Child Kidnap - Crime Mirror

గుజరాత్లోని అమ్రేలి జిల్లాలో ఐదేళ్ల బాలుడి కిడ్నాప్ కేసును పోలీసులు అత్యంత వేగంగా ఛేదించారు. ఆధునిక సాంకేతికతతో పాటు పోలీసుల సమన్వయం, మానవ మేధస్సును ఉపయోగించి కేవలం 15 గంటల్లోనే బాలుడిని సురక్షితంగా తల్లిదండ్రుల వద్దకు చేర్చారు. ఈ ఆపరేషన్లో 170కి పైగా సీసీటీవీ కెమెరాల ఫుటేజ్ను పరిశీలించడంతో పాటు దాదాపు 100 కిలోమీటర్ల మేర నిందితుడి కదలికలను పోలీసులు ట్రాక్ చేశారు. ఈ ఘటన అమ్రేలి జిల్లా మోటా అంకడియా గ్రామంలో చోటుచేసుకుంది. మధ్యప్రదేశ్ నుంచి గుజరాత్కు వలస వచ్చి వ్యవసాయ కూలీలుగా పనిచేస్తున్న దంపతుల ఐదేళ్ల కుమారుడు అదృశ్యమయ్యాడు. దీంతో ఆందోళనకు గురైన తల్లిదండ్రులు పోలీసులను ఆశ్రయించారు. దర్యాప్తులో భాగంగా లలిత్ రూప్సింగ్భాయ్ జామ్రే (25) అనే వ్యక్తిపై పోలీసులకు అనుమానం వచ్చింది. అతడు కూడా మధ్యప్రదేశ్కు చెందినవాడే. సుమారు ఆరు నెలల క్రితం బాధిత కుటుంబంతో అతడికి పరిచయం ఏర్పడింది. పది రోజుల క్రితం తిరిగి గ్రామానికి వచ్చిన లలిత్.. పని దొరికే వరకు తమతో ఉండేందుకు అవకాశం ఇవ్వాలని కుటుంబాన్ని కోరినట్లు పోలీసులు తెలిపారు. ఈ పరిచయాన్ని ఉపయోగించుకుని బాలుడిని తన వెంట తీసుకెళ్లినట్లు దర్యాప్తులో వెల్లడైంది. అయితే నిందితుడు మొబైల్ ఫోన్ తీసుకెళ్లకపోవడం పోలీసులకు మరో సవాలుగా మారింది. దీంతో ఫోన్ ట్రాకింగ్కు బదులుగా సీసీటీవీ ఫుటేజ్ల ఆధారంగా అతడి కదలికలను గుర్తించాలని పోలీసులు నిర్ణయించారు. ఇందుకోసం ఐదు ప్రత్యేక బృందాలను ఏర్పాటు చేసి దర్యాప్తును వేగవంతం చేశారు. అమ్రేలి నుంచి రాజ్కోట్ వైపు మోటార్సైకిల్పై వెళ్లిన నిందితుడి మార్గాన్ని పోలీసులు గుర్తించారు. నెట్రామ్, త్రినేత్ర కమాండ్ సెంటర్ల సహకారంతో రాజ్కోట్-పోర్బందర్ జాతీయ రహదారితో పాటు బస్స్టాండ్లు, రైల్వే స్టేషన్ల పరిసరాల్లోని సీసీటీవీ ఫుటేజ్లను పరిశీలించారు. మొత్తం 170కి పైగా కెమెరాల రికార్డులను జల్లెడ పట్టి నిందితుడి కదలికలను ఒక్కొక్కటిగా ట్రేస్ చేశారు. ఈ క్రమంలో నిందితుడు దాదాపు 100 కిలోమీటర్ల దూరం ప్రయాణించినట్లు పోలీసులు గుర్తించారు. చివరకు రాజ్కోట్ జిల్లా విర్పూర్ గ్రామంలో అతడిని అదుపులోకి తీసుకున్నారు. అతడి చెరలో ఉన్న ఐదేళ్ల బాలుడిని సురక్షితంగా రక్షించి తల్లిదండ్రులకు అప్పగించారు. ప్రాథమిక దర్యాప్తు ప్రకారం.. బాలుడిపై ఏర్పడిన ఇష్టంతోనే అతడిని తన సొంత రాష్ట్రమైన మధ్యప్రదేశ్కు తీసుకెళ్లాలని నిందితుడు భావించినట్లు పోలీసులు తెలిపారు. అయితే కిడ్నాప్ వెనుక మరేదైనా కారణం ఉందా అనే కోణంలోనూ దర్యాప్తు కొనసాగిస్తున్నారు. తక్కువ సమయంలోనే భారీ సంఖ్యలో సీసీటీవీ ఫుటేజ్లను విశ్లేషించి నిందితుడి మార్గాన్ని గుర్తించడం, వివిధ ప్రాంతాల పోలీసు విభాగాల సమన్వయంతో అతడిని పట్టుకోవడం ఈ కేసులో కీలకంగా మారింది. బాలుడిని సురక్షితంగా రక్షించడంతో కుటుంబ సభ్యులు ఊపిరి పీల్చుకున్నారు. also read: రాఖీ కట్టిన భర్త స్నేహితుడితోనే మహిళ పరార్..

Tag: Child Kidnap

Most Read

హైదరాబాద్‌లో తాగు నీటి వృథాపై కఠిన చర్యలు.. రూ.20 వేల వరకు జరిమానా

ఆర్టీసీ బ‌స్సు బోల్తా…! 20 మందికి గాయాలు…

15 గంటలు.. 170కి పైగా సీసీ కెమెరాలు.. 100 కిలోమీటర్ల ఛేజ్.. బాలుడిని కాపాడిన పోలీసులు

రాఖీ కట్టిన భర్త స్నేహితుడితోనే మహిళ పరార్..

EDITOR PICKS

15 గంటలు.. 170కి పైగా సీసీ కెమెరాలు.. 100 కిలోమీటర్ల ఛేజ్.. బాలుడిని కాపాడిన పోలీసులు

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags