Documents - Crime Mirror

ఆధార్ కార్డు ప్రస్తుతం ప్రతి పౌరుడి జీవితంలో అత్యంత ముఖ్యమైన గుర్తింపు పత్రంగా మారింది. బ్యాంకింగ్ నుంచి ప్రభుత్వ పథకాల వరకు దాదాపు అన్ని సేవలకు ఇది తప్పనిసరిగా అవసరమవుతోంది. ఈ నేపథ్యంలో ఆధార్లో ఉన్న వివరాలు సరిగా లేకపోతే సమస్యలు ఎదురయ్యే అవకాశముంది. అయితే ఇప్పుడు ఆధార్ వివరాలను సులభంగా సవరించుకునే విధంగా Unique Identification Authority of India (UIDAI) పలు సౌకర్యాలను అందుబాటులోకి తీసుకువచ్చింది. ఇంటి వద్ద నుంచే పేరు, చిరునామా, మొబైల్ నంబర్ వంటి వివరాలను మార్చుకునే అవకాశాన్ని కల్పించడం ద్వారా ప్రజలకు పెద్ద ఉపశమనం కలిగించింది. గతంలో ఆధార్ సవరణల కోసం సేవా కేంద్రాల వద్ద గంటలకొద్దీ క్యూల్లో నిలబడాల్సి వచ్చేది. కానీ ఇప్పుడు ఆన్లైన్ సౌకర్యంతో చాలా మార్పులు ఇంటి నుంచే చేసుకునే వీలు కలిగింది. ఫోటో, పేరు, జనన తేదీ, చిరునామా, మొబైల్ నంబర్ వంటి వివరాల్లో తప్పులు ఉన్నా సరిచేసుకునే అవకాశం ఉంది. అయితే కేంద్ర ప్రభుత్వం కొన్ని పరిమితులను కూడా విధించింది. నిబంధనల ప్రకారం పేరు మొత్తంగా 2 సార్లు మాత్రమే మార్చుకునే అవకాశం ఉంటుంది. అదే విధంగా జనన తేదీని కేవలం ఒకసారి మాత్రమే సవరించుకోవచ్చు. అంతేకాకుండా ఆధార్ నమోదు సమయంలో ఉన్న తేదీకి గరిష్టంగా 3 సంవత్సరాల పరిధిలో మాత్రమే మార్పు అనుమతించబడుతుంది. జెండర్ విషయంలో కూడా ఒకసారి మాత్రమే మార్పు చేసుకునే అవకాశం ఉంటుంది. అయితే ఫోటో మార్పుపై ఎలాంటి పరిమితులు లేవు. అవసరమైతే ఎన్నిసార్లైనా మార్చుకోవచ్చు. కానీ ఫోటో మార్పు మాత్రం ఆన్లైన్లో సాధ్యం కాదు. ఇందుకు తప్పనిసరిగా ఆధార్ సేవా కేంద్రానికి వెళ్లాల్సి ఉంటుంది. చిరునామా విషయంలో మాత్రం ఎలాంటి పరిమితులు లేకుండా ఎన్నిసార్లైనా మార్చుకునే వీలు కల్పించారు. ఇది తరచూ నివాసం మారే వారికి ఎంతో ఉపయోగకరంగా ఉంటుంది. ఇక నిర్ణయించిన పరిమితి దాటిన తర్వాత వివరాలను సవరించుకోవాలంటే సంబంధిత ప్రాంతీయ ఆధార్ కార్యాలయాన్ని సంప్రదించాల్సి ఉంటుంది. పేరు, జనన తేదీ, జెండర్ వంటి కీలక వివరాలను మళ్లీ మార్చాలంటే సరైన కారణాలను తెలియజేయాల్సి ఉంటుంది. ఇందుకు సంబంధించిన పత్రాలు, యూఆర్ఎన్ స్లిప్ను సమర్పించాల్సి ఉంటుంది. ఈ వివరాలను help@uidai.gov.in మెయిల్ చిరునామాకు పంపించి అభ్యర్థన చేయాలి. అధికారులు పరిశీలించి సరైనదని భావిస్తే మాత్రమే మార్పులకు అనుమతి ఇస్తారు, లేకపోతే దరఖాస్తును తిరస్కరిస్తారు. అదేవిధంగా భువన్ ఆధార్ పోర్టల్ ద్వారా మీ సమీపంలోని ఆధార్ సేవా కేంద్రాల వివరాలను కూడా సులభంగా తెలుసుకోవచ్చు. మొత్తంగా ఆధార్ సవరణలను మరింత సులభతరం చేసినప్పటికీ, కొన్ని కీలక వివరాల మార్పుపై పరిమితులు ఉండటంతో ముందుగానే జాగ్రత్తగా నమోదు చేయడం అవసరం. ALSO READ: 4 నెలల క్రితం భర్తను చంపి ఇంట్లోనే పూడ్చిపెట్టిన భార్య

Tag: Documents

Most Read

ఢిల్లీకి హైఅలర్ట్.. 19 మంది మోస్ట్ వాంటెడ్ ఉగ్రవాదుల పోస్టర్లు విడుదల

రైలు ఢీకొని వృద్ధుడి మృతి.. మృతదేహాన్ని కిలోమీటర్ మేర ఈడ్చుకెళ్లిన ట్రైన్

విద్యుత్ పోల్‌ అమర్చుతుండగా విషాదం.. 5 సెకన్లలోనే కార్మికుడి మృతి

యువ దర్శకులకు అండగా అన్నపూర్ణ స్టూడియోస్.. నాగార్జున కీలక వ్యాఖ్యలు

EDITOR PICKS

ఆధార్‌కార్డులో డేట్ ఆఫ్ బర్త్ ఎన్నిసార్లు మార్చుకోవచ్చో తెలుసా?

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags