#Cabinet Expansion - Crime Mirror

క్రైమ్ మిర్రర్, ఆన్ లైన్ డెస్క్ : తెలంగాణలో కాంగ్రెస్ పార్టీ అధికారంలోకి వచ్చి రెండున్నరేళ్లు పూర్తి అయినా మంత్రివర్గం పూర్తి స్థాయిలో విస్తరించలేదు. అయితే అప్పుడు, ఇప్పుడు అంటూ వాయిదా పడుతూ వస్తున్న తెలంగాణ కేబినెట్ విస్తరణకు సంబంధించి అనేక చర్చలు జరుగుతున్నాయి. కేబినెట్లో రెండు ఖాళీలు ఉండగా.. వాటి కోసం అనేక మంది ఎమ్మెల్యేలు లాబీయింగ్ చేస్తున్నారు. అయితే ఇప్పుడు ఉన్న మంత్రుల్లో నుంచి పలువురిని తప్పించి.. ఖాళీలతో పాటు కొత్త వారితో భర్తీ చేయాలని కాంగ్రెస్ పార్టీ యోచిస్తున్నట్లు వాదనలు వినిపిస్తున్నాయి. దీంతో ఉన్న మంత్రుల్లో గుబులు రేగుతోంది. అదే సమయంలో మంత్రి పదవి కోసం ఆశపడుతున్న ఎమ్మెల్యేల్లో టెన్షన్ నెలకొంది. ఈ క్రమంలోనే తాజాగా ప్రస్తుతం ఢిల్లీ పర్యటనలో ఉన్న ముఖ్యమంత్రి రేవంత్ రెడ్డి .. మీడియాతో చిట్చాట్లో కేబినెట్ విస్తరణ గురించి స్పందించారు. కాంగ్రెస్ పార్టీ అగ్రనేత రాహుల్ గాంధీతో తాను భేటీ అయిన విషయాన్ని వెల్లడించిన రేవంత్ రెడ్డి.. మంత్రి వర్గ విస్తరణకు సంబంధించి ఎలాంటి చర్చలు జరపలేదని తేల్చి చెప్పారు. ఇక కాంగ్రెస్ నేతలు, ఎమ్మెల్యేలు ఎవరైనా సరే పార్టీ అధిష్ఠానాన్ని కలుసుకునేందుకు వారికి పూర్తి స్వేచ్ఛ ఉంటుందని తెలిపారు. ఈ క్రమంలోనే కాంగ్రెస్ పార్టీ తరఫున ఎన్నికల్లో గెలిచిన మొత్తం 66 మంది ఎమ్మెల్యేలు కూడా మంత్రి పదవి చేపట్టేందుకు అర్హులేనని రేవంత్ రెడ్డి ఆసక్తికర వ్యాఖ్యలు చేశారు. కానీ రాజ్యాంగ నిబంధనల ప్రకారం మంత్రివర్గంలో కేవలం 17 మందికే అవకాశం ఉంటుందని గుర్తుచేశారు. ఇందుకోసం అనేక అంశాలను పరిగణలోకి తీసుకోవాల్సి ఉంటుందని స్పష్టం చేశారు. సామాజిక, ప్రాంతీయ సమీకరణాలు.. పార్టీలో సీనియారిటీ.. పార్టీ పట్ల నిబద్ధత వంటి అనేక కారణాలను లోతుగా పరిశీలించి.. ఆ తర్వాతే మంత్రులుగా ఎంపిక చేయనున్నట్లు తెలిపారు. దీంతో ఇప్పుడు తెలంగాణ కేబినెట్ విస్తరణ ఉంటుందా లేదా అనేది హస్తం పార్టీ నేతల్లో తీవ్ర ఆందోళన కలిగిస్తోంది. నీతి ఆయోగ్ 11వ గవర్నింగ్ కౌన్సిల్ సమావేశంలో పాల్గొనేందుకు ఢిల్లీ వెళ్లిన సీఎం రేవంత్ రెడ్డి.. ఈ పర్యటనలో ప్రధానమంత్రి నరేంద్ర మోదీతోపాటు పలువురు కేంద్రమంత్రులను కలిశారు. ఆ తర్వాత కాంగ్రెస్ అగ్రనేత రాహుల్ గాంధీతో సమావేశమై తెలంగాణలో పరిస్థితిని వివరించారు.

Tag: #Cabinet Expansion

Most Read

జడ్జి కుమారుడి కారు బీభత్సం.. 55 ఏళ్ల వ్యక్తి దుర్మరణం

బాబాయ్‌ ఇంట్లో బంగారం చోరీ.. అమ్మి థార్‌ కొనుగోలు చేసిన యువకుడు!

కృష్ణా నదిలో నాటుపడవ బోల్తా.. ఇద్దరు యువకులు మృతి

బీహార్‌లో దారుణం.. ఏడాదిన్నర బాలుడిని హత్య చేసిన సొంత అన్న?

EDITOR PICKS

ఎమ్మెల్యేలు అంతా మంత్రి పదవులకు అర్హులే.. కేబినెట్ విస్తరణపై సీఎం ఆసక్తికర వ్యాఖ్యలు!!

క్యాబినెట్లోకి ఆ ముగ్గురు…!

Cabinet Expansion: మంత్రివర్గ విస్తరణకు బ్రేక్.. ఆశావహులపై సీఎం రేవంత్ నీళ్లు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags