Congress government Telangana

రూ. 70 కోట్లు వ్యయం తో ప్రాజెక్టు పనులు గ్రామీణాభివృద్ధి, మహిళా సాధికారతకు కూడా ప్రాధాన్యం తెలంగాణలో ఆధ్యాత్మిక అభివృద్ధికి కాంగ్రెస్ ప్రభుత్వం భారీగా నిధులు కేటాయిస్తూ ముందుకు సాగుతోంది. దేవాలయాల పునరుద్ధరణతో పాటు ప్రజల అవసరాలను దృష్టిలో ఉంచుకుని విద్య, వైద్య, వ్యవసాయ రంగాలపై కూడా ప్రత్యేక దృష్టి పెట్టినట్లు రాష్ట్ర ఉప ముఖ్యమంత్రి భట్టి విక్రమార్క తెలిపారు. మంచిర్యాల నియోజకవర్గ పరిధిలోని గూడెం రమా సహిత శ్రీ సత్యనారాయణ స్వామి దేవాలయ అభివృద్ధికి ప్రభుత్వం పెద్ద ఎత్తున ప్రణాళికలు సిద్ధం చేసింది. ఈ క్రమంలో సుమారు రూ.70 కోట్ల వ్యయంతో ఈ తెలంగాణ అన్నవరాన్నీ అద్భుతంగా అభివృద్ధి చేయాలని నిర్ణయించారు. ఇందుకు సంబంధించిన పనులకు శనివారం భూమిపూజ నిర్వహించారు. ఈ కార్యక్రమంలో పలువురు మంత్రులు, ప్రజాప్రతినిధులు పాల్గొన్నారు. ప్రజలకు ఇచ్చిన హామీలను వేగంగా అమలు చేయడంలో ప్రభుత్వం ముందంజలో ఉందని ఈ సందర్భంగా ఉప ముఖ్యమంత్రి పేర్కొన్నారు. ఇటీవల నిర్వహించిన సభలో ఆలయ అభివృద్ధి అంశం ప్రస్తావనకు రావడంతో కేవలం కొద్ది రోజుల్లోనే నిధులు మంజూరు చేసి పనులు ప్రారంభించడం ప్రభుత్వ నిబద్ధతకు నిదర్శనమన్నారు. రాష్ట్రవ్యాప్తంగా దేవాలయాల అభివృద్ధికి గత రెండున్నర సంవత్సరాల్లోనే వేల కోట్ల రూపాయలు కేటాయించినట్లు వెల్లడించారు. ముఖ్యంగా గోదావరి పుష్కరాల దృష్ట్యా భక్తులకు మెరుగైన సదుపాయాలు కల్పించేందుకు ఘాట్ల నిర్మాణం, మౌలిక వసతుల అభివృద్ధికి ప్రత్యేక నిధులు మంజూరు చేసినట్లు తెలిపారు. బాసర నుంచి భద్రాచలం వరకు ఆధ్యాత్మిక కారిడార్ రూపకల్పనపై ప్రభుత్వం దృష్టి సారించిందని చెప్పారు. ఈ మార్గంలో ఉన్న పుణ్యక్షేత్రాల అభివృద్ధి, సుందరీకరణ కోసం వందల కోట్ల రూపాయలు కేటాయించి పనులు కొనసాగుతున్నాయని వివరించారు. ఆధ్యాత్మిక రంగంతో పాటు గ్రామీణాభివృద్ధి, మహిళా సాధికారతకు కూడా ప్రభుత్వం ప్రాధాన్యత ఇస్తోందన్నారు. డ్వాక్రా మహిళలకు ప్రత్యేక భవనాల నిర్మాణానికి నిధులు కేటాయించగా, వ్యవసాయానికి అవసరమైన సాగునీటి ప్రాజెక్టులపై కూడా చర్యలు చేపట్టినట్లు తెలిపారు. గూడెం ప్రాంతంలో లిఫ్ట్ ఇరిగేషన్ పథకానికి కూడా భారీ నిధులు మంజూరు చేసి పనులు ప్రారంభించడం రైతులకు మేలు చేస్తుందని పేర్కొన్నారు. మంచిర్యాల ప్రాంత అభివృద్ధికి స్థానిక ప్రజాప్రతినిధులు సమగ్ర ప్రణాళికతో పనిచేస్తున్నారని ప్రశంసించారు. ప్రజల కోసం నిరంతరం కృషి చేయడమే ప్రజాప్రతినిధుల బాధ్యత అని, అభివృద్ధి పనులను త్వరితగతిన పూర్తి చేసి భక్తులకు అందుబాటులోకి తీసుకురావాలని పిలుపునిచ్చారు. ఈ కార్యక్రమంలో జిల్లా అధికారులు, పోలీస్ అధికారులు, ప్రజాప్రతినిధులు మరియు వివిధ శాఖల సిబ్బంది పాల్గొన్నారు. ALSO READ: జీడిమెట్లలో అక్రమంగా నివాసం.. ఏడుగురు బంగ్లాదేశీయుల అరెస్ట్

Tag: Congress government Telangana

Most Read

గాలిలోని తేమతో నీరు.. 13 ఏళ్ల విద్యార్థి అద్భుత ఆవిష్కరణ

తమిళనాడు ఎక్స్‌ప్రెస్‌లో మిస్టరీ.. ట్రాలీ బ్యాగ్‌లో మృతదేహం

హైదరాబాద్‌లో విషాదం.. ట్రాన్స్‌ఫార్మర్ స్తంభాన్ని ఢీకొట్టిన బైక్, విద్యార్థి మృతి

15 అడుగుల కొండచిలువ దాడి.. మహిళా రైతుకు తృటిలో తప్పిన ప్రాణాపాయం

EDITOR PICKS

అభివృద్ధి దిశగా తెలంగాణ అన్నవరం

అసెంబ్లీలో నిద్రపోయిన ముగ్గురు ఎమ్మెల్యేలు (VIDEO)

‘పాతాళంలో దాక్కున్నా లాక్కొస్తా’.. వారికి కేసీఆర్ స్ట్రాంగ్ వార్నింగ్

POPULAR POSTS

మునుగోడు ఆశ..రాజన్న శ్వాస..

Folk Star Nagadurga: జానపద గాయని నుంచి హీరోయిన్‌గా.. నాగదుర్గ కొత్త ప్రయాణం!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags