Chikkadpally #HyderabadCrime #HyderabadNews #CrimeNews #MurderCase #WifeMurder #HusbandWifeDispute

చిక్కడపల్లిలో దంపతుల మధ్య వివాదం విషాదాంతం భార్య తలపై రోకలిబండతో దాడి చేసిన భర్త హత్య అనంతరం పోలీస్స్టేషన్కు వెళ్లి లొంగిపోయిన నరేందర్ కుటుంబ కలహాలే కారణమని పోలీసుల ప్రాథమిక సమాచారం హైదరాబాద్, క్రైమ్మిర్రర్: ఓ చిన్న కుటుంబ వివాదం తీవ్ర రూపం దాల్చింది. పుట్టింటికి వెళ్తానని భార్య చెప్పడంతో మొదలైన గొడవ చివరకు ఆమె ప్రాణాలనే బలిగొంది. మాటామాటా పెరిగి ఆవేశం హద్దులు దాటడంతో భర్త రోకలిబండతో భార్యపై దాడి చేసినట్లు పోలీసులు తెలిపారు. ఘటన అనంతరం నిందితుడు స్వయంగా పోలీస్స్టేషన్కు వెళ్లి లొంగిపోవడంతో విషయం వెలుగులోకి వచ్చింది. హైదరాబాద్లోని చిక్కడపల్లి పోలీస్స్టేషన్ పరిధిలో ఈ విషాద ఘటన చోటుచేసుకుంది. పులివెందులకు చెందిన నరేందర్, అన్నమయ్య జిల్లాకు చెందిన తేజశ్రీ (26) దంపతులు. వీరికి 2020లో వివాహం జరిగింది. నాలుగేళ్ల కుమారుడు రోహిత్ ఉన్నాడు. నాలుగు నెలల క్రితం ఈ దంపతులు హైదరాబాద్కు వచ్చి చిక్కడపల్లి ప్రాంతంలో నివాసం ఉంటున్నారు. నరేందర్ ఆర్టీసీ క్రాస్రోడ్స్లోని ఓ హోటల్లో అకౌంటెంట్గా పనిచేస్తుండగా.. తేజశ్రీ గృహిణిగా ఉంటున్నారు. పుట్టింటికి వెళ్తానని చెప్పడంతో... పుట్టింటికి వెళ్తానని తేజశ్రీ చెప్పడంతో భార్యాభర్తల మధ్య వివాదం మొదలైనట్లు పోలీసులు వెల్లడించారు. ఆ గొడవ క్రమంగా తీవ్రరూపం దాల్చింది. ఈ సమయంలో కోపోద్రిక్తుడైన నరేందర్ రోకలిబండతో తేజశ్రీ తలపై దాడి చేసినట్లు పోలీసులు తెలిపారు. తీవ్రంగా గాయపడిన ఆమె మృతి చెందింది. సమాచారం అందుకున్న చిక్కడపల్లి పోలీసులు వెంటనే ఘటనాస్థలానికి చేరుకుని వివరాలు సేకరించారు. హత్య తర్వాత నేరుగా పోలీస్స్టేషన్కు... భార్యను హత్య చేసిన అనంతరం నరేందర్ చిక్కడపల్లి పోలీస్స్టేషన్కు వెళ్లి లొంగిపోయినట్లు పోలీసులు తెలిపారు. దీంతో పోలీసులు అతడిని అదుపులోకి తీసుకుని ఘటనకు సంబంధించిన వివరాలను సేకరించారు. కుటుంబ కలహాలే ఈ ఘటనకు కారణంగా పోలీసులు థమికంగా వెల్లడించారు. హత్యకు దారితీసిన పరిస్థితులు, ఘటనకు సంబంధించిన ఇతర అంశాలపై దర్యాప్తు కొనసాగిస్తున్నారు. నాలుగు నెలల క్రితం హైదరాబాద్కు వచ్చిన ఆ కుటుంబంలో చోటుచేసుకున్న ఈ ఘటన స్థానికంగా కలకలం రేపింది. కేసుకు సంబంధించిన పూర్తి వివరాలను పోలీసులు దర్యాప్తు అనంతరం వెల్లడించనున్నారు.

Tag: Chikkadpally #HyderabadCrime #HyderabadNews #CrimeNews #MurderCase #WifeMurder #HusbandWifeDispute

Most Read

సోషల్ మీడియా వినియోగంపై సుప్రీంకోర్టు కీలక ఆదేశాలు

దేవుళ్లపై సీఎం రేవంత్ వ్యాఖ్యలపై బండి సంజయ్ తీవ్ర ఆగ్రహం

తెలంగాణ అభివృద్ధికి ప్రధాని మోదీ సహకరించడం లేదు: ఢిల్లీ వేదికగా సీఎం రేవంత్ రెడ్డి తీవ్ర ఆరోపణలు!

LPUలో తీవ్ర హింసాత్మక నిరసనలు, విధ్వంసం.. ప్రాణభయంతో ఇళ్లకు తిరుగుముఖం పడుతున్న తెలుగు విద్యార్థులు!

EDITOR PICKS

పుట్టింటికి వెళ్తాన‌న‌డంతో భార్య‌భ‌ర్త‌ల మ‌ధ్య గొడ‌వ‌…! చివ‌రికి ఆ ఇంట తీవ్ర విషాదం ….

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags