Dalai Lama - Crime Mirror

Dalai Lama Jeffery Epstein Link: లైంగిక వేధింపుల నిందితుడు జెఫ్రీ ఎప్స్టీన్ తో టిబెట్ ఆధ్యాత్మిక గురువు దలైలామా కు సంబంధాలు ఉన్నాయంటూ మీడియాలో వార్తలు వచ్చాయి. అయితే, ఈ కథనాలను ఆయన కార్యాలయం తీవ్రంగా ఖండించింది. ఎప్స్టీన్ను దలైలామా ఎప్పుడూ కలవలేదని, ఆయన తరఫున మరెవరూ కూడా ఎప్స్టీన్తో సమావేశమయ్యేందుకు ఎలాంటి అనుమతులు ఇవ్వలేదని తెలిపింది. అమెరికాలో 'ఎప్స్టీన్ ఫైల్స్' సంచలనం 'ఎప్స్టీన్ ఫైల్స్'లోని వివరాలు బహిర్గతం కావడం అమెరికాలో సంచలనమవుతోంది. పిల్లల లైంగిక వేధింపుల నిందితుడు, సీరియల్ రేపిస్ట్ ఎప్స్టీన్తో సంబంధాలున్నాయంటూ వివిధ దేశాల్లోని పలువురు సెలబ్రెటీలు, రాజకీయ నేతలు, ఉన్నత స్థాయి వ్యక్తుల పేర్లు బహిర్గతమవుతున్నాయి. ఈ క్రమంలో దలైలామా పేరూ ప్రస్తావనకు రావడంతో ఆయన కార్యాలయం వెంటనే ఖండించింది. ఎప్స్టీన్ను దలైలామా కలవడం కానీ, మరొకరిని కలుసుకునేందుకు అనుమతించడం కానీ ఎప్పుడూ జరగలేదని సోషల్ మీడియా వేదికగా వెల్లడించింది. https://twitter.com/DalaiLama/status/2020350986683052473 'ఎప్స్టీన్ ఫైల్స్'లో బిగ్ షాట్స్.. అమెరికా డిపార్ట్ మెంట్ ఆఫ్ జస్టిస్ ఇటీవల జెఫ్రీ ఎప్స్టీన్కు చెందిన 30 లక్షలకు పైగా ఫైళ్లు విడుదల చేసింది. అందులో 2,000కు పైగా వీడియోలు, సుమారు లక్షా ఎనభై వేల ఫొటోలు ఉన్నాయి. అమెరికా అధ్యక్షుడు డొనాల్డ్ ట్రంప్, మైక్రోసాఫ్ట్ సహ వ్యవస్థాపకుడు బిల్ గేట్స్, బిలియనీర్ ఎలాన్ మస్క్ వంటి పలువురి పేర్లు కూడా ఉన్నాయి. పేరు ఉన్నంత మాత్రాన తప్పు చేసినట్టు కాదని అధికారులు చెబుతున్నప్పటికీ ఆ పేర్లలో దలైలామా పేరు కూడా ఉండటం అంతర్జాతీయంగా చర్చనీయాంశమైంది. ఇంతకీ ఎవరీ ఎప్స్టీన్? జెఫ్రీ ఎప్స్టీన్ అమెరికాకు చెందిన ఫైనాన్షియర్. లైంగిక నేరాల దోషి. పెట్టుబడులు, ఫైనాన్షియల్ మేనేజిమెంట్ ద్వారా భారీగా సంపద కూడబెట్టాడు. హై ప్రొఫైల్ క్లయింట్లకు పని చేసేవాడు. బాలికలు, యువతులపై లైంగిక వేధింపులు, అక్రమ రవాణా కేసుల్లో దోషిగా తేలడంతో 2008లో ఫ్లోరిడాలో తొలిసారి ఆయన జైలుకు వెళ్లాడు. 2019లో ఫెడరల్ దర్యాప్తులో తిరిగి అరెస్టయ్యాడు. విచారణలో ఉండగానే జైలులో అనుమానాస్పద స్థితిలో మరణించాడు.

Tag: Dalai Lama

Most Read

జనసేనకు ఆ నాలుగు…!

మున్సిపల్ ఎన్నికలు షురూ…!

కేటీఆర్ కు అస్వస్థత…!

ఒగ్గు బీర్ల కళాకారుల కమిటీ ఏర్పాటు..!

EDITOR PICKS

Dalai Lama: ఎప్‌స్టీన్‌ తో సంబంధాలు.. దలైలామా కీలక ప్రకటన!

ఘనంగా దలైలామా పుట్టినరోజు వేడుకలు, ప్రధాని మోడీ శుభాకాంక్షలు!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags