Delhi Govt - Crime Mirror

No fuel for vehicles without PUC: దేశ రాజధాని ఢిల్లీలో గాలి కాలుష్యం రోజు రోజుకు పెరుగుతూపోతోంది. తాజాగా ఎయిర్ క్వాలిటీ ఇండెక్స్ 400గా రికార్డు అయింది. ఈ నేపథ్యంలో ది ఢిల్లీ పొల్యూషన్ కంట్రోల్ కమిటీ గాలి కాలుష్యాన్ని తగ్గించటం కోసం కఠిన చర్యలు తీసుకుంటోంది. అందులో భాగంగానే పొల్యైషన్ సర్టిఫికేట్ ఉన్న వాహనాలకే ప్యూయెల్ పోయాలని పెట్రోల్ బంకులకు ఆదేశాలు జారీ చేసింది. పొల్యూషన్ సర్టిఫికేట్ లేకపోతే నో పెట్రోల్! కాలుష్య నివారణలో భాగంగా వాహనాలపై కూడా ఢిల్లీ ప్రభుత్వం ఆంక్షలు విధించింది. పొల్యూషన్ అండర్ కంట్రోల్ సర్టిఫికెట్ ఉన్న వాహనాలకు మాత్రమే ఇంధనాన్ని అమ్మనుంది. ఈ మేరకు ఢిల్లీ పర్యావరణ శాఖ మంత్రి మంజిందర్ సింగ్ సిర్సా కీలక ప్రకటన చేశారు. పీయూసీ సర్టిఫికెట్ లేని వాహనాలకు ఢిల్లీ, ఎన్సీఆర్ ప్రాంతాల్లోని పెట్రోల్ స్టేషన్లలో పెట్రోల్ కానీ, డీజిల్ కానీ అమ్మరని తేల్చి చెప్పారు. జీఆర్ఏపీ 3, 4 సందర్బంగా ఢిల్లీ బయట రిజిస్టర్ అయిన బీఎస్ 4 కంటే తక్కువ స్టాండర్డ్ కలిగిన వాహనాలు ఢిల్లీలోకి అనుమతించబోమని స్పష్టం చేశారు. “ఆటోమేటిక్ నెంబర్ ప్లేట్ రికగ్నిషన్ .. ఆన్ గ్రౌండ్ చెక్స్ ద్వారా వాహనాలకు సంబంధించిన పీయూసీసీ స్టాటస్, ఎమిషన్ క్యాటగిరీ చెక్ చేస్తాం. పీయూసీసీ సర్టిఫికెట్ లేని వారు.. బీఎస్ 4 కంటే తక్కువ స్టాండర్డ్ వాహనాలను వాడుతున్న వారు పెట్రోల్ బంకుల దగ్గర, సరిహద్దు అధికారులతో గొడవలకు దిగవద్దు. గురువారం నుంచి కొత్త రూల్ అమల్లో ఉంటుంది” అని చెప్పుకొచ్చారు. బొగ్గు, వంట చెరుకుతో వంటలు చెయ్యొద్దు! అటు “గత నవంబర్ నెలలో ఏక్యూఐ 20 పాయింట్లు తగ్గింది. గాలి కాలుష్యాన్ని తగ్గించటం కోసం ప్రభుత్వం ఎంతో కృషి చేస్తోంది. 9 నుంచి 10 నెలల్లో గాలి కాలుష్యాన్ని పూర్తిగా తగ్గించటం ఏ ప్రభుత్వానికైనా అసాధ్యమైన పని. ఆమ్ ఆద్మీ పార్టీ కారణంగానే కాలుష్యమనే రోగం ఢిల్లీకి వచ్చింది. గాలి కాలుష్యం గురించి ప్రజలందరికీ క్షమాపణ చెబుతున్నా” అని సిర్సా వెల్లడించారు. అటు ఢిల్లీలో బొగ్గు, వంట చెరుకుతో తయారు చేసే తందూరీ రోటీలపై బ్యాన్ విధించింది. సిటీలోని హోటల్స్, రెస్టారెంట్లు, తిను బండారాలు అమ్మే షాపులు తందూరీ రోటీలను తయారీ కోసం గ్యాస్ లేదా కరెంట్ను మాత్రమే వాడుకోవాలని సూచించింది.

Tag: Delhi Govt

Most Read

Trisha: తిరుపతి శ్రీవారి దర్శనంలో హీరోయిన్

జీడిమెట్ల‌లో క‌ల‌క‌లం…ప్రియుడిని క‌త్తితో గొంతు కోసి…ఆపై గోనే సంచిలో…!

Actor: డైట్ సీక్రెట్ చెప్పిన రవి బాబు.. 12 సంవత్సరాలుగా ఒకే అల్పాహారం

Holidays: కస్టమర్లకు బిగ్ అలర్ట్.. ఈ వారంలో బ్యాంక్ సెలవులు ఇవే..

EDITOR PICKS

Pollution Crisis: ఆ సర్టిఫికెట్ ఉంటేనే పెట్రోల్, డీజిల్.. ప్రభుత్వం కీలక నిర్ణయం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel