#BriberyCase - Crime Mirror

క్రైమ్ మిర్రర్ : ఇంటి మ్యుటేషన్ ప్రక్రియను పూర్తి చేసేందుకు లంచం డిమాండ్ చేసినట్లు ఆరోపణలు ఎదుర్కొంటున్న పంచాయతీ కార్యదర్శి, కాంట్రాక్ట్ కారోబార్ ఏసీబీ అధికారులకు చిక్కారు. రూ.20 వేల లంచం డిమాండ్ చేసి, చివరకు రూ.15 వేలకు బేరం కుదుర్చుకున్నారని అధికారులు తెలిపారు. బాధితుడి ఫిర్యాదు మేరకు ఏసీబీ అధికారులు పక్కా ప్రణాళికతో వల పన్ని లంచం తీసుకుంటున్న సమయంలో ఇద్దరినీ రెడ్హ్యాండెడ్గా పట్టుకున్నారు. ఏసీబీ అధికారులు వెల్లడించిన వివరాల ప్రకారం.. నారాయణరావుపేట మండలం జక్కాపూర్ గ్రామానికి చెందిన ఓ వ్యక్తి తనకు సంబంధించిన రెండు ఇళ్ల మ్యుటేషన్ కోసం పంచాయతీ కార్యాలయంలో దరఖాస్తు చేసుకున్నాడు. ఆ దరఖాస్తు ఫైల్ను ముందుకు పంపించి, ప్రక్రియ పూర్తి చేసేందుకు పంచాయతీ కార్యదర్శి అరుణ రూ.20 వేల లంచం డిమాండ్ చేసినట్లు అధికారులు తెలిపారు. లంచం మొత్తంపై జరిగిన బేరసారాల్లో చివరకు రూ.15 వేలకు ఒప్పందం కుదిరినట్లు ఏసీబీకి ఇచ్చిన ఫిర్యాదులో బాధితుడు పేర్కొన్నాడు. అనంతరం ఈ విషయాన్ని ఏసీబీ అధికారుల దృష్టికి తీసుకెళ్లాడు. పంచాయతీ కార్యాలయంలోనే వల బాధితుడి ఫిర్యాదును స్వీకరించిన ఏసీబీ అధికారులు ముందస్తు ప్రణాళిక ప్రకారం మంగళవారం జక్కాపూర్ గ్రామ పంచాయతీ కార్యాలయంలో వల ఏర్పాటు చేశారు. అధికారుల సూచనల మేరకు బాధితుడు లంచం మొత్తాన్ని తీసుకెళ్లాడు. కాంట్రాక్ట్ కారోబార్ దాసరి సంతోష్ ద్వారా రూ.15 వేల లంచం స్వీకరిస్తున్న సమయంలో ఏసీబీ అధికారులు అక్కడికి చేరుకుని ఇద్దరినీ అదుపులోకి తీసుకున్నట్లు తెలిపారు. కారోబార్ వద్ద నుంచి రూ.15 వేల లంచం సొమ్మును స్వాధీనం చేసుకున్నట్లు అధికారులు వెల్లడించారు. ఇద్దరిపై కేసు నమోదు ప్రభుత్వ విధులను నిర్వర్తించేందుకు అక్రమంగా లంచం డిమాండ్ చేసి స్వీకరించిన ఆరోపణలపై పంచాయతీ కార్యదర్శి అరుణ, కాంట్రాక్ట్ కారోబార్ దాసరి సంతోష్పై కేసు నమోదు చేసినట్లు ఏసీబీ అధికారులు తెలిపారు. ఇద్దరినీ అరెస్టు చేసి హైదరాబాద్లోని ఎస్పీఈ, ఏసీబీ కేసుల ప్రత్యేక కోర్టులో హాజరుపరచనున్నట్లు వెల్లడించారు. ఈ వ్యవహారంపై తదుపరి దర్యాప్తు కొనసాగుతోందని ఏసీబీ అధికారులు తెలిపారు. కేసుకు సంబంధించి మరిన్ని వివరాలను దర్యాప్తు అనంతరం వెల్లడించనున్నట్లు పేర్కొన్నారు. లంచం అడిగితే 1064కు ఫిర్యాదు చేయండి ప్రభుత్వ కార్యాలయాల్లో ఏ ఉద్యోగి అయినా పనులు చేసేందుకు లంచం డిమాండ్ చేస్తే వెంటనే ఏసీబీ టోల్ఫ్రీ నంబర్ 1064కు ఫిర్యాదు చేయాలని అధికారులు సూచించారు. ఫిర్యాదు చేసే వారి వివరాలను గోప్యంగా ఉంచుతామని స్పష్టం చేశారు. also read : రెండు బైక్లు ఢీ.. ఇద్దరు మృతి

Tag: #BriberyCase

Most Read

మ్యాట్రిమొనీ సైట్‌లో నకిలీ ప్రొఫైల్.. మహిళా కానిస్టేబుల్‌కు ప్రేమ వల వేసి రూ.1.10 లక్షలు స్వాహా!

ముంబైలో విషాదం.. ఆరో అంతస్తు నుంచి 18 నెలల చిన్నారిని తోసేసిన పదేళ్ల బాలిక!

బంగాళాదుంప కూర వడ్డించిందని భార్యపై భర్త దాడి.. రాయితో తలపై బాది హత్యాయత్నం!

ఘోర రోడ్డు ప్రమాదం.. వాకింగ్‌కు వెళ్లిన ఇద్దరు మృతి!

EDITOR PICKS

లంచం తీసుకుంటూ రెడ్‌హ్యాండెడ్‌గా పట్టుబడ్డ పంచాయతీ కార్యదర్శి, కారోబార్‌

రూ.80 వేల లంచం తీసుకుంటూ ఏసీబీకి చిక్కిన జీపీవో

గోవిందరావుపేట తహసీల్దార్‌పై ఏసీబీ ట్రాప్‌.. రూ.14 వేల లంచం తీసుకుంటుండగా పట్టివేత

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags