Tag: Daily Dressing Tips

మనిషి జీవితంలో అదృష్టం, ధనయోగం వంటి విషయాలు కేవలం కష్టపడి పనిచేయడంపైనే కాకుండా, కొన్ని సంప్రదాయ నమ్మకాల ప్రకారం చిన్న చిన్న ఆచారాలపై కూడా ఆధారపడి ఉంటాయని పండితులు చెబుతుంటారు. అందులో ముఖ్యంగా మనం ధరించే బట్టల రంగులు కూడా ఒక కీలక పాత్ర పోషిస్తాయని జ్యోతిష్య శాస్త్రంలో విశ్వాసం ఉంది. వారంలో ప్రతి రోజుకూ ఒక గ్రహాధిపతి ఉండగా, ఆ రోజు ఆ గ్రహానికి అనుకూలమైన రంగులు ధరించడం ద్వారా సానుకూల ఫలితాలు పొందవచ్చని చెబుతారు. ఆదివారం రోజున సూర్యుడుకు అధిపత్యం ఉంటుంది. ఈ రోజున ఎరుపు, ఆరెంజ్, గోల్డెన్ రంగుల దుస్తులు ధరించడం వల్ల ఆత్మవిశ్వాసం పెరిగి, సమాజంలో గౌరవం పెరుగుతుందని నమ్మకం. నాయకత్వ లక్షణాలు కూడా బలపడతాయని చెబుతారు. సోమవారం రోజున చంద్రుడు ప్రభావం ఎక్కువగా ఉంటుంది. ఈ రోజు తెలుపు, క్రీమ్, లైట్ బ్లూ రంగులు ధరించడం మంచిదని సూచిస్తారు. ఇవి మనసుకు ప్రశాంతతను ఇచ్చి భావోద్వేగాలను సమతుల్యం చేస్తాయని విశ్వాసం. మంగళవారం రోజున కుజుడుకు సంబంధించిన రోజు. ఈ రోజున ఎరుపు లేదా మెరూన్ రంగు దుస్తులు ధరించడం వల్ల ధైర్యం, శక్తి పెరుగుతాయని చెబుతారు. శత్రు భయం తగ్గి, ఆత్మస్థైర్యం పెరుగుతుందని కూడా నమ్మకం ఉంది. బుధవారం రోజున బుధుడు ప్రభావం ఉంటుంది. ఈ రోజు ఆకుపచ్చ రంగు దుస్తులు ధరించడం శుభప్రదమని జ్యోతిష్యులు సూచిస్తున్నారు. వ్యాపారాభివృద్ధి, మేధస్సు, నైపుణ్యం పెరగడానికి ఇది సహాయపడుతుందని విశ్వాసం. గురువారం రోజున గురుడు అధిపత్యం ఉంటుంది. ఈ రోజున పసుపు, క్రీమ్, గోల్డ్ రంగులు ధరించడం వల్ల జ్ఞానం పెరిగి, ధనాభివృద్ధి కలుగుతుందని చెబుతారు. అదృష్టం కలిసి వస్తుందని కూడా నమ్మకం ఉంది. శుక్రవారం రోజున శుక్రుడు ప్రభావం ఉంటుంది. ఈ రోజున పింక్, వైట్, లైట్ పర్పుల్ రంగులు ధరించడం వల్ల అందం పెరిగి, ప్రేమ, దాంపత్య సుఖం మెరుగుపడుతుందని విశ్వాసం. శనివారం రోజున శనిదేవుడుకు సంబంధించిన రోజు. ఈ రోజున నలుపు, ముదురు నీలం రంగు దుస్తులు ధరించడం వల్ల ఏకాగ్రత పెరిగి, మనసుకు ప్రశాంతత లభిస్తుందని చెబుతారు. అనుకోని అదృష్టం కూడా కలిసివస్తుందని విశ్వాసం ఉంది. NOTE: పైన తెలిపిన వివరాలు వివిధ శాస్త్రాల్లో పేర్కొన్న అంశాల ఆధారంగా అందించినవి మాత్రమే. వీటిలో అన్నిటికీ ఆధునిక శాస్త్రీయ ఆధారాలు లేకపోవచ్చుననే విషయాన్ని పాఠకులు గమనించాలి. దీన్ని ఎంతవరకు విశ్వసించాలనేది పూర్తిగా మీ వ్యక్తిగత విషయం. క్రైమ్ మిర్రర్ దీనిని అధికారికంగా ధృవీకరించట్లేదు. ALSO READ: ఆడాళ్లు తాళి విషయంలో జాగ్రత్త

Tag: Daily Dressing Tips

Most Read

28 ఏళ్ల తర్వాత వెండితెరపైకి డిస్కో శాంతి.. ‘బుల్లెట్టు బండి’తో గ్రాండ్ రీఎంట్రీ!

నాచారంలో భారీగా డ్రగ్స్ పట్టివేత.. రూ.20 లక్షల విలువైన ఎండీఎంఏ స్వాధీనం!

దియా మిర్జాకు హైకోర్టు అండ.. తొలగించిన వీడియోను మళ్లీ పోస్టు చేయాలని బీఎంసీకి ఆదేశం!

అందరినీ మెప్పించడం కష్టం.. ‘రామాయణం’ పాటల విమర్శలపై ఏఆర్ రెహమాన్ ఆసక్తికర వ్యాఖ్యలు!

EDITOR PICKS

మీ బట్టలే మీకు సంపద తెస్తాయట!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags