ ఇంధనాల వినియోగాన్ని పెంచే లక్ష్యంతో పూర్తిగా స్వదేశీ సాంకేతికతతో అభివృద్ధి చేసిన ఇథనాల్ ఆధారిత స్టవ్ను కేంద్ర రహదారులు, రవాణా శాఖ మంత్రి నితిన్ గడ్కరీ ఆవిష్కరించారు.ఈ కొత్త స్టవ్ అందుబాటులోకి వస్తే వంటగ్యాస్ సిలిండర్లపై ఆధారపడాల్సిన అవసరం గణనీయంగా తగ్గుతుందని ఆయన తెలిపారు. ఎల్పీజీ, కిరోసిన్తో పోలిస్తే తక్కువ ఖర్చుతో పాటు పర్యావరణానికి హాని కలిగించకుండా వంట చేసుకునే అవకాశం ఈ సాంకేతికత ద్వారా లభిస్తుందని వివరించారు. గ్యాస్ ఖర్చు తగ్గే అవకాశం ఈ స్టవ్లో 7 శాతం ఇథనాల్, 93 శాతం నీటితో తయారైన ప్రత్యేక మిశ్రమాన్ని ఇంధనంగా ఉపయోగిస్తారు. ఈ మిశ్రమం సురక్షితంగా మంటను ఉత్పత్తి చేస్తూ వంట అవసరాలను తీర్చగలదని నిపుణులు చెబుతున్నారు. సాధారణ వంటగ్యాస్ మాదిరిగానే ఉపయోగించవచ్చని, అయితే ఖర్చు తక్కువగా ఉండే అవకాశం ఉందని భావిస్తున్నారు. వ్యవసాయ రంగానికీ ప్రయోజనం భారత్ ప్రస్తుతం తన చమురు అవసరాల్లో దాదాపు 87 శాతం ముడి చమురును విదేశాల నుంచి దిగుమతి చేసుకుంటోంది. దీనివల్ల భారీ విదేశీ మారకద్రవ్య వ్యయం జరుగుతోంది. ఇథనాల్ వంటి స్వదేశీ ఇంధనాల వినియోగాన్ని పెంచడం ద్వారా దిగుమతులపై ఆధారాన్ని తగ్గించడంతో పాటు దేశ ఆర్థిక వ్యవస్థకు కూడా మేలు జరుగుతుందని గడ్కరీ వెల్లడించారు. అంతేకాకుండా, రైతులు పండించే పంటల నుంచి తయారయ్యే ఇథనాల్కు డిమాండ్ పెరగడం వల్ల వ్యవసాయ రంగానికీ ప్రయోజనం కలుగుతుందని ఆయన అన్నారు. పర్యావరణ పరిరక్షణ, తక్కువ ఖర్చు, స్వదేశీ ఇంధన వినియోగం వంటి అంశాలను దృష్టిలో ఉంచుకుని ఈ కొత్త స్టవ్ సాంకేతికతను ప్రోత్సహిస్తున్నట్లు తెలిపారు. ఈ సాంకేతికత విస్తృత స్థాయిలో అందుబాటులోకి వస్తే భవిష్యత్తులో వంటగ్యాస్కు ప్రత్యామ్నాయంగా నిలిచే అవకాశాలు ఉన్నాయని నిపుణులు అభిప్రాయపడుతున్నారు. దీంతో కుటుంబాల నెలవారీ ఖర్చులు తగ్గడమే కాకుండా, దేశ ఇంధన దిగుమతుల భారం కూడా కొంత మేర తగ్గే అవకాశం ఉంది.

Tag: Ethanol Stove

Most Read

భారీగా గంజాయి పట్టివేత.. ఇద్దరు నిందితుల అరెస్ట్.. రెండు కార్లు సీజ్

భార్యతో కాపురానికి అడ్డొస్తున్నాడని మామ హత్యకు సుపారీ!

కుమార్తెపై వేధింపుల ఆరోపణలు.. భర్తను చెట్టుకు కట్టేసి హత్య చేసిన భార్య, బంధువులు!

తెలంగాణ ఆర్టీసీకి దసరా సందడి!

EDITOR PICKS

Ethanol Stove: ఇక LPG అవసరం లేదు.. ఇథనాల్ స్టవ్‌ను ఆవిష్కరించిన నితిన్ గడ్కరీ!

సిలిండర్ అవసరం లేని సరికొత్త పొయ్యి.. ధర ఎంతో తెలుసా..?

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags